嘻嘻, 今日有溫泉蛋啊! 仲有北海道牛奶
食完o野, o係酒店的湖畔行o左一陣
仍然係勁大霧....
我o地又出發出, 第一站係熊牧場
先有好攪笑的狸貓, 一見到你住餅乾, 就會望實你舉手
D 熊熊都係 train 過的, 又係會 hand hand、揮手想你俾o野佢食
Bobby 先生最愛餵熊熊, 到泰國的韓國的熊熊都餵過了,
今次又點能錯過呢? 買o下買o下, 買o左 6 包餅呀~~
去到一間屋仔, 可以近距離同熊熊接觸, 由條管度餵佢食餅
Bobby 先生玩到唔捨得走, 嘻~
跟住我o地去o左一個山上的「伊賀忍者村」, 心想都係 d 團o既無聊景點,
不過又 ok 喎, 因為有 d 日式古老建築可以影o下相~
我o地先去o左所謂的鬼屋呀, 嘩, 勁低 B....... 零驚嚇......
Bobby 先生呢張相算係交足戲喇....
之後去o左睇個忍者 show, 都幾悶o下...
都係自己影o下相好過, 開始時又係好大霧
後來霧慢慢散了, good 呀~
好鍾意呢張, 竟然見到紅葉~
Lunch o係忍者村入面食, 有個蒸籠蒸住 d 菜呀肉呀烏冬呀,
清清地味道算唔錯!
飯後我o地又周圍逛逛
好快又要去下一景點咯!
Our next station is 登別地獄谷, 其實係一個活火山, 不停有煙噴出,
去到呢, 好大陣硫磺味呀, 好臭
影完相, 就又搭兩個幾鐘頭車返返札幌市喇!
o黎北海道跟團有樣好呀, d 地方太大, 如果唔係有旅遊巴接載, 好多地方都唔知點o黎~
自己車的話都死啦, 成兩粒鐘...... d 油錢仲好襟計添!
跟住我o地去o左奧林匹克跳台, 去之前都唔知其實係咩o黎??
原來係有一年冬季奧運的滑雪比賽場
嘩你睇o下後面個台幾斜!!! 點跳呀?!
有得坐吊車上去, 好開心
不過又係好大霧 (其實呢幾日天氣都好差, 陰天加落雨....)
本來呢度係可以睇晒成個札幌市o既景色o架, 但係而家乜都睇唔到....
影完相, 我o地就返酒店咯, 今明兩日都係會住呢間果子王國露天泳池溫泉城,
亦都係呢個團o既賣點之一
有朋友o黎過, 大讚呢度又新又靚, 我都好同意呀,
但係佢唔係o係札幌市中心, 由市中心o黎都要 40分鐘車程,
如果自遊行就一定唔會住呀,
你睇間房幾舒服, d 設備都好新好乾淨
佢有自己的 Bakery, d 蛋糕仔好好味呀!
我o地今日又有得去游水喇! 仲有 SPA 同埋溫泉仔~ 正呀~
玩完水又係食飯時間, 今餐又係食酒店的 buffet, 日日 buffet 真係肥死呀....
食飯的 area 有椰樹呀~~~
呢度 d buffet 較為西式
個汁煮帶子好好味o架, 仲有自製的咖哩牛肉飯, 冷麵都好 good!
個蟹腳湯, 好大隻蟹腳o係入面
仲有自製魚生飯
我又開始食甜品了
Bobby 先生仍然在努力中, 食拉麵!
超超超滿足的一餐, 因為一次過食到好多唔同o既美食,
自遊行的話, 應該都唔會有機會咁食法!
而且 buffet 已包o係團費內, 豬太又一次覺得個團好抵喇!
不過係去邊都好趕囉, 世事冇兩全其美o既~
今日冇乜用過錢, total 用o左 950 yen 咋 (~HKD 66.5)
沒有留言:
發佈留言