[愛美食] 元朗新泰菜 - 亞萊嘜嘜

今日放大假，又係打掃，仲有收電器攪傢俬
新的洗衣機送咗嚟喇，好開心，
舊嗰部用了十一年，洗得慢又嘈
呢部 Whirlpool 7080 又大咗，洗一個鐘就洗完，又靜
用了一次已經好滿意!!



今晚 happy Friday 出街食，試了元朗新開的泰菜「亞萊嘜嘜」
據聞晚晚都大排長龍，我哋七點去到仲有位算好好彩!



呢個就係馳名的蒜香包, 每條包的六面都滲滿了牛油香, 底面再有蒜蓉同香草香,
真係堅好食!!!! 點埋咖哩汁仲正, 好食到飽都要食埋佢!



咖哩牛, 牛肉較 un, 但好多蔬菜的配料, 當食菜也不錯!



豬手飯, D 豬手肉好嫩滑, very good!仲有我喜愛的酸菜, 超級下飯~



小食方面諗過叫串燒定燒鱔好?
串燒好似太多肉了, 就叫了燒鱔啦, 點知冇叫錯!
D 鱔肉好滑好肥美, 仲用予香茅去醃, 燒到外皮脆脆的, 十分好吃!







埋單後, 竟然有心的送上送完即止的小糕點, 太開心~
這裡像是家庭式經營, 侍應的服務很好, 不時幫我加水, 又問我要唔要張椅放手袋,
絕對值得再來啊!!