豬欄生活: 2月 2014

2014年2月28日星期五

[2014 悉尼遊記] Experience Scoot - 酷航的廉航體驗

自從有一次搭過廉航 airasia 去布吉的超差經驗，對廉航有很大的恐懼
今次又一時衝動 book 了廉航，其實都有啲擔心
Book 的時候，我只知 scoot 是一間頗新的廉航，其他的 comment 一概冇聽過
Book 了之後，上網做了很多 research, 睇到經常 delay, 空姐不友善等 comment,
但親身搭過之後，覺得整體也很 ok, 以少比 airasia 好幾倍

Scoot 其實就是新加坡航空新開的廉航, 有著新航的管理, 用的也是新航的飛機, 所以整體硬件或軟件都有優質的水準

而家佢經常做 promotions, 有時去新加坡連稅一千蚊都唔洗，實在抵玩
Booking 時，最平的價錢是不包寄倉行李的，咁我去八日冇可能啦，所以選了有 15kg 寄倉行李的 flybag
但又都擔心會超重喎，又俾錢加到 25kg,
不過最後發現原來根本不需要。。。來回兩程都過不到 15kg呢，哈哈，澳洲實在不是購物的地方

座位方面，網上訂票時就已立即安排好一個座位給你，
你可選過另一個座位，但就要俾錢
另有兩款黃色座位，座位前的空間較闊，心想要坐成八個鐘，我又怕坐飛機又會腰痛，就俾多二百幾蚊轉個黃色 Super 座位
這些座位都會在一上機左面的機艙內，或每格普通機艙的最前最後，
一番研究之後，發現 book 最後 61 -64 行的最好，因為全機都是三人一排，只有那幾行是兩人一排，

而且座位的前後空間特闊，有如國泰 B777 的闊度，伸長對腳瞓覺都超舒服

唔加錢的普通座位 ok 嘛？師妹生得高佢都話 ok, 但我見真係好高的外國人就坐得超辛苦，向前坐就是頂腳，要打側坐先得

所以呢，HK to Singapore 我諗唔轉都 ok, 但 Singapore to Sydney 咁長俾我再揀都一定會加錢坐黃色座位

廉航就是百冇，請自己準備或加錢購買，
飛悉尼那班機是 01:45 起飛，如果冇嘢食真係幾唔掂，因為入到悉尼市都要 2pm 了!
於是加 $90 點了一個套餐有兩個牛角包，可樂同薯片，都算 ok

因為之前睇過台灣人搭 scoot 飛東京，可能因為啲人買嘢上機食買得太過份，所以俾空姐鬧，
其實 scoot 真係有寫明唔可以喺機上食自己的食物，我都唔敢帶，
點知我都見到有人帶點自己的食物上機食，空姐都冇出聲，
所以呢，做人唔好咁過份，空姐都會識做的

另外廉航就是冇任何設備，上次搭 airasia 就係病都冇毯冚吓。。。
今次我帶了長途機三寶: 毛毯，眼罩，吹氣枕頭，好彩有呢三寶，兩程機總算輕鬆渡過

乘搭體驗:
- Check in 有效率, 我搭班機又可能係長途旅客人人都有買行李, 唔似得搭 Airasia D 人咁為咗慳嗰少少錢唔肯買行李, check check 吓 in 人人開晒個喼嚟拎返D 嘢出嘢咁, 超討厭!!!
- 空中服務員方面, 除了派餐, 都沒有接觸過,
但就都覺得比 Airasia 好, 就是八個鐘的航程都會不停地有人在行來行去,
有需要時總有人會幫到你
- 哈哈, 上機見到好多都是好專業的長途機旅客, 自備埋拖鞋一上機就換, 很多的自備物品令人大開眼界!
- 明明是零晨機, 但就是好耐都唔熄燈, 若不是我有眼罩, 應該有排都瞓唔著
- 去程有一大班講普通話的阿嬸阿叔, 黐線o架, 一到六點就醒晒大大聲講嘢, 仲不停地食橙, 聞到有人搣完一個又一個, 何方人士呀?? 就係俾佢哋攪到瞓咗四個鐘就瞓唔到....... 眼光光望著依然熟睡的波比先生zzzzzzzzzzzz
- 回程時機沒有太滿, 8成都是外國人, 大家都守禮又靜靜的, 感覺好好多!
- 機上當然沒有電視, 請自備 iPad 自娛
- 值得一讚的是在機艙中間的位置有水機，記住自己帶個樽就可以無限斟水飲，這點我覺得是很有人性的!!!
- 廉航掟行李很厲害, 用了五次的金屬行李牌, 一下子就被 Scoot 弄彎了!!

