I Love X'mas

今日去o左開小 V 婚禮的姊妹 meeting, 諗起到時一定熱熱鬧鬧, 一定好開心了!

之後我一個人去行街, 又一城的幾層高聖誕樹又出爐了,
見到聖誕的佈置裝飾, 到處都喜氣洋洋的感覺

行o左 4個鐘, 一路行愈來愈唔對路, 不停流鼻水, 又好似發燒.......
應該又病了, 慘喇.....

等波比先生踢完波, o係旺角食飯, 唔理咁多, 都要試o下好出名的「旺角咖哩大王」
小食超熱氣, 不過真係好好味, 咖哩角皮薄超多餡!

咖哩羊肉煮得好好, 咖哩係好多材料去煮的, 加薄餅同埋黃薑飯食真係正呀!

再來慶生

今日休息日, 幫好友小 V 整佢的婚紗相 slideshow,
見到小 V 著住婚紗的相片, 覺得好幸福~
好友結婚了, 真係好鄧妳開心!

今日同波比先生去o左 HSBC 同恆生睇o下 d 保險,
俾心機唔咁大洗儲o下錢的話, 我o地可以幾多歲退休呢?
跟住兩人就發白日夢, 諗o下第時唔洗做, 得閒就去o下旅行幾 happy!
不過一想到如果有小朋友, 一切美好的 planning 就要打個五折了.......

今日係攝影班的第二堂, 仍然係講o下光圈快門 ISO 的關係

放學後, 我o地為壽星女 Ernie 慶生呀~
買o左好多酒泉壽司上 Alan 屋企食, 超開心!

仲有 Alan 的小狗「火柴」同我o地玩

佢一路望住我o地食o野, 好乖!

Alan 的新居, 新樓頂樓連天台都係 $4100 租, 洗唔洗咁抵啊~~~
夜晚睇星星 , 日頭睇藍天白雲, 真係正到痺!

早來的生日驚喜

謙謙今日學校放假, 話o黎醫院搵我食飯,
我話驚太多 cases 要好快食完, 驚佢o黎到又陪佢唔到, 但佢點都話要o黎, 好吧

點知, 原來佢同媽媽整o左個士多啤梨芝士蛋糕俾我, 預祝我生日啊~
真係好驚喜又感動!

End product 雖然只是一件蛋糕, 但係我知道由買材料到整好, 一定要用好多心機
真係好多謝謙謙同媽媽的一番心意~
食o左兩件之後, 拎o左餘下的大半個返屋企「順便」同波比先生慶祝埋~ 哈~

今晚約o左阿靜同 Cora, 要傾我o地的 Group presentation!
一路食飯一路傾總好過齋傾咁慘~
有了方向, 要開始睇o下 Journal 先得!

多謝 Cora 的杏仁糕啊, 食完話妳聽好冇味呀~

咁唔俾面

今晚又去上堂, 係 CUHK 的一個鬼婆 psycho 人做 speaker,
點知因為種種原因, 今堂好少人返,
可能因為咁, 鬼婆好唔高興, 落堂前一句:"Okay, I have done my talking."
好不滿的樣子....

今堂講 Learning to read, 大家都好有共嗚而家的香港媽媽太緊張了,
教育制度亦都好有問題, cognitive 同 motor skills 都未 ready,
就迫小朋友好早要讀字寫字, 咁細個即使識得好多字, functionally 有需要嗎?
雖然我知有 d 小朋友真係學到....
同其他國家比較, 香港往往係最早要求小朋友讀寫的地區, 真奇怪......

太早迫小朋友認字, 係為o左滿足家長o既心理 (我個小朋友唔可以比其他人輸蝕),
定真係 Learning with FUN? 家長真的要好好考慮啊~

Alan's 2nd exhibition

Learnt from Elana's blog that Alan's 2nd photo exhibition will be held from Dec 15, 08 - Jan 10, 09. We are sorry we can't come to the opening this time because I will have class and Mr. Bobby have to attend a wedding banquet at that night.

