發霉的十二月

我屋企每年春天都會發吓霉, 但從未試過十二月就發霉!!!
可能天氣太熱又太濕, 這件可怕的事竟然提早了發生!
今日放假隻腳又有點唔妥, 所以冇 join 朋友行山了, 要在家做垃圾婆執垃圾同清潔.......

今個月生日, 收到一些品牌的生日卡, 其中 HABA 最好啊, 有好實用的 coupon!



然後去練泊 S 位, 唔知係咪因為架車太長 (唉, 愈來愈後悔點解唔係買架短D 的 Ratis 或宿 March...), 泊極都做唔到三手軚, 永遠個尾都會伸得後咗少少要修正呢....

然後去食 lunch, 元朗太多車, 周圍都冇位泊, 最後要走到元朗運動場後面,
行得嚟其實同我由屋企行出嚟差唔多....

lunch 後本來想帶架車去洗白白, 去了朋友介紹的店, 超多車, 又要放低車匙, 仲有警察趕 (其實佢非法地佔用錶位洗車), 所以都係唔放心放低架車,
去工業村睇睇, 有一間電腦洗車 $148, 唔知好冇....
所以就索性自己洗第一次先, 因為架車都唔算好污糟,
我又冇買清潔劑, 唯有用清水沖吓抹吓, 屋苑的停車場都算好呀, 有水有位供應人洗車,
我就成個菲傭咁, 一桶一堆工具走落去洗洗洗~

唔經唔覺, 都攪咗成個鐘, 洗完就做最緊要的過程: 補返D 花痕,
唉, 有幾條都幾深呀, 補唔到, 仲係黑色, 其他大部份都 ok 嘅~
希望唔會再咁唔小心啦~