總括而言, 作為一間廉航, 由訂票到乘搭我也感到十分的滿意,
有機會的話, 也會再坐~

不過飛澳洲如果不是為了平, 加多少少錢下次都係坐 CX 好了!
因為轉機總浪費很多時間 check in 候機入境,
本來我的如意算盤是香港去悉尼, 直航 9 個鐘, 分拆做兩程搭唔洗咁辛苦
但算漏了, 新加坡其實不是在香港去悉尼的中間, 其實是繞了路
香港去新加坡 3hr15min, 新加坡去悉尼 8hr, 加埋是11hr15min, 還未計 check in 候機入境及進出市區的時間..............
坐 Scoot 入到悉尼都下午了, 澳洲的舖頭又早收, 變相冇咗大半日的遊覽時間~
如果得有限的假期, 還是坐直航化算點

2014 新加坡 x 悉尼三人行之序
[2014 新加坡遊記] 出發喇 - 機場貴賓候機室初體驗
[2014 新加坡遊記] 永成餐室胡椒蟹 and 咖吔多
[2014 新加坡遊記] 新加坡環球影城 Have fun at Universal Studio Singapore
[2014 新加坡遊記] Maxwell Food Center x 松發肉骨茶 Song Fa Day & Night Bak Kut Teh
[2014 悉尼遊記] Experience Scoot - 酷航的廉航體驗
[2014 悉尼遊記] 可愛的城市, 煩人的交通
[2014 悉尼遊記] 敗慶的 Sydney Fish Market x Leisure Inn Sydney Central
[2014 悉尼遊記] Harbourside x QVB x Pancakes on the Rocks
[2014 悉尼遊記] 畢生難忘的 Blue Mountain Sydney 之旅
[2014 悉尼遊記] Hiking at Blue Mountain
[2014 悉尼遊記] Our first visit to Hostel x 香港對瑞典兵兵球賽
[2014 悉尼遊記] 很讚的 Central Station Hotel, Paddy's Market and Manly Beach
[2014 悉尼遊記] Manly Walkway x Rion Corso cafe
[2014 悉尼遊記] 好吃又便宜的 Pie Face x Light Rail 體驗
[2014 悉尼遊記] Hunter Valley Tour 之 Walkabout Wildlife Park 親親樹熊仔
[2014 悉尼] Hunter Valley - Chocolate and cheese tasting, wine tasting at vineyard
[2014 悉尼遊記] 最後一晚的高級餐廳靚牛扒 PRIME
[2014 悉尼遊記] Botanic Garden 趴趴走 x 驚險上飛機
[2014 新加坡遊記] 牛車水食街吃個痛快 x The Porcelain Hotel
[2014 新加坡遊記] 東亞咖啡茶室 x Singapore Zoo x Hong Lim Market & Food Centre

2014年2月25日星期二

[2014 新加坡遊記] Maxwell Food Center x 松發肉骨茶 Song Fa Day & Night Bak Kut Teh

玩完 USS, 打算去吃天天海南雞飯, 去了牛車水, 即是 China Town,
一出車站, 是很熱鬧的購物街~ 不過賣的都是很遊客的紀念品~

這裡的建築很特別

走兩三分鐘就到 Maxwell Food Center 了!
明知天天海南雞是星期一休息, 整個行程可吃到的就是今天,
點知去到, OMG!!! 閂咗門???! 明明是星期二又未到八點, 點解閂咗門o架....... 好失望......

