[愛住家菜] 海南雞飯

生了 BB 之後, 即使煮了好餸, 也沒時間享受慢慢吃, 所以好好好耐冇 post 過我D 煮食照了~

呢幾日小豬嘜都乖乖, 喺媽媽煮飯時都唔算扭計, 所以都可以煮點好餸呀~
要成功煮好一餐飯, 一切從簡, 也多了整蒸的餸菜, 因為放入鑊蒸十分鐘就得, 唔洗一路炒, 小豬嘜喊的時候都可以完成~

今天整了海南雞飯, 其實只是將雞同薑放入電飯煲同飯同煮,
不過煮完要用冰水浸雞肉, 出來的效果果然很好, 雞肉很嫩滑啊!
不過個醬汁才是精髓, 用了新加坡的黑醬油, 魚露, 蒜蓉同辣醬, 點雞真係好好味啊!

右邊的是我至愛的薯仔餅, 真係好好好耐冇整, 要 BB 乖乖瞓了先有時間慢慢刨薯仔呢~



之前煮的, 有冬菇雞粒煲仔飯, 而家食飯, 最緊要係D 飯餸可用一隻匙羹就畢到晒嚟食 XD



豆腐同蝦膠釀茄子呢D 又係方便進食之作啦~