豬欄生活: 3月 2014

2014年3月31日星期一

[愛住家菜] 蜜糖芥末魚柳 x LC 煲黑松露帶子意大利飯

尋晚好恐怖呀, 勁大雨, 大雨到我瞓瞓吓俾D 雨聲嘈醒咗,
大雨到仲勁過十號風球, 有一刻我真係擔心屋企會唔會漏水!

橫風橫雨, 更加覺得自己的家很好, 有一個安樂蝸其實是很幸福的事~

星期一, 我已經帶完大學的實習學生, 終於生活都變返正常喇!!!
要煮返多D 飯喇, 上星期只煮咗一日.......

屋企有盒意大利米買咗兩個月都未開, 係時候煮咗佢啦!
呢D 慢工出細貨的菜色, 真係要星期一早返先整到!
今次加咗黑松露醬, 好香好香呀!!!
第一次用 LC 煲整意大利飯 (之前都是用 Blanc 鑊去整), 傳熱快, 時間易掌握, 又唔黐底, 真係好好用!
攪到我今個星期 Private Sales 又想去敗家, 但屋企咩煲都有, 而且冇位了.......

蜜糖芥末汁是我很喜愛的醬汁, 又甜又咸又香又少辣, 好複雜的味道~

2014年3月30日星期日

[2014 悉尼遊記] 好吃又便宜的 Pie Face x Light Rail 體驗

遊完 Manly beach, 特意搭 7pm 的船回悉尼市, 因為這班船在看到日落

在船頭吹吹風, 看落太陽緩緩的落山, 很美很寧靜~

下一站又去食晚餐了, 作為團長兼導遊, 今餐安排了便宜的 Pie Face, 目的地又是 World Square
因有任搭的 MyMulti Day Pass , 當然是搭巴士啦,
用 google map 即 search 有咩車去到 World Square, 隨意地跳上巴士, 很自由行的感覺~
開始明白, 有時候真的不要 plan 太多, 咁先好玩!

單層的巴士, 同香港的都好似樣

話咁快就去到了, 不過得兩張枱仔喺走廊, 真的十分街坊 feel!

這裡吃 pie 和 roll
點了幾個不同款的, 熱辣辣, 好鬆脆, 入面的餡料很多醬汁, 超好吃!
是香港吃不到的簡單美味啊!!!

吃飽之後, 見時間尚早, 來了一趟免費的 Light Rail 遊車河
Light Rail 即是路面輕鐵, 有兩卡, 來往 Central Train Station 至西面的 Lilyfield,
沿線除了 Fish Market, 其實冇咩遊覽點,
我們持著 MyMulti, 就點都搭一次體驗吓!

其實好唔明呢度的交通, 冇售票處/機,
上車後, 有個職員會逐個乘客查票或賣票, 真不明白人多時點賣得晒......
可能悉尼的交通工具, 根本就唔會人多啦......

上車前見到好乖的大狼狗, 波比要同佢影相~

搭了來回一程, 天已黑, 睇唔到咩風景, 當消磨時間好了~

回程時在 Capitol Square下車, 那裡有間很大的 Capitol Theatre, 好多人睇完 show 散場~
又有路邊的熱狗店, 波比吃完 pie 不夠飽, 吃個肉醬熱狗超滿足,
自從哈迪斯執晒笠之後, 喺香港都冇食過美味的肉醬熱狗了~

2014年3月29日星期六

[愛美食] 一家人的 Buffet lunch @ Cafe Kool x 韓式豆腐豬肉鍋

這星期其實都是斷斷續續的病, 渴睡, 偷懶沒有練跑.......
然後理所當然的發現肚腩仔浮現, OK, 今日係時候要做運動了!

一早起身, 點知落大雨, 真係講句: 唔係化.............
好彩落了 20分鐘就停了, 可以出去喇!
好天的日子, 真要好好珍惜~

跑南生圍, 超龜速...... 哈...... 偷懶是要付出代價的......
OK, 我會勤力返D 喇~

過去一年, 多了很多朋友跑長跑, 見到朋友一個一個的進步, 知道自己都不可以太懶了!
這個一分耕耘一分收穫的運動, 不進則退形容得貼切不過~

早上去了掃墓, 之後即慶邀請波比爸媽去食 buffet,
點知由粉嶺搭巴士出尖東好塞車, 搭咗個半鐘, 想死...... 波比亦餓得半死 @.@
本來 book 了日航, 但去到得返一個鐘食, 實在唔掂.....
臨時轉場, 去了香格里拉的 Cafe Kool,
我們有一次發現, 平時食飯乜都唔肯食的波比爸爸, 去了食 buffet 時會肯食好多嘢,
所以估佢應該係鍾意食, 而平時次次都係酒樓食就留返晒D 好餸俾兩個皇帝仔女囉....... 唉......

