這個日子, 就好想見見我結婚時的姊妹團朋友呀,
雖然是七年前的那一日, 但大家的傾力幫忙我還是十分記得和感謝的~
中午約了一位食午飯, 閒日清清靜靜的慢慢吃個飯, 實在非常開心!!!
吃了十分好吃的椰子蛋糕, 超級滿足~
下午就返咗醫院做嘢, 唉, 真係多嘢做到成日做唔完......
今晚去食慶祝的晚飯, 其實都煩咗好耐係咩好......
人大了, 其實食 buffet 都真係唔食到咁多...... 況且早兩日先放題完,
到今日中午先最後拍板, 決定去 Ruth's Chris Steak House 食牛扒~
座落尖沙咀中心, 尖東站 P1出口一出就差不多到,
被安排了卡位, 環境優雅, 如果早 book 位可以坐到海景位仲正啊!
侍應的服務超好, 與酒店比有過之而無不及, 餐具和食物的擺放都很講究
先來了法包, 熱烘烘外脆內軟, 配芝士醬是十級的 yummy!
Crab Cakes, wow , 全個都是蟹肉, 起碼用了兩三隻蟹拆肉去造,
一人一件己剛好, 太多好漏!
黃色布包住的是檸檬, 很貼心的設計 , 榨檸檬汁也不會弄污雙手
主菜點了 12oz Ribeye Steak, 侍應幫我哋分埋兩份,
牛扒是用 1800 度的焗爐去焗, 再放上 500 度的碟上, 隻碟仲熱過鐵板, 一路食件牛扒都唔會凍, 真係十分好的設計!!!
Medium Rare 的生熟程度滿意, 其實我喜歡較熟, 放在碟上四邊壓一壓就熟多一成
牛扒的肉味同嫩滑程度都 very good 啊!!!
點了碟 Steak Fries, 超大件的炸薯仔, 又脆又好吃!! (老婆總是愛熱氣食物!)
精彩的甜品時段, 太多款想點了!
最後選了 Chocolate Molten Cake
很鬆軟的朱古力蛋糕, 淋上朱古力漿, 太好吃了吧!
份量很大, 只吃了三分二就冇戰鬥力了!
七個年頭, 有時嗌吓交都在所難免, 不過嗌完就冇事啦,
同埋大家做人處事都要進步, 就可以有很多個七年了~
沒有留言:
發佈留言