網走的景點實在不多, 監獄我實在沒太大興趣, 所以就來這流冰館看看
流冰館在山上, 可眺望海、湖、山脈
這時候的紅葉也很美啊
入到流冰館呢, 其實好細, 又冇乜嘢睇......
入咗個零下幾度的體驗室, 用力 fing 濕了的毛巾
毛巾會結冰而硬了, 不過懶壯的波比先生冇著褸就入嚟, 凍到佢騰騰震, 笑死我 XD
之後就是看只有這裡才有的小生物
生在北海流冰裡的小天使, 好可愛!
還有一些又是這地方獨有的魚, 記不起名字了
我們這個旅程, 好像也沒有遇過香港人, 就是在這裡遇上第一對,
佢哋竟然係搭的士上嚟, 嘩, 動輒幾千 Yen 的日本的士, 搭上嚟發現冇咩睇, 都應該幾 O 咀.....
遊道東, 唔揸車真係唔得啊~
之後我們前往今晚住的酒店: 北海ホテル
well well...... 有點殘舊的酒店, 我們只是為了個蟹宴才來
時間尚早, 我們出去街市行吓,
一路我在網路上都搵唔到網走的市內地圖, 我們走向 JR 站的一邊, 心想近 JR 站應該熱鬧點吧, 點知....... 是一遍荒蕪..........
看了車站的地圖, 有條叫「繁華一條街」的地方在反方向, ok ok , 我們返回酒店, 再前行幾個街口,
去到「繁華一條街」時, 真係令我哋 O 晒咀呀...........
可能網走真係個太細太落後的地方, 那「繁華一條街」的任何一間舖頭, 都完全引不起我們入去的意欲
可知當時得幾度, 我們都食晒風凍到震咁行過去, 真係嚴重被騙呀............
唉, 唯有返酒店吃飯啦, 呢餐係好期待的一餐啊, 因為是一個松葉蟹宴, 包埋在一泊二食的房價內, 很超值!
我們總覺得在日本吃到的三文魚是瘦瘦的, 不似香港吃那些肥美,
但北海道這裡的三文魚, 第一次令我們覺得好好食!
登鄧, 就係佢哋喇, 一人一隻!!!
好多羔, 好鮮味, 因為就是這裡漁民的新鮮貨
吃過了, 回香港真的不會再吃那急凍的了
有鍋物, 內有很大隻的帆立貝
仲有蝦刺身, 又有天婦羅蟹腳, 嘩嘩嘩, 大滿足呀!!!
勁正的一餐!!
第二天的早餐以日式飯和漬物為主, 但我還是喜歡西式的食物
呢包蜜糖加牛油簡易係一偉大發明, 中間一啪開, 就可以唔整污糟手的唧在麵包上
完成品, 這裡的牛油為什麼這麼好吃的啊?!?!?!
波比發明: 明太子氐雞蛋拌飯, 又真係幾好食喎!!!!
其他遊記: 2014 北海道道東芝櫻之旅 - 總行程目錄
沒有留言:
發佈留言