第四次的黃子華

黃子華又開 show 了, 佢D 飛一向都係好難買~
沒有優先預訂的信用卡, 波比先生喺公開發售的第一天 lunch hour 偷偷地去排隊買飛,
攪到 lunch 都冇時間食~

點知..... 返到屋企諗住俾呢個神秘驚喜老婆,
老婆竟然潑佢冷水: 「唔係嘛, 二百幾蚊但係坐最山頂嗰行? 仲要係 weekday, 點睇呀?」
雖然老婆都知道係波比先生一番苦心去買的, 但真係好唔想坐山頂位,
不過, 買咗就算啦~

點知又過多一兩星期, 波比先生又喜孜孜地放工回家,
今次遞上的, 係另一場前返好多的座位,
唉, 似乎因為上次老婆不屑的說話, 令波比先生耿耿於懷.... 所以立心要去買過D 飛.....
真係好對唔住啊~ 其實有得同你一齊去睇, 我都好開心的了~

等咗咁耐, 今日出發喇!



嘩, 幾 full!! 在場仲見到一個波比舊同事~

今次係我哋第四次一齊去睇黃子華了~
不過又老實說, 如網友仔所言, 冇前幾次咁好睇.....
以前的都會講好多時事政治民生問題, 今次好似好冇主題,
求其講咗D 嘢就係, 但不得不承認, 笑位同拍爛手掌位係有的~ 但冇以前咁多呢~
以前睇, 真係會笑到肚痛好辛苦o架~~



Anyway, 好多謝波比先生, 陪伴著我一齊睇唔同的 performance~