不過好彩嗰度都好多其他嘢食o者~

叫了一個薄餅, 一個 Rojak, 都是香港吃不到的地道小吃,
Rojak 雖然是過甜了, 但味道的確很特別~
波比先生就在一檔都好多人排隊的雞飯檔, 買了一個海南雞飯, 都好好味呀!!
尤其是D 飯, 除了用雞油去煮應該仲落咗其他的香料, 超好味!!!

吃完飯就入夜了

一路穿過商業區步行去海邊, 見到好多人跑步, 那裡海傍的路很闊, 又有海風輕吹, 真係好想跑埋一份!!!
行行行, 就例牌地去睇一睇魚尾獅~

每晚 8pm 同 9:30pm 仲有金沙酒店的激光 show~
今晚其實冇特登就時間去的, 但咁啱睇到, 太幸運了!!!

沿海邊行返入去 Clarke Quay 一帶, 為的是食今晚的最後一餐: 松發肉骨茶~

咁夜都仲超多人呀!
肉骨茶真係好正, 很香的藥材同胡椒味!
個炆豬腳雖然沒台灣的炆得咁稔, 但個味道都十分相似, 點了碗白飯送一送, 正呀!!!

2014年2月24日星期一

[2014 新加坡遊記] 新加坡環球影城 Have fun at Universal Studio Singapore

第二天的行程是到 Universal Studio Singapore, 朋友的 comment 都是太細冇嘢玩，本來都冇打算去，
但睇睇吓有人又話有 Transformers 好好玩，心想波比先生實鍾意，所以就安排了這個行程

搭地鐵, 他們的單程票是可以增值的, 最多用六次

地鐵總不會太滿, 不會有人衝入車箱, 比香港的地鐵常常迫得要死舒服得多!!

我們先去了 China Town 唐城坊三樓的天宇旅遊買套票，
本是 SG$74的入場劵，那裡賣SG$60 仲要送 SG$10 的餐飲劵，太抵了!
還買定了 Singapore Zoo 的入場劵, 平了不少啊!

之後搭地鐵到 Harbourfront 站，通常大家都是會俾四蚊搭 express 車過去，但慳家老婆就選擇了行過去，其實係超近，一路還可睇風景，實在不錯!
在 Harbourfront 商場去 L1 那層, 一路有指示教你去 The Promenade Sentosa Boardwalk
不過入島還是要俾一蚊入島費

去到環球影城，不算多人，所有遊戲基本都不用排隊就可直入去玩, 實在爽

入園後向左行，先去了waterworld 睇十二點的 show, 其實好睇，不過一模一樣的 show, 曾在唔記得係大阪的環球影城定曼谷的 safari world 睇過了，所以又不算驚喜

之後順時鐘行，第一個玩的就是 Mummy, 嘩，好恐怖，是黑暗中的過山車。。。如果唔係陪老公我一定唔會玩囉。。。
不過老實說又不是勁恐怖，玩過大阪那些勁恐怖的，這裡比我預期中的 easy 好多!

下一個是 Transformers, 真係如人人所講超好玩，簡直是身歷其境的做一次 transformers, 但都轉同 chok 得幾犀利,
玩之前係有 warning 叫易暈的人唔好玩，其實都有啲擔心，點知玩完真係又暈又想嘔。。。

之後就唯有去食個飯先，我們選了在 New York 的快餐店，用了送的 $20 餐飲劵，補兩三蚊就有兩個餐食了，太抵喇!

之後去睇芝麻街公仔跳舞，再去同迷你兵影相，超開心啊，因為我同波比先生都覺得佢哋好可愛!

