可愛 BB

返工喇, 好似放咗好耐假咁, 又太多事情發生了

放工呢, 同波比先生一齊去咗剪頭髮!!!
我剪咗一個草菇頭呀, 嘩哈哈哈!
好耐都未試過咁短頭髮! (對上一次係大學 Year 1)
好耐都未試過咁爽嘅感覺! 正!

又是大假日

今日喉嚨痛好了點, 繼續放大假在家,
上上網, 執吓屋, 買吓餸煮吓飯~

又買咗士多啤梨呀!!! 今次係韓國士多啤梨, $15/2盒,
比上次的大粒同甜啊, 唔錯唔錯!

想去睇醫生, 點知去到見到醫生出咗嚟準備去食飯, OH.....
算啦, 今日都好返好多了! 多謝有心!

SUN-DAY

好愛一片藍藍的天 + 一片片如棉花的白雲

陽光普照, 熱到廿幾三十度的 SUNDAY,
因為喉嚨痛加劇, 冇心情出街咯...

在家好好的開始 plan 日本之旅的行程, Plan 行程真係有好多學問o架,
要留意 D 景點幾時開門閂門, 邊日休息,
去 D 咩樂園咩世界又要睇吓咩飛會抵買 D, 仲要不容有失地 Plan 好玩盡所有設施的路線,
有D 地方又要揀 Weekday 去冇咁多人,
點樣走不同景點, 搭起車嚟會順路 D,
仲要最好朝8 晚 10 用盡一分一秒咁先唔覺蝕~

點搭 JR 搭Metro 又係好大學問,
去有 D 地方的旅遊巴得一班, miss 咗都唔知點算.....

好唔容易 plan 咗 6 日嘅行程喇, 原來有 8 日都只係啱啱好咋!!
單單 estimate 吓車錢、入場門票、每日三餐 (未計買嘢) 都已經要 $7000 了,
在 Budget Control 之下, 唔知我哋可唔可以用 12k 內返到嚟呢?

想想想

放假的日子, 但仍為昨日的事想想想,
近來常常失眠, 日日都好攰....

今日約咗好友阿靜嚟元朗食日本嘢, 一傾又兩個鐘,
談日本之旅, 談結婚的事, 算係暫時思想上放鬆一下

尋日流鼻水之後, 今晚開始勁喉嚨痛, 作病了......
哎呀, 放假先嚟病呀.....

我看清楚了

今日是大風暴的第一幕, 我看清楚了, 誰人與誰人是一群,
誰人是忠, 誰人是奸.........

以為只有在電視劇出現的橋段, 就在這地方出現了, 看得我目瞪口呆!

A, B, C 君想 Z 君死, 欲借 P 君的手去殺人,
P君坐得呢個位, 耍手段已經出神入化, 竟然反轉要 A, B, C, D, E, F 君一同表態,
打正名堂「而家係你哋不滿係你哋迫我殺人咋, 我都係代表你哋咋」
嘩............. 好狠好絕............

風暴第一幕過後, 心中很不安, 清清楚楚的體會咩係「心狠手辣」!
結局係點, 相信未來一星期會知道~ 神究竟會點安排呢?
當轉變定下來, 我就會明確知道自己應去或留。


今日, 我還找到了答案!
經神的安排下, 今日我發現了星期一我的的確確係俾人屈, 我根本冇做錯嘢!
鼓起勇氣同屈我的人講返, 佢竟然輕描淡寫的回應就算.......
sigh.......

C9 life in a holiday

有一個好老公, 喺老婆唔開心嘅時候,
明明字都唔識多個, 都會寫個好長嘅 SMS 俾老婆,
會買麥兜公仔氹老婆, 今日仲買咗隻幸福小海星返嚟送俾老婆,
多謝你啊~

Close up - 好得意呀!!! 唔知佢幾時會分裂變多一隻出嚟呢?

放假的日子, 睇完了本<<風行東京>>, 杜如風真是一個開心傻大姐,
可以去旅行食嘢買嘢之後, 寫到本書幫自己賺返 D 旅費下次再去過, 真係好開心啊!

五點幾鐘, 去街市買餸, 人山人海大人拖住剛放學的小朋友去買餸的場面,
置身其中好 comfortable, 感覺自己好 C9!

發現了凍肉店有蟹腳賣, 嘩嘩嘩!
煮個沙爹粉絲帶子蟹腳, 不過蟹腳冇想像中咁好食, 仲買咗兩 pack 添....

加了蜜糖去焗的豬仔脾, 原來好食好多!

