[2014 高雄] 六合夜市宵夜去

這次 weekend trip 揀去高雄, 因為其交通非常方便, 由機場去到市區有捷運, 不需半小時就到,
點都好過去台北搭成個鐘車出市區

星期五晚, 入到市區都 11:00pm 了, 好彩我 book 了的酒店就在六合夜市內, 去酒店 check in 完, 即刻衝落樓搵食

第一次行夜市咁少人?! 少到嚇親, 不過想起現在時間真係好夜了~



第一站, 莊記海鮮粥, 很愛台灣粥的柴魚味, 仲超多海鮮



原來六合夜市不大, 主打海鮮類, 很多烤海鮮



皇帝蟹都有啊!!!



狗狗你在做什麼?



呢檔木瓜牛奶好出名, 第二晚見到大排長龍



十分真材實料!



這家烤肉之家也是長龍店, 即點即燒



用的是炭火啊



烤黑輪真是美味至極!!



另外裹買了刈包同肉圓, 可惜兩樣都唔好食........



第二晚買了藥燉排骨湯同埋另一檔燒肉, 排骨湯好正啊!



如果六合同瑞豐夜市要二選一, 我還是較推薦朋友去瑞豐夜市, 因為嗰度大好多, 所賣的食物款式又多好多!!

[2014 高雄] Qubit 靜靜喝咖啡

是次高雄之行走訪了兩間咖啡店，在網路搜尋拉花咖啡，最多人讚的兩間

第一間在美術館那邊，要搭的士去
去到是超寬敞的格局，很大的店只放了幾張枱，這種事根本沒可能在香港發生



每枱都有這精緻的水壺



點了個蘋果批，但我覺得這應該叫蘋果酥先啱
味道不錯



波比的單品咖啡和我的 latte 都很讚，不過可能我冇特別要求，沒有網上見到到神級拉花
但悠悠閒閒坐半個下午，倒是很開心

[愛住家菜] 粉絲蝦煲 x 桂圓合桃麵包

今晚煮吓新嘢, 很開心!
先有涼伴茄子, 咁熱天時食最啱了!
很簡單的用蒜蓉, 辣椒醬, 醋, 日本豉油, 台式拌麵醬撈埋就係, 醒胃!

還有粉絲蝦煲, 用薑, 黑胡椒, 柱侯醬, 雞湯去煮, 小辣又開胃!


今晚沒跑步, 用時間整了個桂圓合桃麵包,
超鬆軟, 桂圓烘後很香, 同麵包好夾, 太好吃了!

[2014 高雄] 吳寶春麥方店朝聖去

或許是看過「醉後決定愛上你」, 一路對吳寶春麵包店有個情意結, 好想好想去試試他的麵包

上一兩次來台, 都沒有時間沒有機會去一訪, 今次來高雄, 可以了, 超開心!

世界麵包冠軍吳寶春麵包店，以冠軍麵包荔枝玫瑰及酒釀桂圓麵包聞名的吳寶春師傅，以國際技術用在地食材烘焙出台灣原味。

http://www.wupaochun.com/booking.html

麵包店的位置有點偏僻, 由三多商圈站行過去都有點遠,
好彩我哋搭巴士去, 近了一截, 但 34 度氣溫下行去, 都有點熱史的感覺

到了到了, 我的夢幻麵包店啊!



一入去就有店員請我們試食小片的法包



主張天然無添加, 麵包又大又靚



這就是冠軍麵包, 但太貴了, 沒買啊



我們買了這三個, 左起的紅豆丹麥麵包, 超超超鬆和香牛油味, 仲好多紅豆
中間的是香蕉包, 較硬有嚼勁, 很多香蕉和朱古力粒粒
右邊的是提子軟包, 就是十級的軟熟, 甜甜的, 我和波比先生用兩條街的時間就 KO 了一大個!
所有麵包都太好吃了! 實在太值得來了!
眼見本地人的顧客, 好似唔洗錢咁人人買好多個麵包, 就知道呢間小店真係好掂呀~

大阪馬拉松- 倒數 16星期

上星期跑得不是太按 schedule,
應該是 16km + 8km + 8km, 後來是跑行 16km + 5km + 11km

在台灣吃了很多很多很多! 條腰返來竟肥了一小圈.........
今晚煮個芝士肉醬三色意粉, 落了很多紅蘿蔔和蕃茄, 很清新的感覺~

2014 高雄出發篇

放工後搭A車去機場，A 車唔兜東涌，去機場真係快好多
但波比搭機場快線仲快，7:10pm就到機場了

為了加快到達酒店，今次沒寄倉行李，兩個袋就出發

第一次用 mobile boarding pass, 在日本搭內陸機見到日本人個個都用電話一嘟就搭飛機，覺得好型
自己今次第一次用，唔洗寄行李所以去到機場直接入閘就得，在海關一嘟就得，
但去到閘口，竟然嘟唔到，部感應器太渣了。。。