睇咗個歌舞 show, 表演者都好落力，唱得又跳得，超好睇!
然後是從新行一圈，玩晒所有遊戲，Madagascar 是個坐船仔的遊戲，唔洗驚嚇，最啱我

史力加 4D 電影，好似喺大阪睇過了，所以沒有驚喜
侏羅紀入面的 flying canopy, 是坐住張櫈對腳在空中 fing fing 吓的小過山車，少少刺激

再玩多轉 Mummy 同 Transformers ,就玩最後的濕身遊戲 Rapids Adventure, 要自備雨褸啊，
個遊戲隻船都轉得幾犀利，最後一下衝落嚟真係濕晒，哈哈，好彩有雨衣咋!

離開時，竟然有得同功夫熊貓影相，太開心了

玩完返過 Harbourfront 站就搭 monorail 啦，上車前都冇地方收錢,
搭完發現竟然唔洗俾錢?? 唔通佢 assume 搭得的人都係搭過 monorail 入去的? 哈! 賺了! 我以為回程是要 SG$4 的!

總括而然，這天在 USS 也玩得很開心，雖然呢度真係好似香港迪士尼咁細，但都玩了六個幾鐘呀
玩完，鬆一口氣，因為我相信亞洲有過山車物體的遊樂園我都應該去過晒，
應該以後都唔洗再被嚇得半死咁玩過山車了!! XD

2014年2月21日星期五

[2014 新加坡遊記] 永成餐室胡椒蟹 and 咖吔多

玩了幾日，超 enjoy 這個旅程!

由國泰的航班開始這個旅程了，三個鐘的航程，機很滿，很多 BB 仔同小朋友
可能家長都怕日本有幅射，東南亞又清潔又方便帶小朋友去的，就選新加坡
其實小朋友都好犀利，三個鐘實在不易過，大部分都是捱了兩個鐘後才開始鼓噪
落機前，更是群起的哭起來，好攪笑。。。

這次的飛機餐，意料之外的好吃，還有哈根大師雪糕，真在唔錯!

這架機很新很大，還有那聽過未見過的飛機鏡頭，影住飛機前的情況，十分有趣

到著新加坡，機場很高效率，去到行李帶時已出晒行李，太令人滿意

想買兩日任搭地鐵的 tourist pass,好抵死，賣票的櫃檯 4-5pm 放飯唔開工，冇得買好 O 咀。。。

因為前後都是玩三天，買他們的八達通又蝕按金，

最後每次的買單程票，十分麻煩又浪費時間

上到地鐵，地鐵上就是不同膚色種族的人，實在有趣

有位先生見我是旅客想讓位俾我坐，這裡的人很好吧！

這晚住在 Lavender 站的 V Hotel Lavender, 師妹在那裡等我們，

職員竟俾咗間三人房我們，太幸運了吧！

其實師妹即晚就搭 scoot 早我們一天到悉尼，只是join 我們食個飯，但這房間可借她梳洗同先睡一睡，三人房真是太美滿的安排了!

放下行李，出動搵食

先多謝各方好朋友的推介，第一餐我們去了吃永成餐室的胡椒蟹，蝦膠釀油條，馬拉炒麵，炒菜，

胡椒蟹就是超讚，很肥很大隻的蟹，兩隻其實足夠三個人食，但師妹自己吃了午餐，只分擔了一小件，我們很難才吃完全部

有濃濃的桂皮味道，又甜又辣，怪不得人人都話必食!!

埋單 SG90, 好合理的價錢

酒店下面有個超讚的 24小時 food court, 第二天的早餐也在這裡吃

很地道的咖吔多，半熟蛋，咖啡，

蛋就像豆花的質感，超好吃呀!!