不出所料, 老家人就是取食物取得自得其樂, 我們也吃得開心
食物嘛, 很多款也好吃, 要推介的就是龍蝦鉗, 龍蝦湯, 德國腸, 仲有即製窩夫 :)
其他太多不能盡錄了~

晚上簡簡單單就好, 昨晚吃了不好吃的韓國菜, 吊起條癮今晚自己煮吧!
這韓式豆腐豬肉鍋用上韓式辣醬、辣椒粉、麻油、老抽, 去煮滑豆腐、豬頸肉、金菇、洋蔥,
LC 煲一鑊熟好快就食得, 波比都讚個調味好味度啊!

2014年3月28日星期五

[愛美食] 只有元朗人才識去的永順食店 x 韓食雞雞

元朗有些隱世食店, 不是元朗人不會去，是元朗人都未必知道佢嘅存在，

這家永順食店正是!

他在大榮華後面，一條普通人不會經過的小巷內，

住了十年，每天都經過他回家，但從未幫襯過，因門面毫不起眼

是有朋友介紹才知道他是街坊食堂，每天就是很多人揸車來吃，重點是門口可泊車，深受駕駛人士喜愛

這裡的豬扒鬆化好味，港式奶茶茶味香濃，

沙爹牛麵簡直是超水準!

滿滿濃濃的沙爹汁，配上蟹王麵真是人間美味

哎喲，這家好店實在發現得太遲吧！

星期五遲放工，去了鳳琴街那邊尋找新食店，見到間叫韓食雞雞的試吓啦

近期大熱的韓式炸雞，$68半隻，不過份量很少啊，味道普通啦，

拉麵年糕 $36, well, CP值低。。。。

下次想食炸雞，都係轉多個彎去芝脆雞好了

2014年3月26日星期三

[愛烘焙] 熊貓吐司

星期六，忽發奇想，想造一次網路上流傳已久的熊貓吐司

網路上有很多食譜，原來我家的一本台式麵包書都有，於是跟著書上的步驟做

首次是用麵包機打了個大麵糰，之後是分出兩個小麵糰，一個加了綠茶粉成綠色，另一加可可粉成啡色做眼和耳朵
其實通常是用竹炭粉來做出黑色的眼，但我懶得額外買了

其實咩食譜都冇所謂, 大家只要做個 560g 重的麵糰出來就得,
然後分出 250g 加入綠茶粉搓成綠色,
分出 60g 加入可可粉/ 竹炭粉搓成黑色,
發酵一小時~

發酵一小時後，就開始最緊張的部分:造型

在網路上見過很多失敗的作品，所以造型時份外要留意每個小麵糰的位置和距離
眼分得太開會很醜樣，耳朵壓得太實又會變三角耳
所以每個麵糰，互相包住就好，不要大力壓
這本書就這樣教, 很清楚!

包好了，這是熊貓仔的初形啊！

放進吐司模再發酵，其實我發得有點 over 了
入爐會頂住爐頂。。。
170 度焗了二十五分鐘取出，好緊張啊

切開前係最緊張的時刻!!! 成唔成功, 好快就知了!
登登登鄧, 嘩, 好滿意呀~~~~ 起碼冇走晒樣啦!

自己再整咗個香蕉蓉吉士醬, 搽落包包食, 是最幸福的週末下午茶啊! :)

2014年3月23日星期日

[愛跑步] ANS 沙田 10K

今日大概是今個跑季最後一戰，不過只是波比有參賽咋，因為沙田跑道，玩得太多次，不大興趣

一早起身，肚痾又想吐，咩事啊？我尋日都冇食過咩高危食物啫。。。

揸車車波比去位於小瀝源的報到處，那地方實在騎喱，冇揸車的話上去都幾麻煩

起點要走到第一城對面的遊樂場，唔去都唔知嗰度有個河畔跑道

之後我去了濱景花園的位置，坐定定準備替波比拍照
這賽道全平路很好跑，不過波比說起步的跑徑太窄了，塞人塞得很厲害，所以頭一公里浪費了很多時間

今日有黑人選手，瘋的嗎？三十一分鐘就完成了，贏了幾條街

有很多外國人都贏到頭幾名

原來這比賽都很多人

波比剛 41分完成，全場差不多五十名到啦

之後去了第一城食早餐，但其實腸胃好唔舒服。。。
回到家，累得不正常，睡一會後發覺自己發燒，想吐，腸胃超唔妥。。。
整日就是睡和食藥和夾硬的吃點東西落肚, 整日就是趟在病床上, 連落床都好辛苦

