豬欄生活: 11月 2014

2014年11月30日星期日

[愛行山] 港島徑第一段 x Glasshouse High Tea

今日趁天氣都唔錯, 我要出外郊遊!!!
目的地是可飽覽維港美景的港島徑第一段~

這段由太平山頂起步, 易行到阿婆細路都行得, 因為其實只是鋪好石屎的平路
每年的新春發財跑, 這就是尾段的賽道~

一路行, 聞聞樹木的氣味, 人都精神D!
沿途的美景, 我們都驚訝點解跑了幾次發財跑, 但都好似冇經過過咁嘅地方?
慢慢行, 同快快跑看到的東西, 實在太不同~

我實在好鍾意佢個名囉!

行了三公里多, 就轉落山了, 見到 QMH 同數碼港

哈哈, 個半鐘, 行到去薄扶林水塘就收工了, 因為趕住去食 High tea
還有廿幾個星期, 就是開始做D 之後可能好耐都冇得做的事,
行山和 high tea, 今日完成了兩件 :P

這間在 IFC 4/F 的 Glasshouse, 可望到海景, High Tea set 只是 $268, 好抵!!

Brownie 超好食!

最好是佢有些咸點, 全部甜點的話實在唔啱波比先生~
炸雲吞同三文治都是即點即造, 仲係熱同脆的, 值得加分!

吃飽又 Hea 完, 順道去 IFC 的 Nespresso 專門店, 好 high 的格局!

試了聖誕限定的 Chocolate mint 同埋 Hazelnut, 但都好淡
最後還是買了波比飲開的味道, 而家買11條 capsule, 仲送一對玻璃杯添呀!

2014年11月29日星期六

帶妳去遊 HKU

接手 Clinic i/c 的工作一星期了, 確實會很忙, 也很多東西要 pick up,
但也算做得開心, 因為好多事情可以自己決定, 多了彈性, 希望把 clinic 攪得更加好, 病人也更加得益!

今天是很高興的一天啊! 有個好消息要宣佈, 就是豬欄將會多了一個新成員~
小豬嘜今日已四個月大了, 剛到醫生處檢查, 也一切正常~
這四個月內發生了好多第一次, 整個過程也很多不可思議又感恩萬分~
有時間再分享~

今日另一開心, 是和波比先生返咗 HKU 同波比表妹影畢業相~
一班親戚齊齊整整的, 就是很幸福~

自從我 Master 畢業後, 都冇同過波比先生一齊返去了~
今次還帶著肚裡的小豬嘜一同回去, 感受更加截然不同

由拍拖畢業結婚再畢業到懷孕, 十多年了........ (大家睇吓婚前的波比先生還是肉騰騰 XD)
每個階段, 總到過這裡

我們都會希望, 廿幾年後小豬嘜也會在這裡畢業, 相信很多這裡的畢業生也會有這個情意結
(看到波比先生當年那厚厚的身驅, 還是很想笑 XD)

影完相, 多謝表妹請了我們去普光齋食素食自助餐, 有很多款式的食物啊!

雖然菜色不會是很特別, 但也有很多好吃和想吃的, 吃到超超超飽,
和一班年青人有說有笑, 笑得很開心呢~

2014年11月23日星期日

[愛住家菜] Fissler 高速煲開箱了! 螺頭瘦肉紅蘿蔔湯

尋日一田大特價, 去了敗家!
考慮了足足一年, 終於都敗了個 Fissler 的高速壓力煲返屋企了!

其實我一路都係用 Thermos 的真空煲煲湯, 返工前落晒材料, 放工可以有湯飲!
不過個條件當然是要早一天買好材料, 早上又要有點時間洗洗切切先得~
有時放工好即慶想飲湯就沒辦法了! 都可以叫老公去鴻福堂買嘅 (話時話, 呢期 HSBC 信用卡做緊 $28 一張湯劵, 好抵!! 要換就趁手!)

鑑於恐怕日後生活忙碌冇時間煮飯, 近來又好多時都想飲吓湯, 所以都係決定買個高速煲了!
很多Bloggers 都有幫 Fissler 寫食譜，最吸引我之處就係佢一煲嘢, 可能下層煲湯,
同時用煲湯的蒸氣, 在上面放兩層蒸餸架來蒸餸蒸飯,
即係煮兩餸一湯, 同步進行, 亦洗少了兩次鑊!

尋日 thank you 波比先生, 幫我咁重咁抬個煲啦~
今日煮餐好的獎勵佢!