2014年2月17日星期一

[2014 新加坡遊記] 出發喇 - 機場貴賓候機室初體驗

今日出發到新加坡了，緊張又興奮
昨晚只睡了四小時，失眠但對腳又超攰。。。

太慶幸今日搭的是十一點的航班，可慢慢執好行李才出門口

此行之前，特登叫波比先生申請了 priority pass,
今次終於兩個人可以一齊入貴賓候機室

大鄉里第一次入去，好高級啊，大部分都是似出 trip 的旅客,
仲有唔少嘢食，寧靜又環境舒適的瞓一瞓，好正

好了，飛喇，遲啲見

2014年2月16日星期日

[愛跑步] 2014 渣打半馬拉松 - 老抽完成

人生第二次的渣馬, 就是今日!
感恩的沒有太失眠 (都係有小失), 今天身體狀況算是正常的出賽~

在西鐵站, 撞到長跑班的同學, 開心地一齊影吓相,
去到尖咀, 約好了師弟妹, 又撞到行山朋友, 又一齊影合照,
我們拉完筋, 預早的上線了!
有個叔叔話佢跑了幾十個馬拉松同半馬拉松, 真是很佩服!!

八點鐘準時起跑, 不停的提醒自己唔好太快呀~
一路都安穩地 keep 到 5:20 - 5:30 min/km 的速度, 但身體的毛病就是接踵而來....
4km: 先是橫隔膜痛, 才4km 咋喎, 咁樣好唔係辦法, 唯有不停 abdominal breathing, 後來又好好多
13km: 開始腳板底痛, feel 到應該開始起水泡...... 左腳踭每次到了這個距離又開始痛, 今次都唔例外, 一步一痛, 跑長跑真係好犯賤, 明知咁辛苦, 又去攞苦嚟辛!
入西隧: 好缺氧, 跑了 2/3 就覺得個人暈暈地 @.@

好不容易捱過了西隧, 但痛加攰, 之前 keep 得好穩定的速度開始瓦解了......
出西隧後再上兩次斜路, 很想死, 但我今年堅持冇行過 :)

點知去到 19km, 左大腿抽筋, 真係晴天霹靂.......
咁多次的長跑比賽, 還是第一次抽筋, 心想唔通要行返去.......
停下來拉拉筋, 再起步時真係一步一驚心, 怕踏得太用力, 抽得一發不可收拾時, 就真係要行返去.....
我發現座低少少個人跑會好D!

過了馬師道天橋, 最後 1 km 了, 咁多人睇住, 行又肉酸, 唯有在群眾鼓勵 (壓力)下跑埋最後一段,
這一段, 力又冇乜, 又腳痛, 又抽筋,
還跑得下去, 真的不是靠體力, 而是靠意志力捱過去的!!!

最後, 算是 1hr 57min 完成了, 很感動, 比上年快了6 分鐘,
雖然比我目標時間慢了兩分鐘, 但一月份又傷又病, 欠缺練習下這成績都算係咁~
下年再努力吧!

睇返D breakdown , 就是敗在最後 2km...... 唉......

Anyway, 完成了! 很開心!!!
老公跑到 1hr32min, 都有進步~ :)

之後同埋師弟妹去食 King Lugiw Beerhall , 超美味的食物, 慶祝完成了這盛事
下年再見!

2014年2月14日星期五

第十一個情人節

今日放工特別開心，因為 11日大假正式開始，我都好似冇試過連放咁長的假!

放工即刻返屋企煮情人節大餐,
有人話要食牛扒同藍青口, 老婆就整俾佢, 幾好服務~
不過大餐過後，有人仲話唔夠飽，最後要炒了一大碟炒飯去加碳。

渣馬跑者近幾日, 日日都話要加碳, 即是食多D 高碳水化合物的食物, 等身體儲多D 醣, 跑長程時用, 以免因缺醣而乏力跑不動

今個星期實在令我擔心......
星期一二是休息, 天經地義 (星期日比賽完)
星期三波比先生晚上要開 conference call, 不能出去跑步
星期四, 得幾度凍到死, 最後因待在床上太暖而出不了門口練跑,
好了星期五, 天氣有返十度以上, 滿心壯志要出去最後的練習, 點知俾波比先生氹咗我「瞓返半個鐘先出去跑」, 就一睡不起 >.<
好擔心呀, 成個星期冇郁過........

