[2013 北九州遊記] Cuddly Dominion 看動物去

在阿蘇最有名的景點, 相信是阿笨與阿占的 Cuddly Dominion,
當年睇親阿笨與阿占, 都會被逗得哈哈大笑, 究竟我們會見到佢哋嗎??

從阿蘇之司去 Cuddly Dominion, 其實超近, 行過對面就係咁濟, 但我們有車當然都揸車啦~






買票方面, 其實都幾貴, 大人 2300 Yen, 不過 JR 站可以攞D 旅遊單張平 100-200 Yen
如果你問我值唔值得入, 其實個性價比都幾低, 入面唔大, 又唔多動物,
有時日本的國立動物園, 收幾百 Yen 仲多好多動物睇,
不過如果你鍾意睇豬仔就都 ok 啦~



波比先生做乜? 餵熊仔















這裡的黑熊已練得一身絕技, 揮手, 碌地, 反身都有, 只要你有食物就得~



不過呢, 其實我睇得好唔開心呀...........
因為我見到呢隻熊, 佢係咪有病呢? 好似皮包骨咁......
遊人拋親食物落去, 佢都唔夠搶....... 拍埋落其他熊度睇, 就更覺得佢骨瘦如柴, 好似冇氣冇力咁....
見到佢, 我好傷心呀......... 唔知工作人員究竟有冇留意同照顧佢o架...... 點解咁o架.......
希望佢唔好有事啦........






已是下午兩點幾, 要食飯了, 就在園中心的森林餐廳




坐在落地玻璃的窗邊座位, 遠望山景, 很舒適



我們像包了場, 其實整個園區, 都唔知有冇 30 個遊客..... 冷清得很......



即點即造, 很美味



之後是睇到會開心返的環節, 小豬賽跑,
初時以為會是像 Mother Farm 的熱熱鬧鬧好多人睇, 點知又係...... 冇人......
我們問工作人員幾點開賽, 佢話隨時都得, 其實只要你俾錢買邊隻會贏, 就會有一小豬公仔,
如嗰隻豬真係跑出, 就有大豬公仔,
花了一千 Yen, 豬來了
點解........... 係大肥豬唔係小豬嘅............ (同想像中完全唔同 =.=)



行圈俾你睇睇佢D 肥肉












買定離手, 入閘, 放豬, 衝呀~~~









藍衫大豬一豬當先, 衝呀




好嘢, 我買中了!!!



其他兩隻豬只是 hea 行.......





終於都到......



贏了他回香港



下一個是小狗樂園, 好多唔同種的小狗同你玩



遇上萬聖節有免費的拍照服務, 好開心, 不過小狗就好無奈咁款..... 佢哋都真係幾辛苦嘅, 要企定定好耐o架



跟住係去露天動物區, 見到大駝鳥在行人路自由地走來走去...... 嚇史人



嘩, 史豬呀~~~





呢度都有企鵝劇場, 但唔啱時間所以冇睇了~



後來有嘢食, D 小豬終於都起身



噶噶噶向人討食物







另一邊有一間豬屋, 有一隻較大的豬豬





企鵝仔其實好聰明, 見佢哋跟住飼養員會行行行, 唔會走失



草泥馬也 Halloween



呢度有個日本庭園, 在藍天下是如畫的美景



仲有D 動物劇場, 我們等等等, 就要為了去睇阿笨與阿占的劇場,
但之前其實我都知道佢哋已經老了, 好似沒有再表演了,
入到劇場, 只是很冇睇頭的動物仔行來行來, 見到老虎狗企定定傻更更,
其實, 我們都有點失望.........

