滑滑鰻魚蛋

今日返工, 勁凍, 好似得十幾度咁...第時再凍 d 都唔知點算...
以前份工就話可以著住厚褸圍埋頸巾成個雪人咁 (同事家長都成日問我係咪好凍)
而家著制服同只可以加一件白袍, 入面真係要著三五件衫先得喇!

尋日打邊爐順便買o左條鰻魚, 今日就為佢條鰻魚, 好趕都要搭到村巴放工,
點知... 大塞車.......

呢個就係今晚傑作, 焗鰻魚 + 炒滑蛋喇!
波比先生一食:「嘩, d 蛋好滑喎」
係咪同出面o個 d 有得 fight 呢?
哈哈, 唔係我唔識整得滑, 而係我覺得太生唔多好, 所以一路都唔整滑蛋俾你食o者~ :P