渣馬方面, 上年的成績是2小時 3分, 今年希望做到1小時55分,
我會跑半馬一組 8am 起跑, 仲有行山朋友, 師弟妹, 跑步班朋友都跑呢組, 超熱鬧!
希望到時見到大家啦 :)

2014年2月12日星期三

2014 新加坡 x 悉尼三人行之序

今天起身, 終於可以一覺瞓天光冇咳醒喇, 非常感恩~

倒數著返多兩日工就放大假, 十分興奮~

渣馬過後, 就會是 11 日的假期, 有8 日去旅行啊!
今年波比夫婦終於都衝出亞洲! 第一次去澳洲呀! 超興奮~

其實我都冇諗過會去澳洲呢個地方, 只係11月某日見到廉航 scoot 有新加坡去澳洲的特價機票,
好似都冇諗得好清楚就買了.......(其實之後都有少少後悔, 因為發現加加埋埋D surcharge 又唔算真係好平.....)
HK --> Singapore 就搭返國泰, 會玩兩日新加坡, 主要食食食, 先再去澳洲

Book 機票時, 其實我完全冇概念澳洲的幾個熱門旅遊城市係有咩玩,
諗住悉尼咁出名就去悉尼啦, 點知.......
後來 plan 行程先發現悉尼周邊的大自然景點不多, 哎呀......... 我其實想去大自然的地方多D......
咁就 plan 了兩日去 Blue Mountain , 一日去 Hunter Valley, 都算有少少大自然特別的體驗啦~

我常說我很怕搭飛機, 其實而家都係, 所以先一路都冇去過D 好遠嘅地方.....
今次就要挑戰自己喇!! 去悉尼嗰程成八個鐘........ 希望 ok 啦!!

最有趣的是今次是三人行! 哈哈, 我的師妹都一齊去!
因為咁啱佢又同一時間放假, 又唔知去邊好, 就決定嚟 join 我哋!
對上一次同朋友一齊去旅行 (搭飛機計), 已經係大學時代了!
哈, 三個人唔知又會擦出咩火花呢? 又會有幾多驚險傻瓜事情? 哈哈, 好期待~

2014年2月9日星期日

人生第一個長跑獎項

期待已久的 HA 新春長跑終於都到了, 尋晚仍然是咳, 已經連續幾日夜晚瞓瞓吓狂咳, 咳到醒,
最嚴重的那一晚, 每一個鐘咳醒兩次, 成晚好似冇瞓過咁......

比賽前一晚, 又是咳到輾轉反側, 在捱時間等起身, 望望鐘才是 1:20am, OMG...... 幾時先到 6am 起身.....

今天的天氣不太好, 陰天又下著微微雨,
開車到醫院後, 趕忙換衫熱身~

今年我不再玩 11km, 而是轉戰 6.5km 賽,
因為跑了兩年 11km, 覺得D 人太勁根本贏唔到, 反而兩年都見 6.5km 可能因為冇乜人玩, 好慢都有獎攞, 所以就搏一搏!

9am 是 11km 的先起跑, 今年有變裝大賽, 不過唔係太多人玩,
最激就是有群 auntie 扮妃子囉 XD
本身我都策劃了馬仔打扮, 但又落雨, 又病, 都係唔好攪咁多嘢, 搏攞獎緊要啲!!!

Ready!!!!

Go!!!!!!