We will visit you in another day.
Come visit Alan if you have time too~

http://www.cultureclub.com.hk/events/coming_exhibition_4.htm

仲病緊...

病o左已有一星期多, 仲有少少喉嚨痛,
但間歇性地周身唔舒服, 今日無啦啦又反胃想嘔 (大家千祈唔好亂諗o野問我係咪有o左),
頭痛有時又心口痛, 嗯.....

所以今日都係足不出戶, o係屋企冇咩攪, 就 plan 好晒台中的行程~
短短的 4 日, 行程排得密密麻麻, 原來台中加清境, 4 日實在太短,
很羨慕有些 Blogger 可以十幾日台灣環島遊,
不知道我和波比先生會否有機會過一樣的流浪日子?

o係網上搵到好有用的公車地圖, 實在太好了!
沒有捷運的台中, 唔係自駕遊真係好唔方便.....
我諗好多時都要打的, 不過要衡量一下地圖上的距離, 是否心想的距離~

見到有 Blogger 住的清境民宿超超超靚啊! 好羨慕啊~
早一點知道有咁正的民宿, 我諗我一定會 book 呢間,
因為佢o既落地玻璃 SPA, 咖啡機, 朱古力都太吸引了~~

http://hk.myblog.yahoo.com/jackmanis/article?mid=2172
http://www.florance.com.tw/spa/index.php


未去, 已經想定我們要再去一次嗎?

滿載而歸

星期六, 又頭痛痛到瞓唔到, 六點幾醒o左....
已經好多日係咁, 次次都係痛埋差唔多o既位, 真係要小心 d

今日完成了一大重大工程, 就係將舊舊 Yahoo Blog 中所有 450 篇網誌 set 晒做 private post,
沒有 Login 的人一篇都睇唔到, 自己又可以 keep 返住所有紀錄,
450 篇逐篇 set, 真係想死! 不過總好過要 delete 晒佢o丫~
睇返一整年的日記, 開心唔開心的事都有, 有 d 原來已經係成年前o既事,
又更加覺得時間過得好快~

今日去o左定期的洗牙 + 檢查, 呢個牙醫洗牙好大力呀!!!!
攪到而家 d 牙仲有 d 酸軟感覺, 食o野都有 d 辛苦...

夜晚去o左屯門市中心食飯, 試o左新新地開的「潮館」, 食物同服務都唔錯啊!
佢而家免收茶芥同加一, 咁樣起碼平o左五十蚊, 真係抵啊! 所以好好生意啊!

之後行 Toysrus, 想買定聖誕禮物俾謙謙同醫院的小妹妹,
不過未睇o岩啊~
今年在這個地方, 不用寫聖誕卡給小朋友, 不用準備聖誕禮物給小朋友,
亦沒有了同事間的聖誕聯歡會, 與我過去的五年很不同~

行書店途中, 波比先生偷偷的買了這個送給我~

嘻嘻, 是新出的麥兜八達通卡套連鏡, 超實用又可愛~
我告訴波比先生這是難得的好禮物,
好過那些幾百至數千元, 但我又不太常用的電子產品
(有人早幾日失驚無神送o左個好貴的電子相架俾我.....)

離開前, 發現以前的百佳竟然變了 Taste, 逛逛之下又買o左好多美食,
滿載而歸啊~ :P

近況

仲有兩個半星期就去旅行喇, 網上攪掂o左入台證,
而家係差 plan 詳細的行程同埋 BOOK 車

第三天的行程, 想去一個叫合歡山的地方, 但又怕會有高山症的情況,
博唔博得過呢?
http://www.alvinphoto.com/TW-2/tw2-4.htm
http://vicyfaye.info/?p=73
http://www.ellison.idv.tw/ellisonblog/article.asp?id=680

～～～～～～～～～～～～～～～～～～～～～～～～～～～～

今晚波比先生話要食西餐, 同佢第一次去 Oliva,

兩個人叫兩個菜都食唔晒, 打包o左半個 pizza 啊!

齊齊走堂!

