心情緊張

聽日就是毅行了, 我的心情與參賽的朋友同樣緊張,
陪行的 40 公里, 會在零晨兩點從城門水塘出發, 先要上九百幾米的大帽山,
沒有行夜山經驗的我, 實在有點緊張!
清晨應該行得完大帽山, 之後就是最沉悶同行極都未到的第九十段........

前日早放工, 去買了兩盞頭燈, 幾十蚊貨仔, 但效果不比幾百蚊的差, 都是朋友的好介紹!
也買好了補糖必備的朱古力, 哈哈, 一年只有這天可肆無忌憚地吃朱古力啊!



不過我星期日比賽後, 真係有D 膝頭痛......
今日狂貼D 發熱的消炎的膏布~ 希望聽日好D 啦~

都好好彩, 聽日下午睇門診, 唔洗周圍行,
放工會飛車返屋企, 食完飯就狂瞓, 半夜就要出動了!!
Good luck to me la! :P

[愛跑步] 新鞋試跑

去陪行毅行之前, 不可再太搏練跑, 今日就來個輕鬆跑, 穿了新跑鞋

在日本買的 Mizuno Nexus 6, 斷碼特價 2990 Yen, 平到你唔信, 但又啱啱是我的 size!!!
相比起舊那對, 更貼腳, 跑起來感覺唔錯!
完成 9km 的輕鬆跑，不過膝頭就真是有點痛，明天要抖抖了

[愛住家菜] 有飯開喇!

星期一, 有得煮飯, 就是簡單的滿足~



本想飯後去跑跑步, 點知..... 瞓著咗.........
算啦, 聽晚再努力!

[愛跑步] 2013 Acis 10k 落湯豬篇

話咁快, 去到今年的第三個 10k 賽, 嘻嘻, 係最近我哋嘅天水圍 Asics 10k
失眠, 五點都未就眼光光
6:50am 出發, 打的 7:05am 就去到, 今年唔知點解冇得用大空地的位置, 乜都係喺晒馬路上



熱完身, 陪波比先生早點上線等候, 又唔知做乜, 成 7:55 先放人上天橋的起跑點,
又更唔知做乜, 等等等, 遲了10 分鐘先起步, 我想話我前後企了 40分鐘有多, 熱了的身都凍返晒.....
行近起步點, 最憎D 人迫迫迫, 三唔識七都要推吓你背脊, 有冇需要先???
想前就唔該自己早D 霸位, 尤其D 男人唔好詐詐帝帝揩身揩勢喎,
上星期 Gigasport 跑賽, 就有疑似非禮事件發生在師妹身上, 女性跑友都有小心為上!



起跑了, 頭5km 其實都 keep 得幾好, 在 4km 位見到波比先生,
可惜我幫在佢前面的長跑班同學仔影相, 連拍 mode 需要時間去 save 相,
攪到我見到波比時部機完全影唔到 =.=!!!
啞晒........ 然後俾波比怪罪辦事不力~

後半程, 雨愈落愈大, 我都未試過咁大雨之下跑步,
個身濕晒件衫好重, 對鞋同腳又濕晒, feel 到有D 磨腳,
仲有左膝無啦啦有D 痛.......
幾樣嘢加埋, 後半程比較慢了



今日一讚波比先生送俾我的 Salomon 小水袋, 好好拎, 一唧就飲到, 終於唔洗帶大水樽, 好爽!



最後, 我 53分17秒完成比賽, 其實都比上年的 56 分快, 不過可惜未能 PB

波比先生話今日跑到肚痛 (哈, 前年又係咁), 攪到好慢, 43分幾.......

Anyway, 今年的 10k 賽已全部玩完, 嚟緊我玩的仲有兩個半馬
今個星期五, 決定了做毅行者的陪行員, 因為我的師弟妹都參加, 好想實際行動支持佢哋!
我同波比先生會在 Check Point 6, 即城門水塘 join 佢哋, 希望有能力行到終點, 全程 40km!
萬一唔得, 就行到 CP9, 再在第十段的尾段等佢哋, 我都要好好準備了! :)

又大一歲了

今日我的好朋友仔來我家, 時間過得真快, 我第一眼見到這個小朋友時, 他才三歲,
轉眼間, 他就十三歲了~

而家已經係中學生, 來我家仲識得沖 cappuccino, 真係大個仔了~
又大一歲, 希望你日日都開開心心, 唔洗媽咪咁擔心喇~ :)

[2013 北九州遊記] 熊本城 x 城之湯 x 勝烈亭吉列豬排

終於抽到時間, 再續我篇遊記
上回提到中午去到熊本市, 食完個飯, 之後就搭當地的路面電車去遊覽,
其實由熊本 JR 站到熊本城只是幾公里路, 行都行到, 不過貪得意就坐吓電車



