[愛美食] 滋味雞煲蟹

尋日同阿姨食飯時, 講起元朗開咗好多雞煲店, 我們倆試過來來雞煲很好吃, 但兩個人實在很難再試其他雞煲店~
阿姨就請纓陪君子, 捉埋姨丈表妹嚟同我哋食雞煲, 波比先生開心透了!

7點去到呢間新開的滋味雞煲蟹, 已經爆滿了! 好誇張!
座位其實有D 迫, 枱底有個架俾人擺袋, 原意是好的, 但換來的是迫到對腳都冇位伸, 坐了一晚其實唔多舒服.....

先來個涼拌青瓜小吃, 有點醋有蒜頭, 多爽脆, 幾開胃~



等了約 15 分鐘就來雞煲了!
不過阿姨喉嚨痛又唔食得辣, 今日都係食原味雞煲咋~
其實D 雞煮得唔多夠入味, 可以冇叫辣又冇咁惹味, 論雞而言來來好食好多~
不過論其他打邊爐的配料, 呢度真係好出色! 相中的大蝦很新鮮, 肉質爽又鮮味!
豆腐 $18 唔貴, 但又好香豆味喎, 唔似一般街賣的~



炒蜆, 份量足, 豉椒味炒得夠晒香~



食完雞, 就將呢壺湯倒入鍋中, 變做打邊爐





個炸魚皮有點過咸, 同埋碎濕濕~



但D 雲吞皇真係堅好食!! 似係自己包, 皮薄而滑, 入面有兩隻蝦,
豬肉的份量剛好又唔會太肥, 全隻一口咬落去, 是很地道的廣東雲吞味, 讚呀!!!



大蜆, 真係好大隻啊!又鮮又甜 very good!



在 facebook 打卡, 每兩位有 4 粒手打鵝肝墨魚丸送, 好抵呀!!
小小的鵝肝粒, 都食到鵝肝的香味嘅, 粒丸真材實料, 很彈牙, 絕無加粉的口感~



響鈴: o依, 都係靚嘢喎, 唔係一般街市買的貨式,
不過因為太靚, 浸完湯真係林得太快, 食唔到脆脆的口感添~
後面的紅薯粉, 建議唔洗淥太耐, 吸埋D 汁好好味呀, 如果係辣汁應該正到冇朋友添!



叫了兩渣蔗水, 又是很真材實料的味道, 不會過浠~
一讚侍應都非常快手, 即叫即到, 細心講解點食法, 收碟都快~
每枱仲有紙巾供應, 可見此店細心待客之處, 值得推介呀!!

[2013 台北] Dazzling Deluxe Cafe 朝聖

週年紀念日，當然想搵個靚靚地嘅地方食餐飯，
在網上最 hit 的靚 cafe 非 Dazzling 莫屬，長期大排長龍，因每日都有唔少女生去朝拜
研究過幾間分店，好似微風廣場的最新又最少人，所以就去碰碰運氣
去到，天呀，竟然冇人排隊，仲有最後一張雙人枱，太幸運了吧!
如果冇位，一等可能上句鐘，因為人人都是在 hea, 有排都唔會走









坐低後，笑容滿面的後生女侍應送上餐牌，其實跑步後肚子餓得很，考慮洗唔洗食個飯
不過波比先生見到有個 high tea set， 話我哋都未試過 high tea 喎，所以就叫了一份

今期呢度 crossover Hello Kitty，有好多用具同食物都有貓頭， 是 fans 必到啊







先送上飲品，我點的蘋果特飲好好飲唔，有好多蘋果, 檸檬同椰果粒粒，有汽，甜中帶一點點酸，很醒胃解渴



然後三層的 high tea set 就上場了



最上層的是馬卡龍，一向我們都唔太喜歡，因為都是太甜的，
不過呢度都整得算好食啊，微脆同唔算超甜，三粒都食晒



中層是慕思蛋糕、芝士蛋糕同埋曲奇, 味道算唔錯



最期待的是下層的 honey toast, 不過同意 blogger 所說, 這裡的 Honey toast 唔夠脆, 可改善~
不過邪惡的牛油同雪糕的化學作用, 令人始終無法抵擋



下層還有小三文治, 層麵包都是有點靭, 不過可填肚囉~
以為食完都會好唔飽, 其實又都 ok!



之後行行微風廣場, 嘩, 見到 Uncle Tstsu 的芝士蛋糕, 好想買啊!
台北車站的總店, 起碼排一個鐘先買到啊, 呢度竟然冇人?!
不過買一個實在食唔晒啊, 下次再來, 應該等到上機前來這裡逛逛, 順便帶一個返香港~





之後, 有人去了蜜蜂咖啡買了夢寐以求的尖咀咖啡壺, 仲有布濾袋, 有人好開心囉~~

[愛美食] Al Dente x Peninsula Boutique

星期六, 又去了我們的週六飯堂 Al Dente 食 lunch~
今次邀請埋阿姨姨丈去, 不過實在等得太耐, 1:30pm 我哋又趕住去睇 show, 攪到食得好趕好趕, 完全唔可以 enjoy 呢一餐~



我們 4 人去了太空館睇呢個 TO THE ARCTIC  的全天域電影,
北極熊熊真係好可憐......
睇住北極D 冰係咁溶, 見到雄性北極熊因為沒有食物而要獵食小北極熊, 真係好難過.....
或者, 無需要的話, 我都揸少D車, 其他方面都環保多一點, 希望可能盡一毫米的力去幫幫這個面臨滅絕的極地~




之後, 我們去了半島酒店的 Peninsula Boutique



嘻嘻, 用老公的 Asiamiles 換了 4 件 cake 的 voucher, 終於都經過開可以去攞餅食!



