[愛跑步] 我的大阪馬拉松訓練計劃

wow, 前日知道大阪馬拉松抽中咗, 真係超超超開心!!
這將會是我的第一個 42.195km 全程馬拉松, 實在要好好準備!!!
完成是不容有失, 希望4hr30min 內完成更加是今次的目標

於是, 我需要有計劃一點的訓練, 用 My Asics 的網站 http://my.asics.com.tw/,
輸入你的資料, 目標時間等, 就可以造了一個馬拉松訓練計劃
計劃會 gradually 增加訓練的量和質, 也會安排長課在星期六日, 希望盡量的跟到, 可幫我完成這次的挑戰~

今日約了跑友由元朗運動場跑去大樹下西路，
這天氣跑步真係好辛苦，可能我散熱得唔好，總是跑兩跑就出汗出到吧吧聲。。。
頭髮就是不停的滴汗落地。。。
連續四日都有跑，真係轉死性，但今日雙腳又攰又重，四頭肌仲好酸痛。。。



我還是第一次到這秘密練跑場，去到已半死，
叫跑友唔好等我上去先，但幾位 gentlemen 可能擔心我一個人, 都是要等埋我一齊跑斜路，
嘩，條斜路好金呀!!!!!
跑咗一二百米就頂唔順了，喘到死， 這夏天真要好好的訓練了!

[愛美食] Happy Saturday @ Panash + Baby Cafe

和師妹慶生, 相約在海港城, 泊車喺度吹吹風, 睇睇海, 其實好寫意~



為了享用海港城的泊車優惠, 要喺度食夠 $500,
地下間間餐廳都勁多人, Panash 排幾張就到, 算唔錯了!
食物也不錯, 隔離枱枱都係小朋友, 因為地下係兒童用品部, 好攪笑~



揀 Panash 本來係因為食過 iSquare 分店, 有好正的 Combo dessert, 點知呢度冇...... 唔係呀..........
於是要再搵地方食甜品, 知道咖啡弄在漢口道有分店, 就去睇睇啦, 點知收八點, 唔係呀???

去到 iSquare, 見到 Baby Cafe, 照殺!!
我只係食過屯市那間有點 Food court feel 的 Baby Cafe, 真正的舖頭還是第一次~

入到去, 裝修真係幾靚喎, 睇睇吓先發現, 牆上的 baby 寫真是電子 screen 會轉相的, 看得男士們眼定定 XD
叫了份芒果吐司同埋朱古力窩夫, 兩樣都係仲脆的, 但就凍冰冰......
朱古力窩夫如果是熱的一定更好味
咖啡有拉花, 但味道也不及屯市的好呀
食物有點失望, 但算是環境氣氛一流, 朋友吹水, 浪漫情侶也很適合~

[愛烘焙] Panasonic PM105 造椰汁斑蘭麵包

尋日經過了一間賣印尼食品的小店, 入內買了些醬料,
多口問一問老細有冇斑蘭葉賣, 點知真係有!!!

夜晚跑完步, 雖然夜但都忍唔住要整一次椰汁斑蘭麵包
其實只是用返說明書 Mode 2 的食譜,
斑蘭葉剪碎, 加少少暖水用攪拌機打成汁, 隔渣成斑蘭汁,
斑蘭汁 + 60ml 椰漿 + 水 = Total 190ml 就得

今朝起身收包, 超香!!!
用新鮮斑蘭葉去整的椰汁斑蘭麵包，沒有藥水般的綠色，食到「真真正正」的斑蘭味,
我們吃過的所謂斑蘭蛋糕, 實在令我們不知道食材本身的真正味道,
這樣製作是花時間, 但好吃又健康, 買到斑蘭葉的朋友也應該試試啊!

