[愛住家菜] 南瓜濃湯

健康星期一, 多菜少肉,
尋日見到南瓜幾靚, 買了來整南瓜湯~
雖然有時見到金寶罐頭湯好想飲, 但一睇 ingredient: 100ml 有成 600mg sodium..... 就即刻放返低........
還是自己整健康得多吧!

南瓜切粒, 蒸或烚稔, 取出加牛奶用攪拌機打成漿狀
再倒入煲, 加入適量的水或牛奶, 鹽、黑椒, 仲有粟米粒, 煮到再滾起就得喇!
自己整, 健康又好濃南瓜味, 還有天然的甜味, 實在唔錯呀!

整理

今日入屯門食飯, 去了一間十幾年冇幫襯過的屋邨茶餐廳,
那種快靚正的風味, 很多時還好過去高級餐廳拘謹的用餐,
侍應收銀又會由心的向你說多謝, 不像連鎖快餐的是木無表情或被老闆規定的說多謝光臨,
屋邨小店, 就是有人情味~ 但可惜的, 現在買少見少.........



整個下午都在執屋, 執好了書枱, 又把冬夏天的衣服換季~
捨不得的收起了 2XU, 本來冬天是它大展本領的時節, 但我要到下個冬天才可以再穿你了!
那種心情, 有點複雜~ 等我吧~ 我會回到跑道上的!

2014 毅行 Support

毅行者, 又來了!!!!!
每次回顧前兩年的 support 經歷 (2012, 2013 看此) , 那股感動就是湧上心頭~

這年嘛, 不是去 support 醫院的隊伍, 因為人都轉了,
山友自組一隊, 而我的好師妹同事又自組一隊, 最後去了 support 師妹那邊~

由於體能的問題, 今年不可以陪行了! 索性去最近我屋企的 CP9 提供食物, 只是略盡綿力~
之前做了無數次小 Cup cake, 但很多時鬆軟度都未如理想.....
哈哈, 可能我常常減油減糖, 導致成份比例不正確.........

今次剛巧見到 owenmama 有香蕉蛋糕食譜, 跟著做, 很簡單!
出來的效果非常之好, 見其爆開的程度, 已知道會十分好吃!
還有我發現杯子的厚薄應該也對蛋糕的受熱膨脹有影響,
橙色杯子是厚身的, 明顯見到蛋糕冇爆開得咁犀利啊!

除了香蕉蓉, 一半我加了紅豆餡, 一半又加了朱古力粒, 都是我最愛的口味!~



中午時份出發了, 去點心店買了蝦餃燒賣叉燒包, 再搭的士上大棠,
雖然事先張揚話封路, 但其實的士都可以上到 BBQ 場喎, 感恩行少了一大截!

之後同同事行去 CP9, 雖然我都不時去晨運, 但行起來都真係遠遠地!
又很感恩, 找到樹蔭下的枱櫈坐下來, 吹吹水, 一小時後師妹就到了!

行得咁辛苦, 我總覺得要有餐好嘅食!!! 通常 support 只有D 又凍又硬的飯盒, 我覺得俾我食會好慘......
嘻嘻, 朋友都對蛋糕仔同埋點心讚不絕口! 我覺得是你們應得的!
之後朋友都被催促要走了, 因為要爭取 30小時內完成! 加油啊!!!



之後我同埋同事行返去終點, 上那死亡斜路時, 完全感受到身體的不濟........
一路上, 一路開始好氣喘同有缺氧的感覺, 不久就開始頭痛........ (早幾個月, 我還是可以跑上這條斜路的!)
行了 50 分鐘, 先去到終點的大棠渡假營

等了十多分鐘, 朋友就衝線了!! 真係三十小時內完成到呀, 好替師妹高興!!!!
入到個 hall 度等啦, 唉, 個 hall 太焗了, 企咗一陣我已發覺身體又頂唔順, 仲開始想暈........
最後等不到上台影大合照就要先走了

這一年, 雖然參與得不算多, 但在終點的一刻還是很感動!
或者我在有生之年也應該要挑戰這 100 公里一次, 不過要俾十年時間我 :)

[2014 大阪] 三井 outlet 好好買 x Popolare 神級畫花咖啡

呢次的大阪遊記, 真係幾悶...... 所以又 hea 緊冇乜心去寫.......
行完公園, 終於都去波比期待以久的三井 outlet,
但是下午茶時段, 點都要去提提神先得!

一入 outlet, 發現門口左手邊有間勁正的咖啡店!!!! 牆上都是咖啡師鬼斧神工的畫花咖啡!!!!
咩日本漫畫公仔都有, 仲要畫得超勁似!!!

急不及待的坐下, 波比點了佢最愛的 one piece 公仔咖啡, 嘩~~~ 真係畫得好好好靚呀, 靚到唔多捨得飲!!



還有咖啡芝士蛋糕, 唔太甜, 好味道!!



hehe, 我又食違禁品了, 咁大杯芭菲, 開心死我!!!



之後就是瘋狂 shopping, 雖冇上次來買得咁多, 但有D 真係好抵!!!
呢度咁多件嘢你估吓幾錢???
夾埋三百幾蚊港紙囉, 真係平都你唔信!!!



為了明天的馬拉松, 今晚一定要食飯加碳
去了平民的牛肉飯店 Sukiya, 香蔥牛肉飯, 正!



玉子豚丼, 又係好好味, 來日本吃便宜的也會很美味!



不過點知食完, 波比先生話仲唔夠飽,
酒店附近好荒蕪, 行了幾條街想去麥當奴, 點知喺麥當奴隔離竟然有好大間 Aeon 超級市場, 仲要未收工! (通常都收八點嘛)
入去掃了飯飯飯, 哈哈



以前來日本呢, 每晚總要吃一個布丁,
而家要健康D 喇, 改吃 Yogurt, 原來 Dole 有出 Yogurt?! 都幾好味喎!