多謝老公在身邊悉心的照顧我咋，送毛巾退熱貼和藥, 買了很多食物讓老婆挑來吃,
晚上終於好了點喇

2014年3月22日星期六

[2014 悉尼遊記] Manly Walkway x Rion Corso cafe

Manly 的下半場, 是去行行山, 由 Manly Beach 出發, 可向南行去 National Park
其實 Manly 有些 Walkway http://www.manlyaustralia.com.au/info/thingstodo/walks/manly-to-spit-bridge-scenic-walkway/
有時間的可用腳慢慢走慢慢感受這個小半島的風土人情, 但我們沒太多時間, 只能選擇短的 walkway

師妹沒打算行, 就是海灘等我們, 所以我們約好了大概一小時後見
不過原來一小時實在太短, 行不到多遠就已經要折返

離開 Manly Beach, 沿著海旁走

勁攪笑...... 喺海邊圍了個泳池出來, 小朋友可在此戲水

因為太大浪, Manly Beach 那邊其實是有告示不准游泳,
Shelly Beach 這邊在小港灣內, 風平浪靜, 較適合游泳
這裡還有傳說中的燒烤爐呀!!! 係勁方便的 Grill 爐, 買了食物就燒得! 真的很想試一趟, 下次吧!!!

離開 Shelly Beach, 開始上山了, 其實上斜的路不算多, 不過都行到滴晒汗

好靚呀~~

走到山涯上, 回望 Manly beach 一帶, 好美的風景!!

行多不遠, 已經在山頂上~ 很喜歡一片片的白雲~

走到出返車路, 已經是時候要回頭了, 此行未能行到 National Park 的最南去看海, 是有少少的遺憾.....

動物仔出沒注意的路牌

一路行, 見到古雅的建築

附近都是民居, 一間間獨立的小屋, 是香港人夢寐以求的居所,
小屋前的小花園, 太令人羨慕!

回到 Manly Beach 見到有好多食物攤檔呀! 吹海風, 食吓嘢, 飲杯啤酒, 太爽了!
澳洲人的假日, 實在太 relax 了, 十級羨慕!!!

其實我們很想找間咖啡店坐下 hea 吓, 但行咗好多間都 5pm 收晒工.....
行到返 Manly Wharf 時......

竟然見到在路口有間 cafe 仲未收工, 即刻衝咗入去!

有陽光的小店, 一人一杯咖啡, 傾吓偈上吓網, this is HOLIDAY!!!
我們都覺得這一片的咖啡店的寧靜是在香港買不到的,
香港的咖啡店, 都是滿滿的人, 有學生哥霸住張枱三個鐘都唔走, 保險經紀 sell 保險, 又有港女嘻哈大笑,
沒可能有位沒可能耳根清靜沒可能自在的喝杯咖啡, 大部分連鎖店的咖啡又不是太好喝, 還是算了吧......

這裡只有兩三枱客, 老闆同侍應都好 nice 又可以講兩句, 感覺太好了~
記得以前讀 U 時, 我有時也會一個人走入南丫島那間南島書蟲喝一杯咖啡, 為的就是清靜,
哈, 好耐之前了~

[2014 悉尼遊記] 很讚的 Central Station Hotel, Paddy's Market and Manly Beach

悉尼的第三天，仍是陽光普照，我們一早就搭火車回悉尼了

這天因為會搭火車又搭船，所以買了 MyMulti Day pass, AUD23 可任搭多種悉尼的交通工具

兩小時, 又回到 Central Station 了

遇上無頂的觀光巴士

我先回 Leisure Inn 取回行李，再轉去這兩晚住的 Central Station Hotel check in
http://www.centralstationhotel.com.au/

外貌有點古舊，估唔到呢間酒店的內部十分 modern, 接待員有禮又 helpful,12 pm 就俾我們先 check in
價錢是大概 AUD130 一晚, CP 值算高了, 因行去 Central Station 不算遠, 附近有便利店, 向北行一兩個街口就是 World Square!
還有穩定的 free Wifi 可用!
房間很新淨滿意，只是執房的人甩甩漏漏，一天沒廁紙，另一天又欠梘液。。。
但如果我再來悉尼, 我都會住返呢間酒店啊!