這件類似 opera 的, 有榛子/椰子/朱古力等配搭, 味道層次分明, 很出色的水準!



芝士蛋糕, 波比至愛! 整得非常之好, 大酒店的餅店真係唔同D, Tony Wong/ Paul Lafayet 的都完全比唔上~
以 $45 的價錢, 有特濃的奶酪味, 超滿意!



Strawberry roulade, 據說是這裡的招牌甜品, (回家時版波比先生扔到D cream 甩晒....)
士多啤梨好甜, 但蛋糕同 cream 部分只算是幾好食, 同日本的級數還有段距離,
都是賣 $45 的話, 個人覺得唔係太抵~



下次有機會, 很想試試其他款式呢~
這裡還有手造朱古力, 細緻得令人唔捨得食, 不過都幾貴啊~
約定波比先生, 結婚十週年時, 要來半島食個飯先得 :D

[2013 台北] 皇家飯店介紹 x 疏洪公園跑步去

寫到台北之旅第二天, 先介紹一下今次住的酒店,
因為時間太趕, book 唔到新驛, 就 book 了佢隔離的皇家飯店,
出發前終於搵到佢個 website: http://www.taipeiroyalhotel.com/
去到都覺得房間很對辦, HKD500 一晚仲包簡單早餐, 位置又一流, 台北車站前, 真係唔錯了!
不過都有D 小問題囉, 例如 5pm 先交房,
第一晚返來時服務員九唔搭八, 同佢講我哋一早已 check in 佢好似搵唔到記錄, 攪咗好耐...
第二天跑完步返來, 房卡又開唔到門, check 返先知佢入錯咗紀錄, 唔知我哋住兩日.....
刷牙杯仲有上手的唇印, 床單又有少少污糟等等.......
如果有得揀, 都係住返新驛或喜苑好D~






其實台北已來過五次，一般的招牌景點都去過了，今次還是想輕輕鬆鬆的過一個週末就好

今天是我們的結婚六週年，就來個波比最喜歡的行程:跑步
一早起身，酒店有早餐送，可選三間附近快餐店的餐劵，今天去了吃 Burger King, 只可揀最基本的芝蛋包，味道也 ok





然後，我們換好運動裝就出發，買了兩天的觀光護照，
來過台北咁多次，都未買過觀光護照，因為每程捷運實在太平，用 pass 很難先搭得到回本
但今次見行程都分散，計過都 ok, 所以買了 NT310 的二天護照，唔洗逐次買飛，又有本 coupon 送，有幾張送的禮物都唔錯架

我們搭捷運到三重站, 要留意轉捷運線時, 同一月台有兩個目的地的車次,
去三重站是要搭去輔大的路程, 我們一開始沒留意, 上錯車, 攪到要返轉頭再搭過



捷運站總有很多很特別的彩繪牆, 很有特色



去了一個叫疏洪公園的地方，捷運一號出口, 直出過馬路就係



旅遊書沒介紹, 是我自己看 Google map 找的
是一個全程 8km 長的公園，有草地，單車徑，好多球場，是假日好去處



公園的第一區，叫幸福水漾公園，有好多好可愛的佈景
結婚六週年的今日, 在這個幸福之鐘下拍個照, 太幸福了~








還有一片波斯菊的花田，估唔到此行都可以見到花田呢，超開心





今日天氣熱死人，有成三十度，真正的烈日當空
這個時候來跑步，實在幾辛苦。。。
不過沿路可看看不同的風景，才使人暫時忘卻那在熱鍋上走的感覺




沿路見到好多人打棒球啊，還是第一次親身的見到
我們跑呀跑，其實沿途的指示唔太清晰，後來先發現原來呢度係可以跑上單車徑，應該說是那是行人單車兩用徑，不像香港我單車徑上不行人




好不容易，終於走了一半，去到一條大河道，遠望到陽明山一帶啊
之後就是回程，但跑跑吓可以條路斷咗。。。走了不少冤枉路才能回去





經過了山羊棚，那些羊咩咩叫又打交，好攪笑
雖然話不准餵食，但人人都自備了飼料餵呀餵，見到小朋友一邊餵一邊與羊咩說話，笑死我
小朋友嘛，假日來這些地方玩玩就好啦，這才是童年呀，
為什麼香港的小孩要在家做過多的功課同無了期的溫習測驗評估呢











跑了兩個幾鐘，終於都完成了這個艱辛的旅程，不過還是很開心
此時肚子已餓得咕嚕咕嚕，快快回酒店洗澡換衫再出發了。