新煲要洗又要開煲, 攪掂後, 就開始整今晚的螺頭瘦肉紅蘿蔔湯
螺頭, 瘦肉同花膠仔先汆水, 連埋紅蘿蔔, 雪梨, 蜜棗放在煲內, 加適量的水

閂好蓋後, 用中火加熱, 火不可以過煲邊, 過了 15 分鐘, 主門閥就會慢慢升起,
先見到黃線, 即是加熱中

再過10分鐘, 就見到綠線, 呢個時候就要教到細火, 煲 30分鐘

30分鐘後, 熄火, 等佢自己慢慢減壓, 減到個主門閥跌返落去原本位置, 就即係減壓完成了,
此時就可以打開煲蓋喇!

呢個湯好清甜呀!! 不過第一次唔識預水的份量, 覺得落得太多水了, 下次少一點水, 會濃味啲!
不過原來用高速煲又不是我想像中的快,
由開火至減完壓開得蓋, 前後其實都要一個鐘呢~

波比又話要食煎蛋角, 先炒好肉碎

遂個先落蛋漿, 再落一湯匙肉碎去蛋中心, 包起即成~

還有忽然很想吃的魚香茄子, 全中式家常菜, 簡單的快樂~

2014年11月21日星期五

[2014 大阪] 但馬屋イーマ - 不到神戶吃好牛, 超好吃的大阪和牛店

第四天, 本來安排了去神戶有馬一趟, 讓跑完全馬的波比先生可浸浸溫泉鬆一鬆
點知有個傻佬在出發前一晚 PK 了, 膝頭損晒, 泡湯之旅就如今泡湯了.......

不到神戶, 但也想吃神戶牛, 就上了 tabelog search,
見到有間叫但馬屋的好高評分, 仲有特價 lunch set, 就拿拿聲出發了!

去到完全是一間超高級餐廳的格局, 唔多人, 有梳化椅坐, 有日/英文 menu

點了兩個 set, 個湯冇特別, 個沙律的蔬菜好新鮮好好食!

之後是主角出場了! 估唔到原來係個有廚師, 推住架餐車在我們枱前, 即席煎俾我哋o架!!

聽到煎牛扒的咋咋聲, 聞到那牛油的香氣, 已經超想食!!

咁難得來到, 點了神戶牛西冷, 真係好嫩好好食! 不需任何調味都好好食!

波比先生點了熟成牛, Dry aged 的日本和牛還是第一次吃, 肉味果然濃厚, 真係好好好食呀!!
這是 lunch 限定 20 份o架咋!
要來一定要 lunch 來, 因為只是 3000-4000 Yen 就可以吃到咁高質素的牛肉了!
比原本 plan 了去神戶吃的平了一半!

滿滿牛油的牛扒混飯的, 是超滿足的!!

Lunch set 還有甜品啊, 天呀~~
果凍同芝士蛋糕, 兩款都好好食呢!

2014年11月18日星期二

[愛住家菜] Juicy burger x 豉椒白鱔臘味煲仔飯 (附食譜)

今個星期放了天假, 本來是晨早攞定 for 毅行之後休息的~
坐定定終於完成了下星期講 talk 的 powerpoint, 然後就是整嘢食!

呢排成日都好想食漢堡包, 但麥當當絕對唔合格, 今日還是動手整～
先用法包的食譜，造了個漢堡包，多芝麻！嘻嘻！
然後就用 Jamie Oliver 的食譜造漢堡扒，煎到差不多時，加埋塊芝士，上碟，加蕃茄！
wow!!! 最好味的漢堡包完成了！

嘩嘩, 你睇吓幾厚, 幾 juicy!
絕天然的味道, 就是最好吃!!

前兩日睇電視講煲仔飯, 好想食, 於是應承了整俾波比先生食!
今次新挑戰呀, 第一次整鱔!!!!!
其實想整咗好多年喇, 今日整完發覺唔太難!

鱔要去潺, 但原來而家D 魚檔可幫你攪埋 (不過當然係自己整會乾淨D!),
又幫我切埋 (我好怕切崩我把刀), 其實返到嚟自己再清潔吓就 ok!

睇了好多 youtube 片教整鱔, 我還是第一次知道原來整豉椒要切碎埋D 豆豉先出味!!
唔怪之得之前整硬係差D 啦~

鱔片同蒜泥/豆豉/辣椒/薑蓉, 加鹽糖蠔油去醃

煲仔飯就一份米, 1.25份水, 細火煲到水退到飯面時, 就落鱔同埋臘味
(講開又講, 今日咁啱 beecrazy 團購買了兩包美心臘腸, 又平, 又細細包, 好啱兩個人份量呀!!)

之後轉到超細火, 煮六至七分鐘, 然後熄火焗佢 15 分鐘, 咁就攪掂喇!!!