中獎

恭喜我吧, 我抽到了大阪馬拉松,
人生第一個全馬, 跑過了, 就沒什麼不可能 :)

[2014 北海道] 六花亭本店 Cafe x 十勝乃長屋屋台

離開了動物園，我先到酒店 check in 及泊好車，
然後再出動漫遊市中心

其實帶廣只是一個小小的市鎮，得 18萬人口，j都是小平房, 沒有什麼的大商場和 shopping 點

市內很多旅客都會去的，就是六花亭本店
第一次接觸六花亭這名字是在小樽的專賣店，數年前人人來北海道都必買那原粒士多啤梨朱古力，但我其實一向也不覺得好吃啊。。。
想不到這裡的甜點店連 cafe 令人很有驚喜~

這裡分兩層, 地下就是賣手信, 又有蛋糕櫃, 很多很精緻的蛋糕啊!
一樓就是 cafe, 可在根下點了蛋糕叫人送上去~

來這裡必要試試圖中的兩款酥皮甜點, 尤其是上面的那圈圈,
第一次吃酥皮甜點而完全不覺得油膩! (要知道製作酥皮要用到起酥油, 是超肥的!)
入面的奶油只有奶油香而又不會滯, 一個人吃一整件絕對不是問題! 太好吃了!!!

點了件蛋糕, 反而很普通......
咖啡嘛, 後來才知道是無限添飲, 咁上吓會有侍應姐姐走來問你加唔加, 不是嘛?!!?



逛了一會附近的 so-called 百貨公司 , 但真的完全沒什麼行.......

好快又到放飯時間!!! Yeah!!!
之前睇定要來吃帶廣有名的北之屋台, 點知嚟咗呢度? 好似同書介紹的有D 唔同, 咁靚嘅??



行了一次, 日式西式的食物都有, 很地道的樣子



每間屋企只有幾個座位, 有些已經滿了, 我們選擇不多



最後入了間食天婦羅的, 先來碗 soba 墊墊肚



溫泉蛋是送的, 多謝啊!
天婦羅就點了個什錦 set, 及另加了點



其實食材新鮮, 點整都好食!



黑色嗰舊係紫菜包住海膽嚟炸, 之前睇阿蘇的節目都見過呀!
第一次食, 真的好食!
炸蠔, D 蠔都好新鮮啊!



食完離開時, 先發現我擺烏龍了!
真正的屋台在對面馬路, 唔係化........
呢條屋台街原來叫十勝乃長屋屋台, 不是北之屋台呀............ aiya.............

行行超級市場, 見到出產的海膽是這種很深色細細片的, 可惜此行冇機會試試~

[愛美食] N1 Coffe & Co.

早幾天, 在旺角吃了個 early dinner, 特登留肚同波比先生去尖東站 N1 出口對面新開的 N1 Cafe 歎咖啡~

小店子, 很清靜,
蛋糕斷估不是強項, 卻是意料之外的好好吃!
最底的脆脆層至到最面的榛子和朱古力層, 有不同口感交錯, 就是很好吃, 又不會太甜!
$35 絕對是很合理的價錢~



拉花咖啡是這裡的特色, 兩塊葉好難拉o架!
奶和啡的比例太好了, 入口順喉, 我實在很喜歡~
波比先生點了虹吸管調成的哥倫比亞咖啡, 微酸也不錯~
這間店子絕對可以再幫襯啊, 尤其是在西鐵站出口, 我們去實在太方便了吧 XD

[愛住家菜] 十勝豚丼

T.T 放假後就是很忙, 很晚才回家, 好彩返工前準備了今晚的餸菜

今晚的 30 minutes meal 有十勝豚丼, 重點是在那支從北海道某豚丼名店買回來的豚丼醬汁,
豬柳肉用傳統的鹽糖生抽醃了, 煎香後加粟米粒再倒些豚丼醬汁 + 少少水去煮滾, 當水份略為收乾就得了!
今晚特意煮了珍珠米, 配上這豚肉和醬汁真是一流!!! 波比食到唔夠飯添呀, 下次要煮D 返醫院請同事食先得!

這晚還有咖哩蟹柳蒸水蛋, 和麵豉湯, 很簡單又可口的日式晚餐啊!

[愛行山] 差啲中暑的 11km

三天假期的最後一天，要好好的出外走走
去了睇 X-Men 早場，超超超好睇
第一次泊車在屯門市廣場一期，好多位啲位又闊

吃完午餐就揸車去沙田行山，其實是 pre-trip 一次越野跑的 10km 路線
三十幾度其實不是行山的好日子，但比賽時分分鐘都係咁熱，要去感受吓



由沙田圍站一口氣爬升了260m 的高度之後，可能行得太急，心跳得很快又想嘔。。。有點中暑的跡象
坐低歇了一會，定了神，確定了自己不會暈低才敢行下去
好彩出發前沖了一支咸柑桔蜜補鹽，吧吧聲流的汗很的恐怖。。。
原來過了這山頭，再沒有太多上坡路，但這段足以置人於死地，怎麼跑???



