Relax Relax....

唉, 係咪人老了? 定係工作太攰??
夜晚想睇吓D 學術書籍, 每一晚都係睇唔夠兩頁就好眼瞓, 飲埋咖啡都冇用.....
史啦, 第時考試點算?

返學又開始有壓力嗎? 幾日都 5am 就訓唔到, 發埋晒D 返學返工嘅夢.....
以前讀中學時都係咁o架,
唯有早D 起身, 努力讀書啦~

愛惜自己

好朋友的男朋友係 chronic smoker, 我都叫過好朋友勸勸男朋友唔好食煙,
但好朋友話:「佢實話冇食煙都會有肺癌啦」
但其實食煙除咗增加肺癌機會, 仲會引致好多其他疾病

好似 COAD (慢性阻塞性肺病), 當我見住D 老人家, 終日要陀住部氧氣機吊住氧氣喉嚟生活,
係去邊都要帶住部機, 真係苦不堪言

仲有肺氣腫、肺積水、慢性支氣管炎.... 好多都係同食煙有關~ 個個病人都係抖氣好辛苦....
點解要不停吸D 塵入去個肺度塞住佢呢???

今日就係見到個 patient, 佢過幾日要做全咽喉食道切除手術,
幾日後就成個喉嚨冇咗永遠再用唔到自己的聲音說話,
問佢的病歷, 就係食咗 50 年煙, 每日食成50 支 , 係呀, 我冇打錯, 係50 支!
仲有飲酒, 飲咗 45 年.......
早知今日, 又何必當初呢?

你想點過?

我讀的 Master course 上一屆同學話係冇 textbook, 淨係溫 handout 就夠,
不過當然咁只係可以 pass 啦, 因為要攞高分係要識答埋D 課外嘢先得!

上完第一堂, 好多人都追問 Prof. 有冇 reference book 介紹,
佢開頭都話冇 , 但可能太多勤力同學問, 所以佢今日忽然間又出咗個 e-mail recommend 咗一本書~
上晒兩間大學的 library website 睇, 全部都俾人借晒......
好彩可以 hold, 不過兩間都係要去 Medical Library pick up~

波比先生叫我買, 我話: 吓, 呢本書係一科咋喎? 唔係成個課程喎, 科科都買好唔掂喎
佢: 嘻, 我讀 Master 時係一科買一本o架喎
我: 車, 讀完咪而家放晒喺我頭上面個書架唔知做乜咁囉 (你讀完之後邊會拎返出嚟睇?)

健康生活

為咗唔想第時老咗中風、高血壓、糖尿病、心臟病,
由後生開始, 係時候做吓運動了~

波比先生真係好好恆心, 差不多每日落去球場跑十個圈,
至今比兩年前瘦咗成 30 磅!

我買咗單車後, 都落咗去三次踩了,
佢跑十個圈, 我就踩十個圈,
嘩, 真係我都踩到冇力, 佢都仲有氣跑......
從後望著波比先生的身形, o依, 真係 fit 咗好多咁喎~

踩單車真係幾舒服的, 有風不停吹埋嚟, 又唔會好索氣~
希望我繼續有恆心踩落去~

太平山頂 x A330 大測試

食完個 Brunch, 同波比先生上了太平山頂~

風景篇



有 GOD 的佈景板, 好有香港色彩



行山了



真係好 sharp



D 景深效果好好了!





冇 tele lens 打雀, 不過影到貓貓



還有「草蜢」





熱溶了的天氣.... 即刻去麥當當飲杯嘢先!



Bye~~ See you next time~



有人樣的相片在 facebook, 嘩, 總之真係好 sharp, 用 DC 點都唔會影到咁 sharp 的人像照~
升級了去呢部機, 覺得物有所值!

EL CID x A330

一個美好的星期天, 帶著波比先生同新寵 SONY A330,
去了銅鑼灣的 EL CID 食了一個好美味的 Brunch Buffet~

先來了小吃: 各式的風乾火腿同牛肉, 芝士焗青口, 燒茄子, 豬肋骨,
特別係茄汁肉丸, 菠菜芝士卷, 酥炸雞卷好得啊~



之後係即叫即煮 Pasta, 內裡的西班牙風腸味道好特別, 咸香得嚟有點似中國的臘腸~
好多菇菇呀, 我鍾意~

反而雜誌推介的西班牙海鮮飯就有D 失望, 可能因為係大鑊咁整, 又凍咗, 講唔上係好食~



呢度的招牌菜就係燒豬手呀, 波比先生食咗好多件!
還有燒沙甸魚, 脆脆地, 不過太多骨了....



10月31日前做 promotion, 每位送一隻蒜蓉扒大蝦, 真係好大隻, 肉質鮮味, 掂呀!



甜品睇個樣冇乜特別, 但全部都有驚喜, 芒果奶凍係好好好滑!
芝士蛋糕係好 creamy, 朱古力蛋糕個樣完全睇唔出佢係咁濃朱古力味!



店內有小丑扭汽球呀, 送咗隻狗狗俾我哋!
用了雜誌的 coupon, 還有兩杯水蜜桃特飲, 太滿足了~



今日全部相片都係同 A330 影, 喺屋企影極都矇, 但出到街好 ok 喎, 唔通屋企唔夠光??
D 相真係 sharp 過我部 LX3 好多, 而且白平衡準好多, 景深效果我都好滿意呀~

上學了

等咗咁耐, 終於都返學了, 好緊張又好開心!