今日第二堂 Voice Group, 自己聲沙住頂硬上o黎教人用聲, sigh......

多o野做到傻o左, 成 7pm 先收工, 趕去上堂
去到, OH MY GOD! 今堂竟然係請o左個全行都知勁騎喱o既師兄o黎講.....
邊個請佢o黎o架??

首先, 頂唔順佢講o野完全冇重點, 仲要覺得自己講得好好,
第二, 頂唔順佢身為治療師, 竟然滿口懶音
第三, 佢所謂覺得自己好掂好巴閉的做 case 方法, 我o地都好唔認同!
佢做埋晒 d o野, 同做個教學助理有乜分別?

所有同學都聽到 O 晒咀 + 皺晒眉頭.....
趁小息時間, 我o地三個都走喇
(本來都覺得幾揚, 但係見 Cora 姐呢 d Super 乖學生都走, 我都無為留低喇!)
一路行一路講返佢 d 騎喱o野, 真係笑到肚痛, 好鬼死抵死!
真係唔明白, 點解有 d 人可以呃飯食咁多年........
比起早幾堂個個都係猛人o既 speaker, 佢真係勁唔掂!!!!!

大病中

今日一起身, 肚痛胃痛又想嘔,
出去食完 lunch, 仲發埋燒, 於是全日就瞓o下醒o下溫溫燉燉咁過o左....

到o左夜晚真係好唔舒服, 又燒到 101 度, 於是出去睇醫生,
平時睇開o個個唔o係度, 呢個係替假,
好攪笑地, 佢一路講「o拿妳咁咁咁, 我就開xxx 藥俾妳」
如是者數晒我o既 symptoms 開o左 8 隻藥,
最後竟然話:「二四六八, 嘩, 八隻藥咁多, 唔知妳食唔食得晒, 妳覺得點呢」
我:「o下, 你決定啦」 (有需要的話, 10 隻都要食o架啦)
「咁呀, 妳係咪好想嘔呀? 係o既話都係唔好開 aaa 同 bbb 俾妳喇, 開 Panadol 妳冇咁易嘔」
「妳 d 咳係咪好嚴重呀? 唔係就唔好食咳藥咯」
「呀妳 d 鼻水鼻塞嚴唔嚴重? 唔嚴重就唔好食o個隻收鼻水藥」
我都真係 O 晒咀, 點解 d 藥係可以咁傾出o黎o既?!?

最後 7 隻藥, 二百五十大元, 究竟 d 藥係咪咁掂呢?

波比先生去o左踢波, 又受傷返o黎!!! 今次係撞到成隻眼腫o左瘀o左!!!
激死我擔心死我喇!
唯有用古法同佢碌雞蛋, 碌完 d 瘀血出晒o黎, 好恐怖呀~

如果大家o係街上見到個左眼係 Smoky eye o既波比先生,
唔好嚇親

Gathering & Photo Class

星期六, 喉嚨痛到瞓唔到, 又一早起身

發現波比先生都病o左, 唔係呀.... 我傳染o左佢? 隻菌好勁喎!
早知上星期快快去打o左新流感針先啦....

中午約o左謙謙, 補祝佢生日快樂

謙謙整的心形餅

謙謙話要去「一番」, 我o地好耐冇o黎過喇, 因為佢日日都排長龍
拳頭咁大舊飯 (雖然三文魚都按 proportion 地好大片),
食三件已經飽晒!

海老天婦羅, 又係勁大!!!
雖然喉嚨痛緊, 都食o左一隻!