之後就是 6.5km 的賽事, 霸了個前前地的位置
唔知是否上天整定, 明明幫波比先生報了家屬組, 點知因為 HR 的人為錯誤而冇幫佢報到,
結果今年佢就陪住我跑~

槍聲一響, 出發了!!!!!!!!!!!!!!!!!!!!!!!!!!!!!
一起步, 有兩個人跌親呀...... 比賽還比賽, 都要顧及自己同他人的安全呀~
一心爭獎, 好緊張自己的排位, 一起步就好想過晒最多的人,
但一時好勝, 跑得太快了...... 去到 3km 過橋已開始好喘又橫隔膜痛......
遇上慢的一批 11km 跑手, 要不停從他們中間穿插而過,
波比先生就鼓勵我跑快D, 又鼓勵埋其他人唔好停繼續加油,
忽然間, 都覺得呢個老公「幾型」

過埋橋返到富豪花園, 速度不停減慢, 不只追唔上前面的女仔, 仲被一個女仔超前了.......
是著急, 但也沒辦法, 只是體會到教訓: 不要一起步跑得太快........
跑得不夠人快, 心入面另外想的, 就是慚愧之前沒有更努力地練習,
像是小時候讀書差幾分先一百分, 就怪自己為什麼沒有用功多點去讀好那幾分的題目,
人家的快, 背後定是花了很多苦功的, 比我更多的苦功,
正所謂「台上一分鐘, 台下十年功」, 這句話在跑步場上很中用~

望著前面的女仔拋離我愈來愈遠, 都冇辦法,
可以做的, 就是堅持自己的速度跑到最後!!!
不敢望後去探索有沒有下一個想超前我的人, 只好盡自己最大努力去完成賽事~

終點前, 很多啦啦隊, 見到自己 cluster 的, 大叫了一聲, 就衝向終點!!!
跑完一刻, 真係有想死的感覺, 仲有D 想嘔........

你有冇獎唔會有人即刻話你知, 要等成績公佈,
但我就用了比我以往更快的一個時間完成了, 有冇獎, 聽天由命~

我在終點等待其他好友回來, 替他們影衝線照片~
接著去看成績, 簡直不敢相信自己的眼睛, 我真的在三甲之內!!! 攞獎了!!!!!!

此時發現今屆 6.5km 無啦啦多咗好多勁人, 有個渣打半馬 1hr30min 跑完的女醫生都嚟咗呢組,
攪到三甲行列全要 34min 內先有, 明明前兩屆三甲都係成四十幾分鐘o架喎,
所以我上年先一睇就話「四十幾分鐘都有獎攞, 早知我去玩 6.5k 啦」
大家都來了這一組呃獎, 哈哈哈~

反觀 11km 組, 勁人仍在, 五十分鐘唔洗跑 11km, 試問我仲差好多個馬位.....

頒獎禮前, 上了台影吓相, 首先我要多謝我的好同事, 陪我玩陪我跑~
今日仲冒住雨又鬼咁凍企咗成個鐘都等睇我攞獎, 好感動 T.T
多謝中間的師傅, 帶我返跑會增值

最需要多謝的, 當然是波比先生, 沒有他就沒有今日的我,
唔係佢跑步, 我點會跑步先?
唔係佢迫吓我, 我點會 regular 地練跑先?
唔係佢, 波比太太呢個自小同運動拉不上任何關係的師奶仔, 點可能喺生命中有過一個長跑的獎項??
這一切都來得太過不可思議了!! 至今我仍覺得有點難以置信........
我相信自己是繼高木直子同歐陽靖之後, 又一個小小的傳奇 XD

晚上, 一早約好了成班同事來我家拜年, 而家兼埋慶功!!
玩 card game 笑到聲又開始沙的一晚, 哈哈哈!!

離渣馬仲有一星期, 心情也越來越緊張,
只希望咳嗽快快好返, 可以全力應戰!!!

2014年2月7日星期五

失聲了....

整個農曆新年, 其實都係病住過, 上星期二睇醫生的藥, 藥性很溫和, 所以未能根治今次的惡菌....

