初時不太想去, 因為明知又濕又落雨, 路一定不好行.....
但今次波比先生少有地提出想行, 就捨命陪君子啦!
集合後, 發現行山杖漏咗喺村巴內...... 唔係嘩......... 俾機會我去日本買返支粉紅色閃閃星的??!?
一齊搭的士入烏蛟騰, 起步後, 先是山林小徑
然後上斜, 開始體驗到點解行山網站話呢條路有四星難度, 因為大部分都是沒人手鋪路的路, 仲好多碎石, 很滑很難行......
今日真是超級大霧, 行得辛苦但完全欣賞不到船灣淡水湖的景致
行行行, 其實已走入雲中
在 7km 同山友分別, 佢哋行去黃竹角咀, 算是新界最東北的一點,
但咁行來回共行 30km, 怕頂唔順我哋四人只是沿船灣淡水湖郊遊徑回大美督, 都仲有 10km 要行
開始落山, 終於見到少少的湖景
之後是攀過一個又一個的小山, 上就還好, 落就大問題
路又濕又多碎石又跣, 更是超級的斜,
斜到我覺得我應該 sir 落去....... 此刻完完全全的 feel 到四星的難度......
好不容易先落了不少
wow, 見到紅葉啊!!!
行了 12km, 終於過晒所有山頭, 腳踏平地的感覺太太太好了!!!
行了 5 個鐘, 終於可以攤一攤!!! 波比先生多麼的爽!!
Hi!!!! 我覺得呢條壩勁正!!! 好那些年的 feel!!! 如果今日是藍天白雲, 實在可以在這裡發呆吹海風~~
但兩點幾飯都未食, 大家都肚餓得咕咕叫......
快步行埋去大壩, 即是很多人踩單車嗰度
so cute!!!
yeah~~ 終於都行完喇!!! 太開心, 完全覺得冇跟佢哋行 30km 是正確的, 今日真係好夠了!!!
即刻去搵食, 今次試新嘢去了 Pataya 食泰菜
服務好, 食物更好, 行得咁辛苦有得食餐好嘅, 這個星期六太美滿!!!
沒有留言:
發佈留言