踏入了衞奕信徑後，路很好行，很快到了獅子亭
在恒益買了兩罐汽水一支水，簡直是荒漠中的甘泉

再前行，今次是多次行經這位置中最好天的一次，太美的香港景色



轉左入返麥徑，有段很深山的路，過了就望返沙田
但這裡有點陰深，究竟比賽時夜媽媽點跑呀？



毛毛蟲!



又返返恆益，再買兩支飲品



11km 終於都完成了我們的長征了，行後感是覺得這段路對我來說根本跑不到，很懷疑三小時內究竟行唔行得完???

好了，晚上吃大餐獎勵自己
Pizza Hut 的新 pizza 好好味呀，尤其是熱辣辣時外脆內軟



Salad 的提子醋好得意又好味，令平時唔鍾意食沙律菜的我也吃了很多

[愛跑步] 跑步天氣

去旅行連埋之前的一星期偷懶，我已兩個幾星期冇練跑，
其實很想在北海道跑跑的，衫同裝備都帶晒，奈何天氣實在太凍，每晚回到酒店後，絕對唔會想再離開
每天又很早出發，最後一次也沒跑了，希望下次去有機會啦

今個月尾參加了個越野跑賽，是時候的起心肝去練練了!
但天氣酷熱 (總是很多藉口), 晚上喺屋企涼緊冷氣，實在又很難動身。。。
不過都跑咗幾次，在運動場練跑樓梯，兩個回合已筋疲力盡

有一天晨早六點喺樓下跑，見到人放貓，貓咪在沙地碌地沙，笑死我

今日一早去跑大棠，熱天下真係跑得好慢已經心跳快又喘晒氣
計埋屋企跑去公園共跑了 9km 真係要收工了



希望 keep 住有恆心努力練習啦 :D

[2014 北海道] 帶廣 おびひろ動物園看北極熊

在帶廣的第一個景點, 就是帶廣動物園 (Tel: 0155-24-2437), 因為這裡有波比最愛的北極熊啊!!
去到門口, 有點啞咗, 好似....... 好殘舊同埋好細咁.......



入園向右走就是了, 真係估唔到咁細個的街坊 feel 動物園都有北極熊



仲有兩隻添呀~右邊那隻活潑好多~
原來佢哋係兩兄妹, 左邊的是妹妹, 右邊的是哥哥, 唔知會唔會有時候放佢哋一齊玩呢?





今日好開心呀, 佢玩圈圈同玩波波俾我哋睇




超可愛!



玩到企埋起身, 哈哈!



除了北極熊, 原來都有不少其他動物






呢隻猩猩超攪笑, 拎住一堆爛衫仔當係寶咁走嚟走去



佢D 動作仲好似人類!



呢隻彩色的狒狒, 見到波比先生好投契, 波比郁時佢又郁, 笑死我!


有一個鳥舍, 入面是開放式的, 很近距離的見到小鳥同聽佢唱歌



此行本來我以為會睇到櫻花的, 但花期就是比想像中早了,
明明五月頭北海道才溶雪, 但 17/5 來到只有葉櫻



這動物園內, 其實還有些給小朋友玩的摩天輪和火車仔, 帶小朋友來著實不錯~

我們遊園時, 天氣凍得我們要死,
睇過天氣預測, 係 5- 15 度那種, 都有帶厚褸來, 以為只是一早一晚才會得幾度, 點知完全的錯了!
呢度係全日都得幾度, 仲好大風, 我用頸巾包住晒塊面, 都係凍到痛.......
如果五月再來, 真係要帶多D 衫!!

因為太凍, 我們也沒辦法逗留太耐, 於是上返車, 開大暖氣取暖先得!

之後見都係四點幾, 我們去了隔離的緑ケ丘公園, 不過冇咩睇, 同埋都係太凍了, 想散散步也不能.....



這是美術館, 不過要入場費的, 沒去了~




其他遊記: 2014 北海道道東芝櫻之旅 - 總目錄