[2014 北海道] 釧路- 和商市場

第三天的行程開始了, 今天要到弟子屈, 去之前最緊要要拜訪一下這個和商市場



這裡算是地道的市場, 有魚有肉有水果賣, 我們九時多就去到食飯, 哈哈哈, 冇辦法, 太多行程了~



入面有很多小吃/熟食



但最有名的, 就是勝手丼, 即是是自己選 topping 的自助刺身飯
先去一間專賣白飯的舖頭買飯, 由 200Yen 起有不同 size
再去中心有幾間專賣刺身的舖頭, 自選刺身, 多少同種類都自己決定, 太太太好的諗頭了!



這碗是波比先生砌的, 大蝦同魚生片都超新鮮美味, 真係好好食!!!






我咁早實在食唔落住, 買了外賣, 去了下一景點之後才在車上慢慢食 (不過冬天先好咁做啊!)
Toro 同帆立貝好食到震!!!



300Yen 又有兩隻咁大隻扇貝, 啖啖肉勁好食!
我們絕對推介大家到和商市場啊!!!



我們還找到了 100 Yen 三隻的香蕉, 來了兩天都沒有吃過水果,
有得吃, 香蕉還要又香又甜, 感覺太好了~




其他遊記: 2014 北海道道東芝櫻之旅 - 總目錄

大阪馬拉松- 倒數17 星期 x 星期天的自煮樂

大阪馬拉松- 倒數17 星期, 這星期跑了 24km , 越野賽行了 8.5km, 穩守目標
星期二打算跑真正的長課 16km 了, 開始加里數, 唔知會點呢??

這星期天很悠閒, 與家人飲茶後, 有點私人時間, 整了很多食物!
成年冇整過的泰式辣雞奕, 夏天又要出現了!
還有家常的蕃茄炒蛋, 是我愛的味道!
德國腸仔, 跑了步的日子才敢吃, 太高鹽份了!



今日仲有時間整了一大兜紅豆蓉和紅豆粒粒, 用來整紅豆包



用 Panasonic 105 麵包機試過自動投入D 紅豆粒, 點知俾佢攪爛晒, 唔係我想要的效果,
都是要人手在中途放入去先得, yeah, 超多紅豆的紅豆包包, 又軟又好味 :D

[2014 北海道] 炉ばた煉瓦 爐端燒

離開濕原, 我們去了釧路住宿的東橫 inn check in, 再出去逛逛
釧路市給我們的印象, 就是「鬼影都唔多隻」
晚上在街道行, 你會發現好恐怖, 遠望幾條街都係冇人的!!!
我們就覺得自己在個死城, 又或是「那夜零晨」的場景..........
或者釧路始終不是一個遊客區, 在地人放工後都不慣夜生活, 一路所有舖頭都已關了門......

我們行去一個叫 MOO 的商場, 旅遊書講到係咩「最大的複合式商場」云云,
http://www.moo946.com/index.html
入到去, 又是死城一樣........ 只是七時多, 舖頭都關了, 只剩幾間食店, 我們都 O 了咀!

最攪笑, 但其實有D 殘忍的, 是見到這部夾蟹機



唉, 冇嘢行, 唯有早點去搵食, 就在 MOO 的對面, 就是我們計劃了的用餐地方:
炉ばた煉瓦 爐端燒 http://www.renga.jp/




入到去, 很懷舊的建築



點了最貴的 set, 後來發展太多食唔晒.......



呢度二人座位超好, 排排坐對住個爐
抽氣系統好好, 一D 都唔覺得有煙, 真係好犀利!!!



侍應好快就送上了所有食物



右邊那條叫一夜干, 是類似咸魚的風乾魚, 燒了之後超好吃, 骨都可以吃, 仲脆脆的!!
蝦好新鮮, 但那兩件鹽漬三文魚實在太咸了, 送飯也吃不慣
看看爐內, 這裡是真的用炭燒的!!! 食物燒完有獨特的炭燒香, 真係未試過咁正!



豬腩肉同雞肉, 唔錯



炸物有炸雞, 老婆至愛



燒蠔是燒好才上枱, 味道很好!


我們自己燒的帆立貝, 怎可以這麼大隻又鮮甜好味呀~~~~~



這是很滿意的一餐啊!
吃飽飽, 返酒店了, 因為呢度根本冇地方行.........

其他遊記: 2014 北海道道東芝櫻之旅 - 總目錄

[2014 北海道] 釧路湿原野生生物保護中心 -- 釧路市湿原展望台

我們吃過豚丼, 就向下一站- 釧路進發, 由帶廣駕車過去, 大概 120km

我們要到釧路湿原野生生物保護中心 (Tel: 0154-56-2345), 落車後, 見到一座嘢,
入到去, 空冇一人...... 連職員都冇.......... 實在恐怖...........
呢個 center 有D 釧路湿原動物的資料, 只有地下一層....... 完全唔知有咩睇..........
不用五分鐘, 我們就走了............



