呢種過山車般o既心情, 一生人一次好了! 太多會吃不消!
話說回來, 上星期二忽然間收到 agent 的電話,
又話有機票, 頓時啞o左......
大家都知我上星期日已經 cancel o左酒店 booking 啦,
Agent 應承o左星期一 call 我都冇 call 到, 我o地都預o左即係冇得去啦,
估唔到就突如其來星期二話有機票囉!
我o地一路最唔高興的, 係其實我o地星期六一早都 agree o左俾 surcharge, (都好想去)
但佢同日就 cancel o左 airline o既留位,
如果俾 surcharge 有用, 咁洗乜 cancel 個留位?
當我o地打電話去 airline 知道呢件事後, 已經覺得信錯人了!
到華航同其他 check 機位的網頁, 都見到我o地想搭o既航班已經 full o左,
得返零晨機所以我o地唔會考慮
點知, 佢星期二打o黎, 話我o地本來搭o既航班仲有位, 只要俾 surcharge 就 ok,
我o地都猶豫o左一日, 因為已 cancel 了酒店,
上次都咁辛苦先 book 到, 今次邊有咁好彩?!
輪到有機票, 冇酒店嘛?
點知, 又真係十萬個感恩, o係網上搵到一間唔算出名的酒店,
我諗係較多 local 人識, 外國旅客唔多識o既,
竟然仲有房!!!
酒店、機票都有了, 仲等乜o野?
GOGOGOGO!
我們搭夜機飛了!
華航的大機, 超 full 呀!!!
去到台北機場, 點知冇巴士出市區, 唔知發生咩事, 啞o左....
又好彩俾波比先生忽然間見到長榮有巴士去市區, 唔洗排長龍,
仲係去到我o地酒店附近的! Go Go Go!!!
去到酒店 settle , 已經係 12:00am,
未食o野o既豬生豬太, 出發了!
又好彩, 酒店附近有 d 食店仲未閂門,
我o地去o左食台灣牛肉麵, 牛肉湯超讚啊! (NT$90)
仲有小籠包, 咁大籠都係 NT$70, 抵到爛!
皮薄, 餡靚, 冇乜肥肉, 有肉汁! 超正!
洗乜咁貴去食鼎泰豐呢?
之後去行 24 小時的惠康,
每次到台灣, 都一定要買o下 d 香港冇o既飲品!
C.C. Lemon 超平啊, NT$25 咋, 香港貴 double 呢!
返歸了, 聽日有排行!
沒有留言:
發佈留言