仲有波比最愛的豆苗

呀, 呢餐都算係我哋牛年嘅開年飯啊~

士多啤梨而家當造呀, 街市 $10 盒以為好平啦,
點知買完行多兩檔, $10/ 2盒!? 唔係嘛......

現實版珠光寶氣

暴風雨差唔多來到了, 佢哋班大嘅鍾意玩咪玩囉, 做咩要搵埋我哋班細嘅嚟攪?
一 D 假惺惺嘅說話, 明明想某人早 D 死又扮到好關心佢為佢好咁喎, 聽得令人咋舌...
呢班人唔去拍珠光寶氣真係嘥晒......

女人心情唔好, 買嘢始終不失為好好的發洩方法,
行行千色店玩具部, 嘩, 返咗好多新貨喎, 一口氣買咗 5 樣嘢, 財散人安樂~

醫院的玩具, 真係又舊又唔好玩o架.....

前兩日波比先生喺 Sogo 買的晚餐, 好正啊~

聽日同星期一放假, 後日返第二間醫院, 唔洗對住嗰班人!
I need a break, to think about my future.

路?

今日打電話俾同事 T 先生, 講述返尋日的事,
講講吓, 忽然間不由自主地眼淚湧了出來....
我都冇預期過自己會無啦啦咁樣.....

今次, 係我嚟咗呢個地方之後, 第二次因為公事上的委屈而出現淚光,
而亦都係我工作生涯中的第二次, 就憑呢兩次, 我就應該清清楚楚想想自己將來的路嗎?
一路都叫我唔好做唔好做的波比先生,
簡單的一句:「我睇你做三份工, 我知道你做上一份係最開心的」
就給了我答案嗎?

我清楚知道只有唔成熟嘅人, 先會因為人事關係而轉工,
因為轉工根本唔會 guarantee 人事關係變好~ 或者會仲衰添!

但或者我開始明白, 我對上的師姐離開的原因,
鈎心鬥角, 笑裡藏刀, 殺人於無形..... 全部都係呢度各人的必殺技!

以為自己接得到招, 但原來可能是一個死無全屍......
太恐怖了.....
如果我已渡過了九個月, 但原來發現將來的二十年都要過同樣的生活, 捱得住嗎?

我同佢哋根本唔同類, 唔通要學波比先生話齋要同佢哋鬥玩嘢,
比佢哋仲奸先得?

灰....

在這個地方, 你分不清邊個對你好, 邊個想你死,
一邊說「冇所謂唔緊要」, 轉個頭就同十萬九千個人說你的不是....
明明冇做的, 屈你, 好奇怪亦無奈.....

有D 人總覺得自己高高在上, 看不起你唔夠佢咁 experienced,
這個地方永遠是人踩人, 每日有好多小動作閒言閒語無時無刻在流流傳傳.....
唉, 真係愈來愈覺得這地方好恐怖......

又要諗諗去或留嘛?
要對住呢班人過世, 真係好辛苦.....

高清生活的轉變

高清令我們的生活改變了不少,
非常高質素的畫面, 同埋強勁的立體聲效果, 令人覺得睇電視係一種享受,
可以好方便地就錄影到電視節目, 我們多了時間一同攤在梳化上看電視~
可以睇到 J2 台, 多咗好多娛樂,
睇到 J2 台的「流行東京」, 是除咗喺網上另一次認識到杜如風的遊歷,
於是就去買咗一本佢寫的「風行東京」

見到好多網友都盛讚佢介紹的食店, 隨手揭開幾頁, 已經覺得好吸引!!!

想著想著, 好似 7 日的行程唔多夠, 心思思又上 zuji 睇睇酒店價錢,
想加多一晚之前要 $1399 所以唔捨得 book,
今日忽然間見到平咗, 只係 $1160, 用埋上次佢送嘅 $150 coupon,
折實都係 $1010 咋喎!!!!!!!
用波比團友商量過之後, 決定不如早一日去!

點知... 今晚再睇, 嘩, 佢又出咗個 late check-in (after 5pm) 嘅優惠, $1106 咋,
實在太抵嘅緣故, 我哋話咁快就 book 咗喇, 哈哈哈哈!!
14/3 去, 21/3 返, 8日中起碼有 6 個 full day 玩到! 否則點食得晒旅遊書介紹的食物呀!

嘻嘻, 一講到食就興奮!!!

今日 lunch 去咗食 Oliva, 個牛柳好正, 脆脆的外皮係我的最愛

又發現西菁街開咗間譚仔米線的分店, 滿心歡喜的去試啦,
點知份量少過旺角分店好多, D 侍應又完全唔掂, 真係令人失望....