[愛住家菜] 金錢蝦餅 x 檸檬芝士比目魚

哈，近來我好少蒲頭，因為放工真係好攰，有時九點就瞓了

今晚整吓好味嘢，這個香茅金錢蝦餅，真係堅好食!!
將蝦滑同豬絞肉攪到起膠，加適量鹽糖黑椒，香茅碎，
外面沾上麵包糠去炸，點埋泰式甜辣醬，好味到波比先生一人食了四件



另外這是向 Jamie Oliver 偷師的 sauce, 用牛奶，蒜蓉，鹽，芝士，檸檬汁煮沸，
加入適量麵粉使佢變杰，
淋在煎好的比目魚扒上，好好味架!



聽日就是一年一度的毅行者了!!
為了支持一班山友，今晚整咗叮噹豆沙餅俾佢哋加醣，
希望大家都有好好的成績 :)

[愛美食] 尖東 Bulldog's Bar & Grill

這天同老公去聽講座，好有趣的講座

之後去了尖東的 Bulldog 吃午飯，從不知道尖東有個咁正的地方，
可以坐半露天的座位，望著維港港島景吃飯
去到只有幾枱客，都是外國人，很舒適寧靜的環境



看看 menu, 好多嘢都想食，可惜得兩個人肚子有限
最後點了 Bulldog Burger, 嘩，果然是鬼佬 size, 漢堡是用牛肉混合了洋蔥香料造，
啖啖肉超級juicy 好吃



伴碟的薯條更是亮點，超超超脆，入面又好粉, 份量雖多我也 KO 了全部



還點了 Tropical paradise pizza, 洶湧的半溶芝士同配料，餅底又薄又脆，真係好正呀！



下次約多兩個朋友, 叫多兩款食物 share 食一定仲開心!

[愛美食] 始創 RBTea

Happy Friday!!
今晚約了幾個月冇見的好友相聚, 兩個女人想搵個坐得耐又舒服的地方慢慢吃飯,
旺角真係唔多選擇............ 無意間見到始創有間叫 RBTea 的 cafe, 有西餐有甜品, 就 go go go 了!

佢好似 euro go go 咁係自己搵位, 自己買飛,
買完有個牌放枱面, 有人會送餐點俾你

點了什菌薄 pizza , 好脆好多菇!
日式唐揚雞都好食, 但D 雞較肥
仲有個鮮茄肉醬螺絲粉好好食, 好濃茄味, 但冇影相

之後再 encore 芒果窩夫同埋果茶, 每人都係 $130, 傾偈傾到好夜,
很美滿的一餐啊!!

[愛住家菜] 新鮮魚湯 Dabino!!!

wow, 今日放工忽然間好好好想打邊爐呀!! (因為見到好多 facebook 朋友都開爐了!)
於是飛去街市買材料

為求健康, 唔用現成的濃湯寶, 反而是自己淆個湯,
用了三條大眼雞仔, 加埋蕃茄同泡菜, 就成了好味又健康的蕃茄魚湯了!!
用佢嚟打邊爐, 即使連湯飲埋都唔會有罪疚感




今日又去了大橋街市嗰間超齊全的丸丸店買丸,
包心麻辣丸、蜂巢豆腐、玉子魚腐、流心芝士丸, 全部都新奇又好食呀!!!
仲有健康的豆腐同牛肉, yummy yummy!

[愛烘焙] 深夜 Hotdog

10 天的大假完結了, 旅行後休息了五天, 閒來處理了很多家中的事務,
又可以買買餸煮煮飯, 簡單而充實~

再完成多兩個覆診, 又算是鬆了一口氣

終於都有點秋意了, 不過大家小心著涼呀~
開始轉涼, 亦代表醫院會進入很很很忙碌的時間,
月尾開始, 我就接任這間醫院我部門的 in-charge 位置了, 希望不會忙得飯也煮唔到啦~
很多煩人的 handover, 希望可順利完成!

波比先生尋日點名要食香蕉包, 今夜耐住眼瞓地等同焗
半夜三更, 仲用芝士包包造了熱狗!! 咁凍天氣食個熱辣辣的熱狗, 好美味o架! :P

[2014 大阪] 鶴見綠地公園

大阪真的來了太多次, 此行 plan 行程十分頭痛, 因為真係冇咩地方好想去......
為滿足波比的購物欲, 今日去完馬拉松 expo, 就是去 outlet shopping,
我們都對三井鶴見 outlet 情有獨鍾, 因為上次去的時候, 買了好多平靚正的 Nike!!
去 outlet 前有太多時間, 於是順道去佢隔離站的鶴見綠地公園行吓



此行沒有了立山的美景, 也很想行行花草樹木的地方,
這個公園很大很大, 行完的話真的要三四個鐘



有湖有樹, 藍天白雲, 慢慢行就是很舒服 :)



十月尾, 天氣還很熱 (不過過兩日後凍了很多), 紅葉只見幾片



寧靜的小路, 十分喜愛, 聽聽鳥兒叫, 吹吹涼風



行到去一個風車園, 超超超美的景色啊!!
冬天還有我最愛的郁金香呢!!!



之後有一個玫瑰園, 好多唔同顏色凡玫瑰開得燦爛






有大大小小的池塘, 很多不同種類的雀仔啊, 還有很多長鏡頭, 又有人寫生,
日本人的閒情, 令人十分羨慕, 每次來到, 總叫人很想移民



秋天也是波斯菊的秀節啊!






除了大人, 還有很多 BB、小朋友、小狗, 是一個很幸福的地方



體能渣了, 行不多兩個鐘就見攰, 係時候去醫肚.....