真係佩服 Bobby 先生, 一個人可以食咁多蕃茄仔落肚....
溫泉蛋撈飯, 正呀!
最後一餐的北海道牛奶了~ 呢間就係整 d 好好食麵包o既餅店喇!
食完早餐, 好好看一下呢間別緻的果子王國酒店先!
後面的小教堂可以俾人結婚行禮o架!
Byebye 了果子王國, 希望我o地有緣再見啦!
今日的景點係支笏湖, 其實係去機場途中擺低你影o下相就話係景點....
不過, 呢度都幾靚, 有 d 喜出望外!
最後一天, 點都要買支北海道粟米試o下先!
成 HKD20 一條, 究竟同香港 10 蚊 3 條有乜分別呢?
答案係第一啖都唔覺有乜分別, 再食落去, 嘩, 好甜, 甜到喉嚨覺得漏o既感覺!
正呀!
我們坐的旅遊巴呀, 起行了!
Outlet 俾人o既感覺, 都係賣埋晒 d 過時款式o既 product 兼且唔係特別平,
但呢個千歲 outlet 幾 ok 喎!
環境好靚, 地方大, 店舖多
仲有馬仔可以騎, 不過我o地冇騎呀, 買o左紅蘿蔔餵佢, 佢好乖啊!
我o地先攻陷 ABC Mart, Bobby 先生買o左對波鞋, 好抵,
跟住去 Adidas, 買o左兩條波褲, 有 d 平香港成半呀!
我o地又見到上次去東京 Honeymoon 時, 買了而家手上戴住的婚戒的舖頭,
都有諗過好冇買一對戒指做紀念,
不過都係唔好喇, 留返兩週年結婚紀念時,
俾個藉口自己o黎日本再買過先, 嘻嘻!
跟住我o地去o左 Food court 食 lunch,
之前我已經上網做晒功課, 有人話「漁火丸」的三色飯好好味,
我o地每一叫o左一個, 好正呀!!
食完o野, 再去行, 買o左 Thomas 杯杯送俾小朋友,
天氣好到o丫..... 早幾日又唔見咁好天..........
我o地連便利店都唔放過, 入去掃薯片掃杯麵!
呢度 d 咖啡仲好好飲添!
再見了, 千歲 Outlet~
大概五分鐘車程, 就去到機場喇!
不過呢個機場出境o既安排好唔掂!!! 幾班機o既人得兩個 counter check-in, 唔係化?
未夠鐘又唔俾人過海關, 於是幾班機o既人排晒一條長龍, 又熱又焗....
呢個機場, 感覺好落後好唔掂... 如果o係香港, 一定俾人媽叉到死了!
企o左成個鐘, 終於入到去坐o下喇!
大家都千方百計用埋 d yen,
我買多o左盒手信,
Bobby 先生就買o左 盒 Royce 薯片俾我, 話我淨係有買手信俾人, 冇買俾自己喎,
多謝老公~ ^3^
仲有呢罐西柚汁, 好得好得!
上機了, 回程呢程機坐得我好痛苦,
左轉右轉我都坐得好唔舒服, 坐到條腰好痛好痛!!!
根本係張設計好有問題..... 連村巴張都好坐過佢!!!
好唔容易捱o左五個鐘返到香港, 唉~~~~~
拎埋行李, 搭的士先去青衣交低手信俾 Bobby 爸爸,
跟住返屋企了~
我們的 Day 5 用了 14220 Yen (~HKD 1010)
******************************************
埋單計數, 成個 Trip 用o左 74343 Yen,
即係 HKD 5300, 已經係又食又玩又勁買手信,
嘩, 呢個 Trip 仲平過我o地上次去東京箱根呀, 哈哈哈!
北海道真係一個好好o既地方, 予人寧靜舒服o既感覺,
幸運的, 今次去睇到好靚o既花花, 食到蜜瓜, 仲見到少少紅葉!
如果下次再o黎, 一定會揀冬天, 我o地要睇雪景, 同埋坐破冰船呀!
對於東瀛遊整體o既安排, 我都感到幾滿意,
導遊o係車上會講 d 佢自己o係日本o既見聞俾我o地聽,
每日又有一張紙寫得好清楚房號呀, 集合時間同埋明天的安排
不過跟團就始終係好趕喇, 如果係我o地自己去, 好多地方相信唔只逗留一個鐘咁少,
應該會花上半日好好感受一下風土人情
但跟團的好, 就係短時間內去晒所有地方啦~
同埋唔洗自己煩交通安排~
下一站係..... 哈哈, 今年內應該唔會再有機會放長假去旅行住,
下一篇的遊記, 希望可以o係明年年頭出爐啦!
