薯條大會

哈哈, 今日共有 7 個人一齊叫麥當當外賣, 5 包薯條的確好壯觀!
不過D 薯條同麥樂雞林晒....... 唔多好食囉.......
但點都好過樓下 canteen 嘅食物嘅~



今日見咗個 Pedi Voice case, 用咗早幾日上堂學的 Treatment approach,
呀, 又真係幾好喎~ 雖然當中有好多嘢都好抽象, 但佢嘅 analogy 又的確幫到小朋友明白多D skill~

我條腰呀, 尋晚叫波比先生幫我搽吓安美露時, 發現原來瘀咗一撻!
嘩, 真係莫名其妙???? 後面點可以整得瘀????
Anyway 今日都好D, 起碼都跑得到了, 但都仲有D 痛, 但知道唔係大鑊嘢都冇咁驚!

唉, 我有一個朋友, 佢有個 BB,
雖然出世唔係好耐, 但一睇就知佢有 Strabismus (斜視),
而且從相片中 BB 的表情同反應, 覺得..... 佢好似我哋見開的 CP 仔嗰種 style......
每次見到 BB 的相片, 都令我有一種莫明的憂慮,
因為真係一睇就好覺, 但我諗爸爸媽媽都唔會 aware 到那些徵狀....
Well..... 希望 BB 大D, 快D 去做吓各方面的 screening test 啦~