對自己好一點

早幾日波比先生嚷著要買這個東西給我, 我大叫唔好, (貴!)
不過試過後, 真係揼得幾舒服, 左邊的膊頭即時鬆咗好多, 肌肉痛亦都真係得以舒緩!

奶奶家有 OSIM 的同款產品, 唔得呀, 太大力了, 一揼就痛死我了,
所以雖然貴少少, 但都係買了 OTO, 因為佢有力度調教, 仲有得發熱, 正呀!



一路上網一路揼, 真係好啱懶人用!

返工返埋聽日咋, 嘩, 呢個假期真係望到頸都長,
已 Plan 了下半年的假期, 發現讀書真係用好多假.....
起碼要請 9 日假去溫習考試, 仲有 3 日要去實習,
一年的大假, 已經冇了一半 >.<

本來想回歸假期去上海嘅, 諗諗吓好似好放肆呢, 因為接住的星期六就要考試了, 仲去玩?!
所以會改為中秋節先去上海世博喇, 到時仲有大閘蟹食, 正正正!!!