呢份係我o地送俾謙謙的禮物啊~
八歲人喇, 唔好成日發脾氣啦~

之後我o地返o左 Dental Library 借還書,
點知遇著佢停電, 用唔到電腦入借書 record, 又消唔到磁,
於是我就拎住兩本消唔到磁o既書, 要好小心唔好入 d 有警報系統的舖頭喇

我o地再去o左海旁拍拍照, 維港每一日都在轉變

5pm, 是時候去 Pacific Coffee 歎咖啡同 cheesecake, 仲有睇o下書,
如果唔係趕住返元朗上攝影班, 可以 hea 好耐

今日我終於都冇走堂喇, 諗住佢個 syllabus 呢兩堂係教 d 無為o野唔去都罷,
點知原來個阿 sir 有佢自己的 syllabus,
今堂已經教光圈、快門、ISO、WB 喇! 好彩有返咋~

以上 d o野我睇過書, 都已經知道係乜, 不過阿 sir 都有講到一 d 我唔知o既o野,
有 d o野真係睇書睇唔到o架~
堂上有好多爛 gag....... 阿 sir 坐o係度齋 talk,
我同朋友都覺得佢有 d 相 demo o下會好 d~

班中有一半 (一半有多?) 係女仔, 估唔到咁多人啊!
影相唔係男仔的專利呀, 哈哈!
班中有 1/3 人用 DSLR 啦, 其他大部分都係 DC 仔, 少數用我呢 d Prosumer 機~
究竟上多幾堂會唔會令我有買 DSLR o既衝動呢? 待續.....

星展終減息至5.25厘

【明報專訊】匯豐早前減息0.25厘，星展香港曾表示因資金成本壓力不跟隨減息，使本港再次出現三個最優惠利率(P)。惟該行昨已表示即日起減息0.25厘，至5.25厘，與其他「大P」銀行看齊，該行表示暫未有計劃調整新做按息利率

嘩, 星展終於都減息咯, 令人雀躍的消息!!!
而家每月供千幾蚊息咋, 真係覺得好抵, 我傳統o既思想, 覺得點都係供抵過租~
咁平o既 P 加埋之前做落的息口, 令人覺得換樓又做過份按揭的話, 好似好蝕...

話就話樓市係咁跌, 但我個屋苑近來就多o左好多人睇樓, 差唔多日日都見到有!
其實有好多人都係等緊呢個時機呢

日日都聽到有公司執笠, 有公司裁員,
經濟差之下, 呢排收到好多 Promotional e-mail, 好似有好多優惠,
例如麥兜店日日 send e-mail o黎 promote 佢 d 冬裝,
Toysrus 又寄成本 Catalogue o黎, 又話送 300分星卡o既分俾我,
加埋我就有 1000分仲即刻兌現o左做 $50 coupon 寄埋o黎! (咁都得?!)
帝京酒店的花月庭仲派o左張 Buffet 75 折卡o黎我o地信箱 (因為都係新鴻基集團?)
優惠多到數都數唔晒, 哈哈........

就o黎聖誕節, 度度都一早開始賣聖誕 Box Set 了,
哈, 出血的日子快到了~

病到呆呆滯滯

今日去o左睇醫生, 好「行」的「政府套餐藥」, 都唔知食唔食得好....

DPNS 終於都收o左我喇, 等我仲擔心o左幾日,
萬一佢唔收就好大鑊呀, 唔通真係飛去美國讀咩~

出年好多 course 讀呀, 荷包又唔見咁一大截, 嗚......

放工食完藥先搭車, o係車度瞓到死o左咁!
一落車就好肚餓, 食o左杯富豪雪糕, 再去o左元朗鄉村小廚

佢 d 泰式海南雞飯真係好有水準o架~

我的香茅豬扒金邊粉都唔錯o架~

滑滑鰻魚蛋

今日返工, 勁凍, 好似得十幾度咁...第時再凍 d 都唔知點算...
以前份工就話可以著住厚褸圍埋頸巾成個雪人咁 (同事家長都成日問我係咪好凍)
而家著制服同只可以加一件白袍, 入面真係要著三五件衫先得喇!

尋日打邊爐順便買o左條鰻魚, 今日就為佢條鰻魚, 好趕都要搭到村巴放工,
點知... 大塞車.......

