負離子

近來見的新 case, 好多都係好可愛嘅小朋友, 真係人都開心 D!

個個小朋友入到嚟我間房, 都被我新買擺喺枱面嗰盒多啦 A 夢停車場深深吸引住,
我話係新買, 仲未開仲未拆袋玩唔到住, 個個都扁晒咀好慘情咁嘅樣.....
停車場嘅吸引力實在太大了!

終於都頂唔順個草菇頭慢慢好 /hiu3/,
今日放工去咗整負離子, 嘩, 對上一次好似係 Year 1!!!

諗住近近地喺元朗整, 去第一間, 個老細竟然話佢哋收八點, 唔做我生意!
嘩.... 原來元朗D Salon 咁早收....

去第二間, 有得整, 整咗兩個鐘, 已經係十點幾,
到俾錢時, 先發現佢哋冇得簽卡 =.=!!!
真係 O 晒咀.....
附近又冇 OK 便利店或者櫃員機喎, 最後, 要個職員同我行去好遠嘅匯豐攞錢囉,
真係勁唔好意思.....

元朗的髮型屋, 真係咁都得?

草菇頭直咗又好扁呀而家, 不過就唔 /hiu3/ 囉!