[愛美食] Ocio 窩夫

老公今晚話要出街食, 老婆差D 「被換電話」,
但我實在覺得而家部電話仲好好用, 史都唔肯換, 太嘥錢,
可能早十來年, 還是很喜歡追新科技, 換電話換相機是等閒事,
但人大了, 覺得夠用實用就得 (但波比仍是不停的換呀換)

飯後行咗一陣, 想吃甜品, 記得旺角有間叫 Ocio 的窩夫店好多人讚, 就去了試試
原來呢度仲有 All Day Breakfast 同埋晚餐, 下次可試埋
今晚叫了二人份量的窩夫, 真係幾好食!! 外脆內軟, 兩件是古力味, 古力味道十分濃郁, 正呀!
之前食過幾間, 一係就凍嘅, 一係就林嘅, 一係就份量少得可憐......
而家總算搵到間可以再幫襯的了!