我們的豪華春銘

今日去做替工, 好勞氣, 遇到一個真的很 PK 的護士,
令到我第一次喺醫院咁惡哋對人講嘢!

唉, 攪到 7PM 先放工, 本來就係約咗 7PM 喺長沙灣等, 上青青屋企拜年.....
唯有搭完一程公共交通工具後, 再轉的士!
又幾快喎 , 45 min 就到!

見到難得返香港的 Eva, 仲有好多好耐冇見的同學仔, 哈哈, 好開心!

之後我哋去咗裕滿人家食我哋嘅春銘, 嘩, 嗰度都好靚吓, 16人的大枱, 超寬闊的梳化椅,
Very Good!

睇吓我哋幾豪! 嘩, D 食物仲好食過去飲嗰 D 呀!

多年前我哋都去過美心攪春銘, 已經唔記得係邊年了....
今次好難得咁齊人, 真係好開心呢!

唔同年份, 我們的話題已經轉移到不停講結婚, 出年我又派少兩封利是喇, 哈哈!
過幾年可能就會不停講生仔湊仔, 哈哈, 唔知第時邊個係最早會帶個 B 嚟我哋嘅春銘呢?