對著一班 K.3 的小朋友, 超爆笑, 超開心~
我們今日扮老師上堂, 很多小朋友的說話實在太攪笑了, 說話能力叻到很難令人相信他們是有特別需要的小朋友
我上英文堂, 叫有個女孩子快D 收埋抄寫功課, 佢死都唔收, 好堅持繼續抄埋第 2 3 4 5 6 次,
我: 快D 收埋啦, 唔收冇得放學喇
佢: 唔得呀, 我一陣要返大陸冇時間做呀
隔離男同學搭咀: 妳一陣去旅行搭車嗰時做咪得囉
佢: 唔得o架, 我阿妹會搣爛晒我D 功課o架
然後佢繼續埋頭地做, 佢完成了整張功課要交俾我, 但奈何我話佢聽我唔可以收,
因為小組就是要訓練小朋友學習每次來的時候都要自己帶齊功課,
下次再上堂的時候, 我相信呢個小朋友會交唔到,
錯, 不在這個咁識諗的小朋友, 是佢的家長,
一定冇教佢執書包, 今日所有功課連手冊都冇帶, 遲到, 帶了回來的只有兩個蛋撻, 但她很慷慨的請了一個給沒有帶食物的小朋友食........
我認識很多怪獸家長, 但世界上也有很多生出來就乜都唔理的家長,
看著這個小朋友, 見者心酸.....
對著他們, 想起了很多以前在這裡工作的點滴, 其實同小朋友做治療真係會好多趣事好開心,
過幾個月我調醫院後, 就完全唔會睇小朋友了, 會覺得捨不得嗎?
做完義工, 去了一間叫梳乎厘的餐廳食 lunch,
環境和服務都很好, 蒜蓉包即烘, 超好食!
不過其他食物就都因為係即叫即造所以等得有點耐, 餓死波比了
羊架有點 overcook, 食物中規中矩又唔算特別好食, 但舒服的坐吓就唔錯~
今日真係超好天, 好想去行山但又太熱了!
去青衣食飯之前, 揸車去了青馬觀景台度睇風景,
可能好多人都唔知有個咁嘅地方, 由屯門公路過汀九之後, 第一個出口就向左駛, 之後會有指示
去到觀景台, 好靚的風景呀!!
如果唔係趕住食飯, 等到 7pm 日落一定仲靚
沒有留言:
發佈留言