尋日收到電話, Department 有人問我可唔可以做 class representative, 真係有趣啊.....
可能因為我工作同 Department 的關係, 所以搵我掛?

好開心可以有伴一齊讀呢科, 一齊搭車一齊放 break 時間好易過~
亦見到有我醫院的 stroke nurse 同 PT 呢~

今日第一堂, 由Program director 的醫生主講, 雖然係似曾相識的 anatomy,
但佢真係講得好清楚好易明白, 我真係俾十個 Excellent 佢!
還記得我們 Year 1 去 Sport Center 上 A&P 的鬼佬鬼婆嘛?
真係上完都唔知上咗乜, 過到簡直係奇蹟~



第一堂是個非常好的開始, 還很期待以後的課堂啊!

大工程

忙咗成個星期, 日日都煮唔到飯, 差不多完成了一件大工程了,
就係將我哋要排期兩年嗰條隊, 縮到排一年就得,
呢排係咁打電話同已約期的 case 提早約期, 入電腦印約期紙入信封,
呢D 嘢其實唔應該我做, 不過文員姐姐真係太忙了, 日日佢枱面都成座山的文件要處理,
於是有位義工同埋我就完成了呢個大工程~

不過即使由兩年縮短做一年, D 家長聽到都仲係嘩嘩聲話排咁耐,
人真係唔知足的, 排 EETC 都要一年啦~ 政府嘢仲想點?!
當然我都好明白個個家長都擔心小朋友, 想小朋友好,
但老老實實呢D 又唔死得人, 一年其實算 reasonable 了~
人哋外科排期照腸鏡, 腸出血呀都要排半年呀......

偷得浮生半日閒

今日請咗半日假, 返大學拎 student card,
大學實在太太太大, 一座同另一座又相距得遠, 簡直係個迷宮..... 好複雜......
搭的士司機都唔識兜, 我落咗車仲要問咗幾次人先搵到我想去的 student office
三十幾度露天咁行, 真係曬死!

沿路有人當我係 freshman 喎, 哈哈, 我的 T-shirt 牛仔褲 look 都仲呃得吓人!

好彩, 我所有堂都係喺返醫院上, 唔洗喺呢度再迷路~

拎完學生證, 去了探我最愛的九哥,
睇開我 blog 的朋友都知我舊工作地方附近有呢間好正好正的凍肉店,
所有嘢品質好, 價錢平, 薄利多銷!
嘩, 去到我真係瘋狂掃貨, 買咗成三百蚊嘢, 好開心!
有羊肉、一口牛肉、安格斯牛扒、鰻魚、帶子,
仲有最正的蝦刺身, 寫明係解凍就可以當刺身食, 其實平時D 日本食店都係買呢D 咋~
返屋企打開, 嘩, $78 盒入面多到滿晒嚇死你, 平時D 日本食店真係賺到笑喎!



好重好重, 好曬好曬咁行去搭車返屋企, 乜都溶晒咁濟.....

返完屋企再出去, 好開心好開心, 我買咗架單車呀!
其實一路都想買架單車, 夜晚可以陪波比先生, 佢就跑步, 我就踩單車,
上網 info search 後, 去了呢間成輪單車 http://asiabicycle.com/
見佢的摺車算平了, 一去到, 見到有 14"/16"/20" 款, 16" 的似乎算細架,
嘩, 仲要 $580 咋, 比市面的算係平了!!!
試了車, 好 ok 喎, 於是諗都唔洗諗就買了!! YEAH~~~~~~~~
老細仲好好人, 送咗個籃俾我呀~

不過大馬路附近都實在太太太人多車多, 真係好佩服D 人點解可以喺架大旅遊巴隔離照踩?
我都推咗好遠, 去到少人的街道先敢踩咋 (話晒都幾年冇踩過添...)
好彩返屋企的一段路有單車徑, 安全的衝呀, 清風撲面, 好爽呀!!!



呢部係我人生的第二部單車, 對上一部係小學時的 BMX~
摺埋放屋企都好慳位呀 , 好鍾意呢~
以後大家有機會見到有個村姑喺元朗踩住部紫色單車, 嗰個就係我喇!



話咁快就煮好今晚餐飯喇,
有西蘭花帶子、燒羊肉粒粒、蝦刺身~ YUMMY~

]

飯後仲同波比先生一齊落去, 佢跑步我踩單車添~ 好健康~

即興 Dessert gathering

連續兩日, 想放工時都忽然間俾 i/c 捉住咗傾嘢......
攪到兩日都搭唔到村巴, 今日索性出旺角食飯~

又去了佳人餐廳, 羊扒仍然係推介!



之後, 剛剛遇著肥仔同 Soso 都喺旺角, 即興出嚟食石磨坊甜品,
佢哋的對話多次爆笑得令我差D 噴甜品.....



收到了 Master course 的 e-mail, handout 原來係要自己印.....
見到又係 Anatomy , 仲要讀得比 Bachelor 時深十倍, 滴汗.......



個腦幾十條血管名, 幾十個區域名同功能, 全部好背晒先去考試???
真係唔留返D 大假嚟溫書都唔得咯......



因為我都係 A A 地的, D handout 唔彩色印好似好對唔住自己咁....
要儲錢買 printer ink 了........