每月例牌活動

今日節目豐富, 先係約咗波比的中學同學食 lunch, 參觀其中一人的豪宅新居,
講起樓呢, 呢排有考慮過一個幾近我返工的地區, 我搭幾個站車就返到工,
而波比先生返工都可以方便, 搭一個站車就得了!
但睇嚟睇去, 嗰區要交通方便的, 全是二三十年的屋苑兼且面積略細,
較新的屋苑都要搭 shuttle 來往主要交通網絡, 所以, 都係再諗吓先.....

下一站係肥仔家, 唔知由幾時開始, 上肥仔屋企打牌成了我們的每月例牌活動,
今日仲有新成員加入, 但明明其他三家都冇人做筒子, 佢打隻筒子都要諗好耐好耐.....
每一次都係咁, 無法不令我們 O 咀.....
所以平時 6hr 可以打到 12 圈, 今日要 10hr 先打得完........

夜晚為了睇 MU 比賽, 叫了三大外賣: KFC + 元祿 + Pizza Hut, 哈, 熱氣史了!