好多謝兩個部門的同事同我開大食會, 喺我生之前真係有得食就好食喇 XD!
有我最愛的 PHD 炸雞, 同事門又一人整一啲食物啊!
有男同事都特登包了壽司, 冇交行貨, 好唔話得!
米紙卷係我整的, 仲有同事的朱古力花生醬蛋糕都超好味呀!
有同事仲抬咗部光波爐返嚟, 即烤雞泡魚乾同埋日式芝士年糕,
我一向都超愛吃芝士年糕啊! 用光波爐整可全粒都外脆內軟, 好正呢!
過去咁多個月, 亦非常多謝好多好好的醫院同事, 見親我搬嘢就制止我幫我手,
病房的同事特登叫我坐, 拉埋櫈讓位俾我坐,
好多時唔想麻煩人哋, 拉 patient 都盡量自己攪掂, 但有D 姐姐見到我咁嘅樣, 都好主動幫我,
較少去的 A&E 同 ICU, D 同事對我簡直係貴賓式的招待, 不停叫我小心D~
在這裡工作, 只能說十分幸運又感恩!
幸好在放假前, 所有 admin 的工作都順順利利地完成了!! 真係可以放假放得好安樂喇!
不過冇工返的日子會唔會好唔習慣呢? 湊 B 的生活又會係點嘅呢?
真係要下星期先至知咯!!
仲有五日咋, 愈來愈緊張!!
我的好好舊同事今日剛生了, 見到 BB 實在令人好感動~
沒有留言:
發佈留言