每日一口罩

嘩, 有時出街搭車遇到 D 人真係令到我想 xyz!(&#^@*#&% 佢哋!!!
搭西鐵 D 人咳奉旨都唔遮住個口, D 阿叔搵份報紙求其遮住就打大大個乞嚏,
搭巴士都硬係隔離左右有人勁咳但自己仲若無其事, (今日搭兩程都係)
我呢兩個星期返學, 坐我前面個女仔又係咁咳,
嘩大姐, 妳自己都係護士, 唔係咁冇常識呀? 好心自己戴返個口罩啦!
成個 lecture hall 咁多人, 個個冇得走硬食妳D 菌,
真係好頂以上所有人唔順囉!!! 明知自己病, 都唔戴口罩出街! 真 XY!

所以而家手袋都係要長放兩個口罩先得,
今日搭車聽到人咳, 咳一兩聲都算啦, 佢哋好明顯係病嗰D 係咁咳,
我即刻好唔客氣地啤佢一眼, 然後拎個口罩出嚟戴囉!

無啦啦又落雨, 聽日點出街呢?