酒店的早餐, 唔錯啊!
我梗係要整個搽北海道芝士的牛角包啦,
Bobby 先生就好鍾意食呢度o既蕃茄仔, 話好好味, 完全唔同香港o個 d~
仲有每一日o既早餐, 我o地都一定飲北海道牛奶啊, 好健康
又見到酒店外的小電車
再見了東急 Inn, 呢度交通好方便呀, 房間唔錯, 下次自遊行的話可以考慮!
搭車時我o地見到北海道的民居, 每一間都好靚好可愛,
平頂尖頂不同顏色都有,
最愛佢每家都有一個小花園, 都種了開得燦爛o既小花, 實在太舒服了~
忽然見到呢個青蛙路障, 好攪笑
第一站係白之戀人工場, 相信每一個旅行團都係必到景點,
參觀朱古力的製造過程還是其次,
佢有歐陸式建築, 門外的一個大花園有各式各樣o既花卉, 好靚呀!
我o地入場了
可以一眼睇晒朱古力的製造過程, 好得意啊!
有 d 唔合格o既都要掉, 好o徙啊~
佢售賣好多好精緻的糖果
原來我同麥兜件衫好襯!
之後去o左隔離o既玩具博物館
賣o既蛋糕好精緻啊~~~ 好想試, 但係早餐仍在肚中....
爭取時間去出面影相喇, 跟團真係好趕呀, 都未睇晒 d o野就俾人趕住走
d 花花真係好靚啊!
D 人成日話小樽好浪漫, 究竟有咩咁浪漫呢?
我o地o既第二站就係小樽, 或者夜晚呢度好浪漫, 又或者冬天佈滿積雪時好浪漫,
但我o地見到的, 只是小小的河流一條, 同埋有 d 倉庫o係河o既一邊
Anyway, 呢個招牌景點, 點都要影o下相o既!
閃電式影完相, 又俾人趕鴨仔去小樽著名一的條大街,
大街上有各式各樣的手信店、精品店,
不過導遊成日叫我o地唔好買住, 返去狸小路一定有得買仲平 d (well, 係你有回佣收嘛)
我o地先去o左小樽音樂城, 入面布好多好多音樂盒賣, 不過我o地冇咩興趣
出面有一個會噴煙的時計台
入o左身後的一間精品店, 只見好多 Hello Kitty and Snoopy 的北海道限定版,
冇我想買俾朋友的 Winnie the Pooh 啊, 點解o既?
跟住我o地沿住大街行, o係北樓買o左樹輪蛋糕,
又買o左個 Puff 即刻食,
Puff 內的 cream 好好好滑滑啊, 正呀!
之後見到傳說中的七色雪糕, 我o地買o左杯細o既試o下, 又係好滑好重奶香,
蜜瓜味最正!
跟住我o地遇上了即開即燒鮮帶子, 嘩~~
300 yen 一隻, 真係好爽好新鮮呀~~ 點解咁好味o架~~
o係呢度行, 感覺好似去o左箱根o個條大街咁, 有日式的可愛建築
同團有兩個名太, 真係好頂唔順佢o地, 鑊鑊都要成車人等佢,
次次都係買o野買到唔知時間 , 好似前世未買過o野咁, 真係好激氣!
行完個幾鐘, 去食午餐了, 今次係去海鮮市場,
個團有包所謂的火鍋, 但係食材都十分之垃圾同唔新鮮
(阿導遊仲好意思多次強調我o地呢個團唔會去食埋 d 垃圾食物...)
好彩有自費買海鮮食o者
12600 yen 的鱈場蟹, 因為去過北海道的朋友話定俾我聽兩個人一定食唔晒,
所以我o地同一對母子 share, 否則都真係幾貴o下
我o地仲要o左兩隻海膽 (3800 yen), 同埋兩隻帆立貝做刺身 (1600 yen)
嘩, 開o左出o黎喇~~~
佢o地 d 海膽真係個個都讚不絕口, 好鮮甜又唔腥, 真係未食過咁好味o既海膽呀!
一隻打開, 仲有好多添, 多到 Bobby 先生用o黎撈飯!
Cheers with the crab legs!
呢餐真係食得好痛快好開心啊, 雖然真係貴少少~
食完仲有時間, 我o地去o左附近的一個百貨公司度行, 好多o野都好想睇,
但冇時間了..... 嗚...... 買o左兩個大黃桃就走了
搭o左兩個鐘車, 我o地去到洞爺湖, 但已經係入黑o既時間了!
如果唔係跟團, 我諗我o地都唔會無啦啦用幾個鐘 travelling 時間o黎呢度,
因為旅遊書都冇推介呢度有咩景點....
不過, 最後還是覺得值得一遊,
就係因為我o地入住o既酒店 - 洞爺湖 Sun Palace 好得
因為呢個 king size 的房間, 同埋窗外湖畔的景色
放低行李, 我o地即刻換泳衣去游水,
佢有一個人工造浪的泳池, 又有 d 滑水梯, 都唔錯呀! 好耐冇同 Bobby 先生一齊游水了!
玩o左大半個鐘, 已經係 Dinner 時間, 快快換衫去食飯先,
今餐係酒店的 Buffet 啊, 係十萬個超正!
去o左一個勁 Grand o既 Ballroom 度開餐
食物o黎喇!!! 燒帶子好正!
呢個魷魚好新鮮, 仲有好多炸物
繼續好多甜蝦先! 個 pizza 唔錯, 呢度 d 芝士特別好食!
我已經開始食甜品了, o係日本都有荔枝食? 味道比香港的差好遠
Bobby 先生還戰鬥力無窮, 個烏冬好滑滑!
仲o黎甜蝦? Mr. Bobby is CRAZY!!!
嘻嘻, 我o地揀o左個超正的窗口位啊!
戰鬥完畢, 要飲返兩杯茶消消滯先得到
每晚 9pm, 湖上會有船放煙花啊!!
不過好可惜, 今晚太太太大霧了, 煙花放上天, 只聞其聲, 不見其影.......
只有放o係較低o既先睇到
好多謝今日同我o地 share 買蟹的兩母子, 替我o地影o左張咁靚o既相~
返到房, 我就整理o下今日買o既手信,
Bobby 先生就去浸溫泉~ 哈哈, 要除晒衫o個種, 唔好攪我了....
今日共用了 15770 yen (~HKD1120)