一路要留肚食夜市，個肚咕咕咕，飛機餐只食了兩口
華航部機是3-3小機，但座位都幾舒服
不過比預期遲了點才降落，但其實都好快，搭飛機去高雄，係快過我喺銅鑼灣搭 968返屋企

落機搭捷運去美麗島，原來而家高雄的捷運站都有 WiFi, 甚至車上都有，好犀利
因為太夜買唔到電話卡，有 WiFi 真係好感動!

出走

明晚出走高雄, 星期日晚返
咁短都去??
因為我的旅行瘋又發作, 每年總要去台灣一次食夜市
是次放工直奔機場上機去到仲食到六合夜市, 星期六要食新開全台最大的凱旋夜市, 太期待!!!

See you later, 送上好靚的晚霞照片一張 :P

[愛住家菜] 芝士焗魚柳 x 紅豆包包

我實在擔心我轉了在小醫院工作後, 會變肥婆 XD

很早回到家, 我煮了太多的食物 :)
今晚整了洋蔥豬扒, 仲有芝士焗魚柳
魚柳用少少鹽同香草醃, 180度焗爐焗到七成熟, 再鋪 mozzarella and cheddar cheese 喺上面, 焗到芝士變金黃色就得~



閒日晚上竟有時間可以整呢D 港式包包, 就是新生活
八大個紅豆包, yummy! 請了三個俾鄰居食, 同人分享食物是很開心的 :P

11年後的上街

難得的一天假期, 實在很想在家涼冷氣同整雞批,
但上星期見到東北撥款咁樣通過, 真係覺得無法無天黐 x 線!
高鐵日日燒銀紙, D 錢用來幫有需要嘅人, 好多人的生活可以變好好多了!
呢個政府的無能和混賬已去到一個難以容忍的地步,
這天跑完步我也實在很想留在家中歎世界, 但真的可以嗎? 心中戚戚然.......
決定要踏出一步, 很渺小的一步但我總算做了, 如果下年七一之前我史咗, 我也不會為自己今日如果冇上街而抱憾終生

其實我有工做有飯食有屋住, 生活算是無憂, 我有需要嘥時間上街嗎?
可以話而家政府衰極, 對我的直接影響係冇乜,
我真是覺得這年頭太多不公義的事情, 香港的政治愈見黑暗.......
還有社會的下一代, 在這樣的中國香港長大, 會成了什麼樣子?


雖然我知道很多事情是徒勞無功，但我更知道不走出來，明天便會被政府自動分類為[十分支持政府的不遊行人仕]，這是十分可怕。

今天實在很厲害! 見到熱血的年青人，見到手抱著小孩的媽媽，見到打扮高貴其實可以事不關己的中產人士，見到滿頭白髮的老人家。
深印象更是有些 MK look 的青年男女, 都來遊行, 佢哋竟不是在看維穩 show 啊~

一條平時一分鐘行完今日要用半小時才行完的路，大家的忍讓，實在令人佩服
沿路都是大家的汗臭味, 但冇人有怨言, 這是香港人的質素,
我深深感受到「香港人」的存在, 我就在其中感動~

最後多謝老公，沒有在家涼冷氣，陪我做這些無聊事
抵我最後請佢食泛后甜品 :)

[愛跑步] 兩個願望

今日約了朋友跑步, 五點都未就醒來,
六點幾喺窗外見到彩虹啊, 七月一日的彩虹, 有所啟示嗎?




多謝鄰居山友帶路, 今日由元朗跑去天水圍, 又入了魚塘上了山, 一次過滿足晒跑步同行山兩個願望
由屋苑出發, 3km 後去到真正的天水圍小村莊



有很美的魚塘, 出產我很喜歡吃的黃油烏頭



一路其實落緊雨, 有時仲落得好大, 半間水就跑



繞過天水圍就上了丫髻山






嘩, 這是我夢寐以求的畫面, 可俯瞰整個元朗的景色,
這是我家~



另一邊望到天水圍同埋屯門




這邊是深圳同剛才的魚塘



在山頂見到狗狗, 原來野狗都可以好可愛, 俾佢走近聞聞你, 其實冇惡意



雨後天青, 香港會一樣嗎?