綠油油的路軌, 太討人喜愛, 香港就是欠了這一點綠



均一價 150 yen 一程, 由 JR 站搭到熊本城市役所前站, 幾分鐘就到



簡潔舒適的車箱



落車行幾鐘就到, 一入去是櫻之馬場城彩苑, 是個有古式建築的食店手信街



見到 Kumamon, 我今日同佢好襯色





超可愛的菓子



見到一間 cafe, 就衝了入去 hea 吓, 冇人, 包場
有好靚女的店員為你沖咖啡



不過老實說, 咖啡一般......



你見到加咗奶之後變到咁淡色, 就知道咖啡好淡



不過甜點倒是不錯



之後才是真正進入熊本城範圍, 有人好開心咁



嘩, 咁大片池塘邊的草地



有人就在上面跑步, 實在太正了!!!! 我們明天也準備好了來跑跑



後面的就是熊本城天守閣, 不過冇俾錢入去了,
因為去過和歌山城, 大阪城等, 其實入到去都冇咩好睇, 唔洗十分鐘就出返嚟咁.....



後而是在附近的公園散散步, 更加開心, 又見到好多人跑步, 攪到腳痕痕



熊本市實在好細冇咩景點, 於是就上網找找有沒有溫泉浸,
好好彩, 一搵就搵到間喺熊本城後面, 叫城の湯,
本來係想 book 個家族湯一齊浸, 點知 full 晒, 唯有各自浸大浴場啦,
閒日的下午, 得D 婆婆同埋D 阿媽帶住D 小朋友嚟浸,
溫泉水溫度適中, 唔會好似有馬嗰D 咁熱到浸唔到個人落去,
整體感覺良好, 550 yen 實在抵, 不過記得自己帶毛巾~



此行發現好多溫泉都有中日英韓文告示, 第一次浸都清楚知道步驟, 很細心~



浸完已經差不多入夜, 我們步行去上通同下通行街
這裡算是熊本最集中的購物搵食地點了, 有很大的超級市場, 又有藥妝店



仲有令人流血不止的運動用品店



so colorful~~~~ 睇到乜都想買, 可惜未發達~



這裡仲有幾間大百貨公司, 但賣的都是名牌貨唔啱我哋啦



到處都是 Kumamon





晚餐方面, 在 tabelog search 到呢間人氣 No. 1 的勝烈亭




兩個人坐勁大張枱, 可以伸對腳落枱底那種, 服務又一流!
自家製的醬汁



前菜



生的蘿蔔, 波比話好腥, 我又覺得 ok 喎, 加點醬汁食好開胃



我點了女性限定的吉列什錦



呢個野菜薯餅實在不得了, 外脆內 creamy, 好食到爆!!!



特上的鹿兒島黑豚



貴在真的入口即化, 雖有點油脂但又不覺得油膩, 勁好食!!! 真係不愧為 No. 1!



店內仲有個小小的 coffee corner, 店員見我們吃得七七八八, 就提我們可到 coffee corner 自己斟咖啡飲,
嘩, 太美滿了吧~~~



行程不多, 但很悠閒滿足的一天, 回到酒店, 住在廿幾樓的房間, 睇到好靚的熊本市夜景,
GOOD NIGHT~

一週好吃

這星期, 忙得要死, 每天就是遲放工, 整個星期 plan 了又 plan 都煮唔到飯........
有一晚同波比去食我至愛的麥當當, 今期正喎, 有咖哩味薯條,
個滋味蝦堡真係好多蝦肉, 好美味~



星期五晚, 終於都辛苦完了, 約了以前做 part time 的同事食飯, 去元朗的 Mint



這間泰國菜在馬田那邊, 食評都唔錯, 開揚環境樓底高, 坐得算舒服~
打開 menu, 真係 laugh die me........
其實我正常都唔會發覺個 menu 有問題, 不過坐我隔離的是英文老師, 哈哈, 個 hot pepper cake 真係正到冇朋友!



講食物, 其實係唔錯的, 冬蔭公夠酸夠辣, 仲好多料



青咖哩配又香又脆的薄餅, 超讚! 係個小食拼盤弱咗少少~



呢間舖頭好鍾意將食物排得靚靚再插D 裝飾, 只要D 花花草草唔好 reuse 就得喇!



同朋友傾偈, 一到九點半就恰眼瞓....... 我對眼真係會打唔開咁
人老咗就愈來愈早眼瞓, 好彩近屋企好快返到去 lu~