病倒了 x 初試象印燜燒杯

星期一, 無啦啦病了, 仲有幾星期就生得, 唔好呢個時候嚟病啦............
所以放工即去睇醫生, 但好多人, 等咗成個鐘仲要冇位坐.......

流鼻水, 喉嚨痛, 醫生知道我懷孕, 開了幾隻佢認為安全的藥,
點知返到屋企上網 search 吓, 有兩種藥美國的 website 都唔建議孕婦食, 因為 side effect unknown........
最後只吃了最常見又安全那種黃色藥, 加埋自己噴鼻, 漱口消毒同食多D Vit C,
奇蹟地, 第二日好了95%! 很感恩啦!!

喉嚨唔舒服又唔想食 canteen, 早上想起了波比先生從日本買回來的象印燜燒杯,
於是第一次用佢嚟整粥, 佢係可以掉晒D 米同餸同滾水入去, 焗幾個鐘就熟就食得!
不過我喺屋企就都將材料煲一煲先放入杯內焗,
中午打開時, 好綿的蕃茄粟米粥啊! 呢個杯杯真係好用, 唔怪之得會中港台大熱啦!
第時去街, 小豬嘜餐粥仔都靠佢了 :P