[愛住家菜] 蝦醬蒸滑雞

這個蝦醬雞本來是炸的，但波比喉嚨痛唔炸得, 估唔到蒸都好美味

食譜:
用兩隻大雞脾，洗淨起肉，
加蝦醬， 糖，薑蓉，辣椒醬，麻油，生粉醃半小時，
蒸十分鐘即成

蝦醬一茶匙就已很夠味，呢個餸簡單又好食

仲整咗好耐冇食過的金菇牛肉卷，最喜愛配甜甜的日式燒肉汁吃，一流!

[2013 北九州遊記] 大濠公園跑步去 x 柳橋連合市場

行程的第七天, 下午要搭飛機返香港了!
一早起身, 去了大濠公園跑跑步!



大濠公園中心是一個湖, 四邊就是花草樹木和緩跑徑,
一入到去, 已經見到好多人跑緊步, 波比和我是萬分的雀躍, 這裡很多跑手, 實在太好氣氛!!!



來跑得的日本人都好勁, 跑得好快!!!
有好多都係揹住個 backpack 仔跑, 好似練緊長課咁!



這裡根本就是夢寐以求的練跑場地
道路用線劃分了散步、跑步、踩單車的區域, 不怕影響人, 可放心的跑



路上還有這可愛的鴨仔, 提醒你跑了多遠, 圍湖一圈, 就是2km
如果我屋企樓下就係呢個公園, 每天落嚟跑三個圈一定很滿足!



湖和樹陪著你跑, 一路跑我一路嘩嘩嘩, 不停讚嘆這公園加上今日的藍天實在太靚了!!!



一路跑又一路欣賞吓日本跑者的衣著, 配搭得又潮又靚,
唔好以為著得咁靚的女仔應該係有姿態, 冇實際,
剛好相反, 佢哋都跑得超快, 要追上佢哋任何一個, 殊不容易



個天真係好藍呀!






仲有睇吓人餵魚, 餵鴿子, 多簡單又幸福的生活






在公園跑了 7km 就離開, 去了對面的一個古城上, 可遠眺整個福岡市的全景






之後我哋決定跑返在博多站的酒店, 跟住 google map 跑多 5km 就得
在街上, 遇到上班的人, 散步的人, 深入民居, 細看一個地方的生活, 這就是旅行 :)



去到 12km, 入了旅遊書介紹的柳橋連合市場看看,
是一個很地道的市場, 都是本地人多



找到一間賣丼同埋刺身的, 海鮮丼又平又吸引, 如果唔係今日 plan 咗去食季樂和牛, 我哋一定買返個



但都買了一盒拖羅去獎勵吓自己 XD



仲有好多用魚肉整成的食物



我們用 100 yen 買了一粒大魚旦, 點知一咬..............
吓!? 入面有成隻蛋!! 夾埋實在太好食了! 啱晒跑完步很肚餓的我們!



返到酒店, 13.88km, 很美滿的慢跑之旅~

[2013 北九州遊記] 屋台小金炒拉麵

由唐戶回到博多, 五點幾, 返酒店放低行李, 就去天神行街
逛逛超級市場、電器店、家品店,  就是樂趣~

去了吃一蘭拉麵, 是那四方盒的版本, 久違了的濃厚豚骨湯底味道!
雖然香港都開了, 但人龍嚇得我們未敢嘗試幫襯






一蘭只是前菜, 今晚的重點是吃屋台!!!



三年前來, 吃不到的小金, 今日有幸試試了! 超多人呀!!!




個 menu..... 大部分都睇唔明



好彩其實放晒喺度, 手指指就得



先點了個炆牛筋, 呀...............這裡什麼食物的調味都落得好重, 好好好鹹.......
太重口味, 唔多啱我添............



獅子狗魚蛋, 唔記得點解會叫.......



最期待的小金炒拉麵, well....... 都係太重口味, 其實是落了好多日式燒餅汁去炒個拉麵,
身為一個家庭煮婦, 覺得實在冇咩特別又自己都整到.......
這次小金之旅, 其實有少少失望, 沒有驚艷的味道, 不過就可感受一下屋台的氣氛啦~

[2013 北九州遊記] 再訪唐戶市場 x 関門海峽

誰入行程的第六天，在酒店吃簡單的早餐，因為我們要留肚去唐戶市場食魚生!!

本來今朝想去別府地獄，但下著大雨，去到其實都係睇一個個噴煙的水池，
最後決定還是喺酒店浸多次那醉人的棚湯，再斯斯然出發



我要把車子還去別府 JR 站的 JR Rent a Car 分店，
之前在 Goole street view 睇咗 n 次，都搵唔到間舖頭，
去到入咗右邊，俾的士叔叔指我走，
原來車店在左邊，見到舖前有個位，要泊入去。。。
但那個是 s 位，我喺香港泊過不多於三次的 s 位，我一直都覺得超難泊!!!
又驚車頭掂到前面架車，又驚泊得太開。。。。
忙亂之際，我都諗唔起咩技巧了! 只知道扭吓扭吓，竟然扭咗入去!!!
那一下的興奮，簡直想拍照留念!!
所以呢，揸細車真係好!!!

完成了自駕的部分，坐上高速的燕子號列車，直去小倉



超時尚的車箱, 搭配像貴賓座的座椅, 超舒適的旅程



自駕雖好, 但我還是更享受坐車看風景



大片的田園和高山, 就是九州



1hr17min 後, 我們要在小倉再轉車到門司站，帶著一件大行李，決定先在小倉放 locker, 免得去到門司萬一冇 locker 都唔知點算
小倉站是個大站，有很多的 locker, 放得安心
小倉站有市內的 monorail 搭，很有趣



之後，我們到門司再轉小船去唐戶市場



別了幾年，終於都恨到回來了!!!



哎呀, 不過我們來得晚了點..... 好多舖頭已收工, 唔係呀............
剩返的只有兩三間...... 食物款式亦有限, 實在有點失望...........
同三年前比 (遊記), 實在差太遠.....



唉, 都算啦, 揀了些喜歡的, 坐在海邊吹著海風吃, 也很享受~



除了新鮮就是新鮮





食完第一 round 再入去, 估唔到仲想收工有割引添!!!
剛才的食物幾分鐘後平了很多....... 噢...........
執了幾件 100yen 的壽司, 也不錯啊!!






吃飽飽, 散步到関門人道, 是兩公里的路程, 看海看橋很寫意



來到入口了



第一次行這聞名的步行海底隧道



wow, 由本州行返九州了! XD



回望本州, 有機會再來!!!



再步行回門司港 JR 站, 都是熟識的商場和建築



出發前研究咗好耐, 究竟有 JR Pass 搭唔搭得新幹線由小倉返博多呢?
答案係唔得o架, 因為小倉至博多的一段新幹線, 不屬於九州 JR 營運, 是山陽新幹線,所以不可用 pass,
不過搭鹿兒島本線快速, 這架 Sonic 號其實都好快返到博多了~