呢個就係今晚傑作, 焗鰻魚 + 炒滑蛋喇!
波比先生一食:「嘩, d 蛋好滑喎」
係咪同出面o個 d 有得 fight 呢?
哈哈, 唔係我唔識整得滑, 而係我覺得太生唔多好, 所以一路都唔整滑蛋俾你食o者~ :P

波比先生升級版 (v2.0)

近來的確要讚讚波比先生,
話o左 6 年要學中文輸入法, 最近佢終於都真係學而且學得識了!
見佢識得用倉頡打自己個名同埋我個名,
心情就好似阿媽見到自己個仔終於識寫自己個名一樣咁開心,
有恆心一定得o既!

 

波比先生仲學人整o左個 blog 添,
雖然睇佢都唔會日日 update 咁神心, 但久不久用o黎當練o下打中文都好~

 

另外, 成日俾我話佢影相影得好肉酸,
影到我張張都好似「豆豉人」(即係張張個人都好似豆豉咁細粒, 唉....都唔知佢點構圖o既),
用新相機後又開始有 d 進步喇 (話o左咁多年終於都有 d 進步, 老懷安慰ing)

 

今日放假, 做o左好多o野:
執屋, 吸塵抹地, 洗碗洗衫洗廁所, 換床單被袋,
仲有將衣櫃的夏天衫收起, 換上冬天衫了!
好 Productive 呀!

全日都呼呼大風, 冬天來了~

私家小肥羊

天氣咁凍, 有咩好過o係屋企打邊爐呢?
適逢今日我放大假一天, 波比先生尋日就已經 order 我今晚要打邊爐

唔知大家有冇o係超級市場見過呢款小肥羊火鍋湯料呢?
上個冬天已經見過, 今個冬天終於都有機會試喇! 究竟係乜東東?

打開入面有幾包o野, 第一包係味粉,
第二包, 嘩, 係成包辣椒碎, exactly 真係去食麻辣火鍋咁多辣椒!!!
為免變成膶腸咀, 我落o左 1/3包好喇

再睇, 嘩, 嚇死人, 係一大包辣椒油!!!
上次返深圳食o既魚鍋, 就 exactly 係咁大層辣油浮面呀, Crazy!!!
我落o左少少咋.....仲有少少香料

Finished!

今晚再去上次o個間「小樽」買肥牛, 睇到都流口水喇~
不過太多餸了, 冇上次咁興奮

仲有好多丸、魚皮角、羊肉

仲有波比先生指定話要食的鮮腐竹

今晚另一推介, 北海道帶子呀!!!
係雪藏o既, 我一路都唔係好知呢 d 可唔可以當刺身食,
今次見個盒度寫明話得, 梗係買啦!
好大隻, 好多粒, 都係 $50 咋!!!!!! 出去壽司店食點止呢個價!
嘩, 原來佢o地賣帶子壽司真係好好賺呀!

我o地當刺身食, 始終有少少雪味啦, 但都好肉厚算幾鮮味!
擺落去煲度渌一渌先食, 半生熟原來好正!

小肥羊的湯底, 真係好正啊!!!!
最後大家都超飽, 但仍然覺得唔好o徙o左個湯....
要渌個公仔麵食先得!! 肥死了!!!

真係超愛呢個電磁爐呀~~
又方便又快! 仲好細部好輕巧!
豬師奶拎起佢時, 覺得完全可以好似拎 Notebook 咁帶個爐出街,
去到邊打到邊! 哈哈哈!!! (邊爐毒上腦)

新開始

最後都放棄了 Yahoo, o係 Blogspot 從新開始,
舊o既唔去, 新o既好o既又點會o黎?
雖然呢度收視率應該冇咁高, 但我還是覺得應該為自己保留一定的私隱

Blogspot 有好多 Function 真係比 Yahoo 好, 如果識少少 html 的, 網頁的可塑性很高,
最好o既係佢可以o係 setting 度揀唔會俾人o係 search engine 度 search 到,
亦都可以成個網淨係俾 by invitation o既人睇,
唔鍾意時, 成個 BLOG delete o左佢都得, 咁先係嘛!!!

