出發前兩星期先話唔成團, 幸運地 upgrade o左我o地去個貴 d o既團度, 仲唔洗補錢!
我o地出發喇!
Check in 後終於見到 d 團友, 唔知係咪因為呢個係個貴團, 全部都係 d 阿太阿叔,
或者係 d 50 零歲o既爸媽同埋個 20 零歲o既仔咁, 總之冇 young couple 啦...
一個同我o地差唔多年紀o既人都冇, oh.......check in 完, 去澳門茶餐廳食個早餐, GOOD~
麥兜, 我o地出發喇!
此行係搭香港航空o既機, 架機好細, 要搭接駁車先上機
飛機餐, 據聞都唔多好食, 食o左兩啖 only,
臨落機導遊先話:「日本係唔可以帶生果入境」, o下....... 點算........ 又掉唔到喎.......
一陣俾海關截住, 成團團友望住我o係袋度拎返兩條蕉出o黎, 實在太肉酸喇......
好彩, 落機後海關前有洗手間有垃圾桶, 拿拿聲掉o左先
齊人後上旅遊巴, 嘩, 我都未搭過咁豪華o既旅遊巴, 竟然有水晶燈! ( 滴汗)
最攪笑係有隻蕉送, 豬太諗住唔好o徙, 就將兩條蕉擺o左落自己個袋, 諗住今晚食啦, 點知.....
一個小時, 就到o左我o地第一晚o既酒店 - 札幌東急 Inn,
房間算係唔錯呀, 比起我o地去東京o既新宿太子大好多了!
Settle down 後就準備去食o野喇!
我o地去o左拉麵橫丁
個團好就好在包晒 5 日 13 餐,
呢餐拉麵係佢去指定的舖頭食, 有呢個可愛的肥老闆,
睇住佢煮o下煮o下, 一次就煮o左 9 碗麵出o黎, 勁呀!
正宗的札幌拉麵!! 粒帆立貝好大粒, 好新鮮, 好好味呀! o係香港一定食唔到呀!
D 蜆同埋粟米都食得出好新鮮呢!
不過個餃子有 d ...
食飽飽, 開始我o地o既夜遊,
我o地去o左機舖打機, 不過 d Game 好貴喎, 最平都係 100 yen 呀~
今晚戲肉所在, 就係去行 Robinson 百貨公司的超級市場!
好多北海道雪糕啊!
我o地真係乜都想買晒返o黎試o下, 不過當然冇可能....
最後買o左...
人人都話一定要試的北海道牛奶, 真係好滑好濃的牛奶味啊!
仲有山梨縣的大白桃, 好甜好多汁啊~~~ 不過有個問題, 點批皮呢???
最後, Bobby 先生施展佢o地為食絕技, 竟然可以用隻筷子o黎批晒 d 桃皮, 真係佩服得我五體投地!
不過過幾日, 我o地發現呢個桃原來都買得幾貴o下...
今晚我o地最 proud of o既事, 就係買o左呢 pack 刺身!
佢原價係 1050 yen, 我o地拎起o左, 點知見到超級市場職員忽然間o黎貼特價貼紙喎!!!
於是就擺返 pack 刺身落去, 個職員真係有貼呢 pack 刺身,
我o地再返, 就變o左 525 yen, 即係三十幾蚊港紙咋, 嘩哈哈哈~~~
刺身o個種鮮味, 唔洗點豉油都已經好正喇!
呢個三色飯, 都係 600 yen 咋!
海膽同埋蟹肉真係冇得彈!
今日 Total 用了 2643 yen (~ HKD188)
沒有留言:
發佈留言