[愛住家菜] 酥皮焗牛柳 (附食譜)

今日放大假, 鬼咩, 行完幾十k 咁辛苦, 唔抖返D 點得!

問波比先生想食咩, 佢忽然間話想食酥皮焗牛柳, 好啦好啦, 就整俾佢啦~

在牛一買了塊靚牛柳, 又都唔算好貴~
兩邊煎香, 放在酥皮上



灑上鹽同胡椒, 搽上 English Mustard



包好酥皮, 用叉在四邊壓穩, 畫上花紋



掃蛋漿, 灑上芝士碎



200度焗爐, 焗半個鐘就得~ 同時焗埋薯仔, 仲有煎鵝肝~
完成了!!!



切開, 剛夠熟, 我想話呢件牛柳真係好食到飛起, 入口即化, 一D 纖維都冇, 極品呀!!!!
今次仲整埋蘋果醋汁點鵝肝食, 個汁都係亂整, 點知酸酸甜甜又係超好食, 忍唔住要俾十個正自己 XD
呢餐一定好食過出街的多多聲!