波比還游說到師弟妹一同參加 (其實是昆人入局, 因為這賽道實在是太辛苦了。。。)
前一晚，心情太緊張，尤其是好擔心去到冇位泊車，攪到瞓唔著，又不停醒。。。
愈想迫自己瞓，就是更加的瞓唔著 :(
最後，瞓唔夠四小時就起身, 真係近幾年瞓得最少的一晚.....
5am 就要出車， 5:40am 去到大美督的停車場，還有唔少位，泊咗個單邊位，好彩師弟都快到，可以泊埋我哋隔離
兩架車排排坐，打開車窗吹吓水，拉吓筋，等待的兩小時也不算太難過
起跑前見到好靚的太陽，大家都精神奕奕，準備好接受挑戰!
7:45am 起跑，今次乜都冇帶，冇相睇
先是近 400m的大上斜，唔好急慢慢上，因為之後還有無盡的上上落落。。。
很高興，第一條斜路我真的跑了上去，沒有斷氣要變行路
再來了，又是上，上到最高的百多米
今日天朗氣清，跑道兩旁有紅葉黃葉，構成超美的風景，
如果不是參加這些跑賽，不會封路讓你走在上面，看到那麼美的景色
過了5km 就開始一路落斜，不過很怕傷膝頭，沒有衝落去喇
落斜慳力開心嘛? 不是啦！落幾多即係一陣上返幾多，看似令人興奮的落斜，其實愈跑就愈心寒。。。
到了折返點，是魚塘和小村莊
哈哈，有個小巴站，有人會想上車嘛?
好了，折返即是上返長命斜，真係好長好長。。。
但一步一步，也跑過了!
開始過 10km, 仲有一半，逐公里的倒數
其實左腳踭跑到 14km 開始有啲痛，唯有小心啲唔好氹咁大力
約 17km 是回到起點，但要跑多 4km 的大美督堤壩
那是條好像望不到盡頭的長堤壩，跑跑吓仲發現有好多，真係超多的飛蟲撲面而來，張開口呼吸的波比先生話自己食咗唔少，佢成面成頭成身有幾十隻飛蟲的屍體，超恐怖!!!!
最後 1km, 其實都真係冇乜力喇，
但見住差不多兩個鐘，唯有盡力衝埋佢!!!
最後呢，個人時間 1hr58min 完成，好開心，能夠在目標的兩小時內完成，仲除了飲水就冇停過!
以前的我，上少少斜都累得半死，今天的我已進步了!
波比先生 1hr35min, 師弟是 1hr 59min,
沒有練習的師妹，也限時內完成，大家也都滿意自己的時間啊！
後記, 今日波比先生話我聽, 原來由吹哨子起計, 兩小時內完成的女仔會有獎狀,
但我開頭塞人遲了分幾鍾先起步, 而家咁計係兩小時十幾秒, 冇獎....... O 晒咀.......
不過波比為咗獎勵老婆, 放工去買了 Amanda 的 cake,
不過我其實食三蚊個蛋撻就仲開心啦~
沒有留言:
發佈留言