至於阿笨, 原來佢在一個展示區居住
如果我哋早幾年來, 就可以見到佢哋的真身了,
這對帶給我們很多歡樂的小動物, 希望將來他們也會開開心心地生活吧~




同熊人說再見, 我們要去草千里了~

[愛美食] 生日快樂 - Dinner Buffet @尖沙咀 Cafe Hyatt

親愛的波比老公, 生日快樂~

今日我放了一日假, 在家執吓嘢, 過了海幫波比拎星期日比賽的選手包,
繁忙的香港島, 人多車多地鐵迫到上唔到...... 我還是喜歡新界區的寧靜~

今年的生日飯, 去了尖沙咀 Hyatt Regency 的 Cafe 食,
一入去, 覺得選對了, 非常寧靜的環境, 二人被安排坐卡位, 兩層高的樓底, 超舒服,
讓人真的可以慢慢享受一餐晚飯, 同上年去 Island Shangri-La 的 Cafe Too 的街市 Feel 截然不同!




出去取食物, 絕對沒有排長龍, 不用等, 就是該這樣嘛!!!
厚切的肥美三文魚, 鹹香的  Parma Ham 都很讚!



龍蝦肉質鮮美, 其他的我都沒試了, 哈哈, 因為尋晚自同波比先生喺屋企拆咗隻松葉蟹食.....



超正的鵝肝牛柳, 還是第一次在香港的酒店食到, 不怕膽固醇的話, 絕對是回本之作,
鵝肝煎得外脆內嫩, 油份浸滿牛柳, 夾起來就是絕配~
我只吃了一件, 自行配多士食, 十分滿足!



有好多款的印度咖哩, 波比話好好食! 我太飽沒吃了~



竟然有燒鰻魚, 而家香港喺超級市場買條鰻魚貴得離譜, 這裡的是新鮮的燒, 嫩嫩滑滑, 同台北肥前屋有得揮, 十分滿意!
不過牛肉漢堡就千祈唔好要了, 舊肉又乾又硬....... 燒得太耐嘛??



甜品 corner, 睇到都超興奮!!!!!






個椰皇燉蛋白真係超好味, 必吃呀!!! 整得好滑, 又好香椰青味~
拿破倫很鬆化, 焦糖布丁是即叫即燒, 面層的焦糖面太脆太好吃了!!!



芝士蛋糕同 Tiramisu 都是水準之作, 這酒店的食物質素都非常之高,
人老了, 吃得不算太多, 貴精不貴多的話, 這裡是十分推介的選擇!
吃飽了, 一落就係西鐵站可直搭西鐵回家, 太爽了~



波比已經講定這裡可以再來~
要來也要預早約呀, 之前試過 book Tea buffet 都 book 唔到, 今次都早了大半個月 book 呢¬

[2013 北九州遊記] 熊本城跑跑步 x 到著阿蘇 x 九州JR 租車分享

嘩, 十一月我只寫了一篇遊記...... 絕對有爛尾的危險........

好了, 放假的日子, 應該寫返兩篇喇!

第四天, 會由熊本出發到阿蘇, 一起身從廿幾樓的酒店房向外望, 這就是可愛寧靜的熊本市



SONY TX-30 的移軸 mode, 有趣~



今朝先去熊本城跑個步, 由酒店跑去, 來回都是 8km, 順道可細看市內的人生百態~





這草地嘛, 實在叫人留戀, 波比跑了一圈總算一嚐跑草地的滿足~




和暖的陽光



熊本城前留個影



大草地!!!!! 好想攤喺度曬太陽!!!!



跑完就回酒店沖涼換衫, 離開熊本去阿蘇了~
之後會是一天阿蘇一天別府, 因為要上山看風景, 所以租了車
不過九州租車比沖繩貴好多!!! 是兩至三倍的價錢!!!
格了好耐價, 都係好貴.......
想平就唯有縮短用車的時間了~

有人會由熊本取車, 自駕到阿蘇, 但我們有任搭的 JR Pass, 我又唔想咁辛苦揸成百公里去阿蘇,
就先搭了一程 JR 由熊本站去阿蘇站, 再喺阿蘇站取車,
租少了兩個鐘, 又用少了一百公里的油錢, 就是慳錢之道!

每日得好少班次由熊本站去阿蘇站, 我們搭上了ＪＲ豊肥本線（肥後大津行き） 到阿蘇站 (1hr 21min)
古老的車箱, 但上車坐得滿滿的!



行到一半見到阿蘇火山了! 不停地冒煙啊!