嘩, 呢個飯真係超好食囉!!!! D 豉椒味好出好正呀!!
鱔又肥又滑, 咁大煲嘢成本都係 $80 到, 出面一定食唔到呀!!
有興趣都試試自己整啦! :P

[2014 大阪] 2014 大阪馬拉松 - 我的五分一之旅

這個大阪馬拉松之旅, 總帶一點遺憾, 本來是打算兩個人一同完成人生第一個馬拉松,
但因為一些身體的狀況, 我不能跑全程了~
本來波比先生是打算陪著我 hea 跑, 我忽然退出, 就迫使他要盡力完成這初馬~
9 月10 月練了很多長課, 很多的準備, 就是為了這一天~

來了 10 月26 日了, 本來特登 book 這家東橫 inn (大阪船場東) 是因為他近起點的大阪城, 點知呢兩日觀察後, 發現其實有成個站的距離.....
以我們的腳力, 行一公里過去不是難事, 但波比還有漫漫長路要留力, 還了搭了一個站地鐵過去了
唉, 早知就唔洗 book 呢間咁荒蕪的酒店啦 >.<

八點前要去到寄行李, 已經人頭湧湧

在行李車撞到一班山友, 真係好開心, 大家也要努力呀, 很多人也是第一次跑馬拉松呀!

由行李車行去起跑點, 很遠啊, 行了足足 20 分鐘!!! 去到已剛是 cut 人的時間! (汗!)

拉拉筋等到九點, 一輪的掌聲後就是起跑了!
慢慢的移動了十分鐘, 先行到都真正的起跑門~

哈, 我其實不是完全的退出比賽, 錢都俾了, 號碼布都攞了, 唔玩太嘥吧!
我量力而為, 陪大家走了5 公里, 感受一下馬拉松的氣氛~

2011 年玩過一次, 賽道已是很熟悉, 日本人還是有很多有趣的造型!

這個哥哥, 我與他很有緣, 這賽道上我遇上了他4 次........

全速向難波前進了!

哈哈, 又遇到山友, 多謝佢替我拍了這十分有動感的照片!
我沿途也是用新買的 Canon G7X 拍拍拍, 真係好滿意佢的質素, 一陣的相片真係好靚~

過了五公里處, 我收隊了, 停在路旁拍照, 也在等波比先生,
點解波比會後過我??? 因為佢個起跑區後過我好多囉~
報名時要報個estimated finish time 俾佢, 明明大家都報了差不多的, 竟然最後個排位我前佢好多, 真係有點莫名其妙?

哈哈, 嚇死人喇!!

不錯的情侶裝

嘩, 忽然間咁多肌肉男嘅!!!! wow wow~~

我好擔心佢睇唔睇到路o架?

日本人見到相機, 總是很親切的打招呼

影到咁上下, 我就行去 17km 的位置等波比先生
我約好了佢喺17/22/25/27/33km 位置同佢影相, 去每一點, 要行或搭車再行, 這天我的運動量也不少
但去到人太多, 我好懷疑我究竟見唔見到佢......

一路都見到好多好有趣的跑手, 悟空似乎近來肥咗喎

你唔好睇佢哋著到鬼五馬六, 佢哋其實都跑得好快! 快過即使練習過的我!
日本人來跑得馬拉松都很認真, 唔似香港有D 人為了喺 facebook 打卡而練都冇練過就去玩 10k 渣馬咁

我拍得入鏡頭的人, 都大概四至五小時就跑得完 42.195km , 實在十分佩服!

真係唔好睇低呢個 Elsa 姨姨, 佢的步速不是等閒之輩

哈哈哈, 冇諗過見到大黃蜂囉! 佢係咪喺 Universal Studio 偷走出嚟o架?

仲有呢對7月7日結婚的夫婦呀, 著到咁跑馬仔, 真係唔嘢少!!
我亦覺得好浪漫呀!!!!

黃色衫個叔叔: 好驚呀, 有鬼呀~~~

好好彩, 我最後都影到波比先生, 不過不幸的事情發生了......
老婆因為肚餓, 所以去食咗個麥當奴先去下一個 point 等佢,
點知我食耐咗, 佢又跑快咗.......
我去到下個 point 時, 等咗佢好耐都唔見佢, 就心知不妙......
然後睇返 online tracking system 佢的時間, 就知佢應該過了!!!! 真係好大鑊!!!

呢個哥仔, 一路跑一路拋住三個波, 好癲呀~~~

我接著再趕去了三個 point, 行到我身水身汗,
但每去到一個 point, 都見唔到佢 T.T , 真係想喊........
最抵死係我去到每一個 point, 都重複地見返一班後佢少少的人, 包括那黃色背心的香港人.......
即是我預的時間是啱, 只是一併推遲了....... 好陰公.......

最後, 我約了波比先生在 40km 的位置見到就見, 但...... 個衰佬真係跑得太快....... 見唔到......
在 40km 處, 我又插入人群, 一同跑到終點~
因為唔跑過終點, 我入唔到會場去會合波比先生啊~