[小豬嘜] 抽筋呀!!!

尋晚終於都體驗了媽媽會抽筋的痛, 之前都有時瞓瞓吓會有小抽筋, 但都算 stop 到,
但尋晚一縮腳, 忽然小腿抽得好勁, 痛到我叫醒了波比先生幫我拉筋!
之後仲痛咗成日, 真係仲慘過上年我跑渣打半馬抽筋, 上次抽完都冇乜嘢..........

小豬嘜一天天的長大, 我們仲有六個幾星期的相處時間, 二人世界也在倒數中,
雖然我一向都係個好愛 planning 的人, 但都開始會為將來鉅大的轉變而擔心

最近期的擔心梗係小豬嘜會唔會失驚無神出咗出嚟啦 (touch wood touch wood!)
萬一早咗我就迫住要去 QE, 仲要自己生冇得開刀.........
不過產科醫生話 so far 我各樣嘢都正常, 覺得我唔會早產

之後就當然係擔心坐月同照顧的問題啦~ 好多好多嘢諗, 尤其是我是個太喜歡 planning 的人了...

而家星期一至四, 真係晚晚都會煮飯, 唔好出街食咁多喇, 自己煮健康又有營養
我個同事早幾日送咗個親戚種的魚翅瓜俾我, 我就用來煲湯, 超甜超好飲啊!
魚翅瓜咬落一絲絲的感覺, 真係好有趣!!



鰻魚蛋飯, 芝士焗菇就是我的健康餐~
生完之後, 究竟我仲有能力煮到D 咩呢? 真係唔知道..............