不幸的孩子

今日又係做 MBS 的日子,
有一個係燒炭自殺的病人, 燒傷、截肢、大大小小的手術數十個,
命係救得返, 但永久的嚴重傷殘, 會令人諗其實救得返反而仲多人受苦

好彩, 今日 MBS 的結果還算不錯, 吊住條喉之餘, 還可以用口吃一點點,
但又似乎只是家人心理上好過一點點, 病人其實冇意識, 未必覺得吃到一點點是一種享受~

另一個小妹妹病人, 出生後媽媽過身了, 其他家人遺棄了她,
幸得到一個寄養家庭的萬般寵愛, 那些寄養家庭的爸媽真的很好心腸~

放工今日搭村巴走, 見到一對父母同一個坐輪椅的男仔同我一樣在等同一部村巴,
兒子坐在輪椅上, 父母一前一後的落力吸煙, 落力的令到車站冇人敢行近,
兒子就被迫的食二手煙, 嗰個情景, 真想埋去問問父母: 「係咪想你哋個肢體傷殘兼智障嘅仔再短幾年命?」
真係好質疑, 點解有D 人要生個仔出嚟害佢? 點做人老豆老母?