然後再去隔好近的釧路市湿原展望台 (Tel: 015-456-2424)
是在半山上, 一座幾層的展覽中心, 地下免費, 上上面要俾錢, 都一場嚟到, 上去睇睇



上到天台, 遠望四周, 發覺我們來得不合時宜,
這裡夏天來, 滿是林木, 一片綠油油, 就是旅遊書介紹的釧路濕原,
旅遊書沒講的, 是五月中原來這裡還一片荒涼, OMG...........



這個羅盤, 介紹了不同方向的景物, 東邊是出產三文魚的地方



落返去二樓的展覽館, 第一次見到活生生的三文魚呢, 還認識了牠們的生長過程
這裡也有介紹其他釧路獨有的植物, 有些很有趣!



還有望遠鏡俾人觀鳥, 可惜這個時節冇鳥可觀......
但貪玩的波比先生都係要貪得意玩o下



多謝 200 Yen


都見到一隻鳥咁大把



參觀完, 我們就去行一條步道, 據講行完大概一小時






aiya, 兩邊都是枯木, 如果一片綠油油一定好靚


這裡可以有好多特別的雀鳥, 可惜我們看不到



仲有吊橋過呀



見到呢個牌要轉左, 去展望台


天色漸暗, 見到櫻花都影唔到



展望台就可一覽整個濕原, 我覺得有D 似濕地公園, 不過大好多好多,
都係嗰句, 如果一片綠油油一定好靚





有機會的話, 要夏天再來啊!

其他遊記: 2014 北海道道東芝櫻之旅 - 總目錄

[愛跑步] Midsummer Night Race (Kowloon station)

在一個跑友的 blog, 看到了 Midsummer Night Race (Kowloon station) 的資料,
http://www.xterace.com/events.html

相比起那些暴利的跑賽, 這 $100 的賽事相對親民又特別
本來有叫幾個同事一齊玩, 但 2/6 pretrip 後驚佢哋頂唔順, 叫佢哋唔好參加
本身波比想玩同時間在科學園攪的飛達比賽, 但老婆都係嗰句: 有咩好玩?? 8k 自己落街跑好過啦!
最後波比又擔心老婆的安全, 就決定陪老婆參賽了!

為了今日, 買了件超 sharp 的螢光黃跑衣,  Nike 出品薄到張紙咁, 好涼爽~
未開始比賽, 只是行上起跑點都大汗疊細汗!
可以去到先拎號碼布, 很方便!
見到超多鐵人 feel 的勁人, 有D 仲帶埋棍, 初時我都有諗過需唔需要帶棍, 但這點講都是「跑」賽, 用棍會唔會俾人 disqualified o架?? 所以都係輕裝上陣~



準時 7pm 起跑了!



大家都是玩玩已矣, 起跑又上斜, 大家都慢慢來, 沒有爭先恐後



我明知自己又唔係好快嗰啲, 當然冇排好前起跑, 點知行行吓就塞人,
有個樽頸位由三人一排的路, 變成只可一人通過的路, 大家直情企定定等,
等到可影吓相.......



塞了起碼八分鐘, 最啃的一段上山路, 就這樣塞完了, 完全唔辛苦囉........
行得的時候, 路太窄只可一人通過, 所以基本上想跑都跑唔到的, 只可跟住前面堆人以相同的速度前進
天色漸暗, 入到衛徑後路才變返闊, 先可以跑



話咁快又去到沙田拗道, 第一次在這位置睇夜景, 超超超美!!!



向麥徑上上上, 一路快行



之後是入山路又落斜落級, 冇影相了,
我前面有個阿叔, 沒有一身專業的裝備, 佢對鞋仲好跣咁, 不停在我前面左搖右擺, 又好多次跣腳, 真係我驚過佢......

5km 之後, 一路落山, 原來落山條路唔係我睇地圖嗰條! 好彩上次冇亂行咋!
落山又是窄路, 過唔到人, 時間完全不在我控制





全個比賽開頭話有 10km, 原來得 8.5km , 無啦啦就落返到沙田.......
最辛苦竟然是最後上斜返終點的一段, 見到好多人呢個時候已落山走緊......
最後 1hr45min 完成了, 哈, 下次再玩的話一定要排前 D 先得咯
終點有汽水有香蕉, 沿路指示都好清晰, 有兩個水站, 又有人影相,
小型賽事, 整體我覺得攪得唔錯了!