年初四那天, 開始 feel 到自己好唔妥, 咳得厲害, 鼻水變得又濃又黃, 開始聲沙, 心知不妙....
於是急急去再睇醫生, 開了較勁的消炎藥

好了, 初五返工, 四日假期後醫院是很忙的日子,
我把聲已經好沙, 沙到同D 阿婆講嘢, 個個都聽唔到,
「吓? 咩話?」就是最常的回應
於是就要更大聲的說話, 放工時, 聲更沙....

初六, 一早排得滿滿的門診, 有諗過 sick leave, 但二三月的時間表已經太 full......
若要改期根本沒時間安置他們, 唯有頂硬上......

一朝不停的說話過後, 聲已失 >.< 喉嚨又腫又痛......
馬上找耳鼻喉醫生睇睇, 抱歉兩個月內又麻煩人哋,
忍痛做了內窺鏡檢查望望聲帶, 腫得完全合不上, 仲有好多痰.....
但醫生不想開類固醇, 叫我休息就好, 唯有 sick leave 兩天半, 讓聲帶好好休息~

真的起碼十幾年冇試過病到咳, 就是感覺到好多痰在喉嚨在氣管頂端, 一呼一吸牽動了就咳得厲害......
我就會想起平時見到病床上有肺病的病人的痛苦, 那黃黃綠綠的痰比我多十倍,
呼吸困難睡不到真是很難捱......

病好後, 要快D 去打返支流感針
可能今年就係冇打, 先會如此病得嚴重........

2014年2月3日星期一

[2013 北海道雪祭遊記] 二条市場 X 耳目一新的新千歲機場

六天北海道之旅的最後一天, 4pm 的飛機回香港, 即 1pm 要起行~
一個上午只可在市內逛逛, 當然要到一到二条市場

今天是農曆的大年初一, 唔知係咪因為咁, 場內好多店舖都冇開~
想搵間食丼飯的, 就只有這家開門~

發咗的話要食呢個!

未發的話食呢D 都開心~

晨早九點, 其實真係食唔落一個飯, 唯有叫個小小的什錦丼, 味道不錯

波比先生就當然是點海膽丼啦!! 其實都好食, 但每一次吃海膽都會同下関唐戶市場的比較, 始終都不夠唐戶那些好吃~

吃飽飽, 去行 Sapporo Factory

那是個大型的購物中心, 都幾多嘢睇, 不過就是冇收穫~

再回二条市場, 買了隻皇帝蟹俾波比 family 做手信, 就搭 JR 去機場了~

五年前, 這個機場細得可憐...... 感覺似返鄉下, 很簡陋, 很人手 (詳情看舊 post)
五年後, 真的要用刮目相看去形容, 機場擴建後, 又新又時尚, 吃的買的玩的都有, 可以行半天都得!!
Check in 後我們直衝去拉麵道場, 那裡有很多家有名的拉麵店

我們決定去返最古老的味之時計台

小店子, 人也很多

很久沒見的牛油拉麵啊~ Yummy!!

不過離開時, 發現另一間叫「一幻」的應該仲正, 因為排了好長好長的人龍!!
下次再來一定要試吓!

落返商店的樓層, 嘩, 真係好好好多舖頭, 基本上你唔洗喺市區買任何手信, 入到嚟真係乜都有得賣!!

行行行, 太大了, 基本唔夠時間去行完~

一路行有D 甜點有得試食, 太正了!
試完好食, 我哋都有買到芝士蛋糕同其他的甜點, 之後就開開心心的上機, 捧著美好的回憶, 再見冬日的北海道了~

北海道的雪祭, 真的只有嚟遲, 絕冇嚟錯!
想平玩的話, 而家有 peach 同 HK Express 的平機票先去大阪/ 東京, 之後轉內陸機的話,
三千幾蚊就可以去到北海道了! 有興趣的朋友, 下年考慮一下吧 :)

訂閱：文章 (Atom)