又就嚟老一歲

今日超攰, 先係早上去聽了個 CI 的 seminar,
趕到死上星期人在泰國先收到 e-mail 話今日有 seminar,
原本應承了去大學同學的婚禮兼幫佢影影相, 點知泡湯了..... 失望.....
因為我工作的醫院係全港三個有呢個手術做的 center, 我老細又話去過 n 次所以唔去了,
所以俾面派對我還是要出席

去到嘛, 有個大陸醫生用超捲脷的普通話講了一大埋國內手術的數字,
將D 平時我哋只會用英文講的 terms 轉普通話, 聽到我一頭霧水...... 嗰刻真係好想走.....

到另一個較高 expectation 的 speaker, 演講內容都有D insight 的,
但大部分內容我都睇過相關治療的書籍, 冇太多新嘢, 唔怪之得老細唔嚟啦.....

聽完 semianr, 因下午仲要上 Master 堂, 返了醫院的 Med Lib 讀讀書,
真係勇態不復當年了..... 對住份 handout, fishing.....
不過圖書館始終真係讀書的好地方, 換著喺屋企我一定瞓了.....

下午還有 4 小時的 Master 堂, 上完了, 就完成了 Semester 1 的所有堂喇, 真係話咁快呀!!!

趕去青衣同波比 family 食飯, 係我同波比先生的生日飯啊!
有松子五柳魚, 好正!


返到屋企, 哎呀, 波比先生真係睇少陣都唔得,
hau 我返咗學, 又去咗買麥兜, 係聖誕麥兜啊! 如果唔係減價買, 佢又會俾人鬧喇~
加埋上年買的雪人係麥兜, 真係好想帶佢哋去街影相!
成屋都係豬喇, 真係夠喇~



諗緊去邊度同波比先生食生日飯, 嘻~