到了阿蘇站, 是一個很小的站, 有很多來小旅行的旅客一同下車



一出站就要搵租車公司的服務處, 就是在左邊的一大間車站商店內, 見到 Kumamon 歡迎我哋!



商店有好多阿蘇特產啊, 買了幾個好甜好多汁的蕃茄同阿蘇牛奶~



租車方面, 因為要阿蘇取車, 別府還車, 其實只有一間做到, 就係 JR Rent A Car
http://www.ekiren.co.jp/
我租了 S系的小車, 佢今次俾了部 Toyota Vitz 我,
服務員是一位會說流利普通話的先生, 佢仲提醒我今日阿蘇火山因為噴煙太厲害, 唔開放了.......
http://www.kyusanko.co.jp/aso/
哎呀 , 之前我都知道有機會上唔到去, 點知真係..... 都有D 失望........
問問先生有冇其他地方好去, 佢推介我去草千里, 也多謝他的介紹, 這個地方都好值得一去~

三天兩夜, 17000Yen,
細車真係好好揸, 泊完位仲有一大截空位剩 (又在想點解我唔係買了架細車....)
揸了一公里, 去到我們今晚住的阿蘇之司酒店, check in 和放低行李,
跟住就出發去 Cuddly Dominion 了!

[愛住家菜] 寶雲酥羊架 拼 芝士汁磨菇焗薯

今日揸車返工, 架車落地剛好一年了, 我見條軚好似扁扁地, 就第一次去打軚氣,
上 youtube 睇完教學片, 返工前揸車架車去個少人的油站慢慢攪, 原來很容易咋!
原來我條軚都幾需要打氣囉...... 打完開車, 嘩, 個感覺好唔同, 順咗好多呢!!!

Happy Monday, 星期一返小醫院其實真係舒服好多, 唔洗好似打仗咁,
明天是波比先生生日, 會出街食飯, 今晚在家整餐好嘅!
呢個寶雲酥羊架 拼 芝士汁磨菇焗薯都係第一次整, 原來又唔難, 自己整好好食~

其實有D 似上次整酥皮牛柳, 羊架大火煎香後, 搽英式芥末, 
麵包糠與香草混合, 蘸滿羊架上, 放入 200度焗爐焗至麵包糠變金黃色就ok!



今次我反而想介紹吓個芝士汁, 用蒜蓉起鑊, 煎香磨菇同已焗熟的薯仔,
加入牛奶, 車打芝士, 巴馬臣芝士, 香草, 滾到芝士溶晒, 落少少麵粉令汁變杰, 咁就得喇!
最愛這種濃濃的芝士汁, 點乜都好味!



上次食過 759 阿信屋的麵包蟹, 今晚再開一隻松葉蟹, 多肉, D 肉都好鮮唔會霉, good 呀!!!
值得回購~

我的生日禮物- Panasonic 105 麵包機

做乜無啦啦會買麵包機呢?? 我又唔係唔識整麵包?
哈哈, 皆因我的 Delonghi 麵包機焗爐整的麵包, 唔係「一定得」同「包好食」

見到有個行山朋友買了這部 Panasonic SD-PM105 俾老婆, 見佢整D 麵包 texture 好似好唔錯,
波比先生又話如果我買, 佢都會帶D 返工食 (之前一路唔買, 就係全屋得我食包, 佢係食麥皮做早餐的), 唔洗驚整完有排食,
而且近來真係對嘉頓D 方包愈來愈頂唔順......
又見到呢部幾好評如潮, 整麵又得, 整紅豆蓉又得, 實在太吸引!

尋日去小 V 的家, 見到部機同埋本超級精美又詳細的 menu + 食譜, 實在太吸引了,
於是, 今晚食完飯買了佢返屋企, $2080 送兩盒麵粉~

跟 menu 用, 超簡單, 幾個掣, 好容易用!



set 好了 6:20am 出爐, 起身時聞到全屋都是麵包香, 太美好了!



提子合桃包, 好鬆軟, 剛焗起個皮又好脆, 超得呀!!!
好多謝老公送我的這份生日禮物, 超喜愛呢~~~