不過o係呢個新 blog, 都係o個句, 大家千祈唔好提我個真名喇
我以後o係大家o既 blog 留言, 都係會用藝名好了,
而因為唔知o個 d 無聊人係咪已經偷偷地睇o左我 d BLOG 友o既 blog,
所以大家都唔好 disclose 我呢個 blog o既 address o係大家o既 blog 度喇, thanks!!!



今日一個新開始, 多謝波比老公去買麥當當早餐俾我食

呢個魚柳早餐唔錯啊!

仲有涼涼的天氣下, 飲一杯熱朱古力, 實在太開心了~

下晝同波比老公出旺角, 終於佢都擁有一部自己的數碼相機了,
我第時可以約你去影相喇!

講開又講, 其實今日係攝影班的第一堂, 但我兩個朋友仔都唔o黎,
今堂又只係教 d 相機清潔o個 d, 哈哈, 所以我都走堂了!

波比老公推介我要食呢間人氣的肥姐小食, 我話「車, 有咩咁特別?」
不過一試之後, 原來佢 d 生腸同雞腎真係整得好爽口好好食,
怪唔之得佢成日o黎「偷食」啦!

道別

7/11/08

今晚, 我們去了與 Alan 道別

Elana 很了不起, 相信 Alan 一定很喜歡今晚的安排

我們的家有著很多 Alan 替我們拍的照片,
張張都動人心弦

如果沒有你, 我們一定沒有那麼多美好回憶

對你是無限的感激

好o野, 民宿 CONFIRMED!

好開心啊, 間民宿終於同我 CONFIRM o左 Booking 喇!
我o地會住清境的「香格里拉空中花園」,
好正的歐洲小木屋啊~~

o係台中市呢, 就係住「全國大飯店」
似乎都好大好舒服啊~

風月堂水準 Dinner

今日去o左 HA Head office 聽 seminar,
5pm 放得工, 未到 5:30pm 就出到旺角, 實在太 happy

我先踩o左上萬福旅行社攪台中酒店o既 booking,
呢間o野 d 生意唔知係咪多到唔憂做,
我先搵幫我訂機票的崔小姐幫我攪酒店, 留o左個電話, 佢係完全冇覆過我!

星期六我就再打去, 直接同接電話的鄺生話 book 酒店,
仲已經俾定兩間o既 CHOICE 佢, 叫佢幫我 check,
點知過o左星期六日同今日全日, 佢都冇覆我, 真激氣,
於是就直接踩上去, 有就有, 冇就冇, 唔好再要我等佢o地覆電話!!

一入到去就有位許生招呼我, 我話想 book 酒店,
原來根本好簡單, 佢打個電話去問問, 就即刻 confirm 到有房了,
我 xyz@(#^), 之前o個兩個 staff 攪咩?!

俾埋錢好快就攪掂, 前後不過 5 分鐘已經攪掂晒!
如果唔係我親身上o黎, 都唔知等到幾時!

到今晚 6 點幾食食o下飯, o個位星期六話幫我 book 的鄺生「終於」都打o黎喇,
我寸佢:「我頭先已經上o左o黎你o地度攪掂晒喇喎」
真係有生意都唔做咁!

而家台中酒店攪掂了, 仲差清境民宿未 confirm 我, 又要 send e-mail 去追喇...

 

是晚 DINNER @ 風月堂, 波比先生個同事借o左張八折卡俾我o地,
所以o黎試試!
有窗口位坐, 好開心啊!

餐包仔係自家製? 好軟綿綿啊~

呢度樣樣食物都真係好有水準, 唔怪之得要收呢個價...

鵝肝牛柳薯菜: 鵝肝好香超好味啊!!!!

鱈魚羊扒飯: 鱈魚好好好滑啊~~

最後來一杯好正的咖啡, 真係講唔出o既正!
仲有我最愛的甜品: 朱古力雪糕 + 又熱又脆的窩夫, 真係好滿足呀!

我問波比先生: 「你同事點先攞到張八折卡」
波比先生: 「冇呀, 一年食滿 $5000 就有o架喇, 佢一星期o黎食一次囉」
我:「你 d 同事真係有錢喎......」