[愛跑步] 蛇年發財跑

今日五點就起身去參加發財跑, 不過搭車很不順利, 三程車都送車尾, 淨係等車都用了 20 分鐘
好彩有了往年的經驗, 都預鬆了時間去,
寄行李是山上的公園, 見到呢條長命斜真係想史~



寄埋嘢都已經 7:50am, 稍稍熱身就上線了!



這是每年一次最好玩的跑步比賽, 不計較成績, 只在乎開開心心的行個大運~
大家都情緒高脹!



冇啦啦就起跑了! 最堅係有個鬼佬爸爸, 推住架 BB 車跑, 但佢仲要超前我, 我追唔返佢!!
好勁好 Man 呀!
我對波比說: 「你有機會也要推住 BB 車跑, 同佢一較高低!」



大家也是輕輕鬆鬆的跑, 見到一班跑友有講有笑好開心



4km 後入山路, 上上落落, 見到美國隊長超前了我!



本以為腳傷抖咗咁耐應該好了, 點知呢兩日忽然間又痛返, 懷疑是在北海道 PK 所致.....
尋日買了支止痛噴霧, 今朝噴了先出賽, 又真係 ok 喎!
最後 43 分幾跑完 7km, 都算係咁~

離開時見到些變裝跑友回來, 真係好開心~





之後搭巴士落灣仔, 去了一間叫龍鳳冰室的地方食早餐
呢度的食物好得呀, 用料製作都落足心機, 這個叫千層蛋, 真係煎到一層層的!!!



沙爹牛通的牛肉超嫩滑, 好食到都朋友!!!



今晚唔洗拜年, 在家煮煮西餐, 久違了的芝士焗肉醬意粉,
今次用了 Tomato Paste 整, 味道特別濃郁~



整肉醬最緊要落 Bay Leave, 會香好多!!



仲有煎三文魚扒, yummy!

愛香港新年

回港後第二日, 不停的四出拜年!

雖然我愛旅行, 很愛日本這個地方, 因為不似香港的擠迫嘈吵, 實在是很適合人居住的地方,
但我也愛香港, 在北海道下大雪, 冰雪路又跣又難行, 又跑唔到步 (雖然我都見到有很強勁的人在雪上跑!), 所以我覺得原來生活在香港可以腳踏實地快步行的感覺實在太好~

北海道有時風雪大得很, 風大得像打八號風球, 將負幾度的雪不停地吹到面上, 那感覺其實很難受,
又要日日包到自己成隻糭咁先出到街, 但一入到商場有暖氣又好熱, 不停的又脫又穿實在很麻煩....
所以今日我特別享受香港的天氣, 簡單的一件 Tee 一件風褸就出得街, 多開心!

這裡還有我愛的家人朋友, 當然是在香港開心! :P

今日揸豬車去屯門娘家同阿姨度拜年, 要四圍去的日子, 有車真係方便好多, 尤其是去阿姨度係村屋~

回家歎件日本空運回來的新鮮芝士蛋糕, 再瞓晏覺 (係啊, 玩得太累又瞓得唔好, 好眼瞓....)



夜晚同波比家食開年飯, 我們從北海道買了隻超超超巨的皇帝蟹返嚟, 佢D 蟹籽蟹膏多到爆晒出嚟, 正到冇朋友!!!



聽日去跑發財跑, 係呀, 本來報唔到, 上星期忽然間收到通知話有位!
要晨咁早出發, good night 了!

回來了

好開心呀, 我們玩完北海道回來了~
今次絕對是一生人一定要去一次的美景之旅, 第一次身處雪地及大風雪間, 畢生難忘!!

整個行程算好順利及感恩,
如果唔係尋晚衰收尾, 喺冰地上跣咗一鑊攪到膝頭哥瘀晒, 其實大部分時間都算好運~

新年了, 祝大家事事如意, 日日開開心心!

遲D 再 update!

[2012 京阪神] 京都動物園 x 博多一幸舍

大家睇到呢篇 blog 時, 我應該搭緊飛機去北海道了! :P
係呀, 我將最後幾篇的京阪神遊記排程了在今日開始出, 每日一篇, 等個 blog 唔洗冷清清~

離開嵐山, 我們搭巴士去動物園, 但等咗好耐都唔見架巴士......
於是唯有求其上一架, 去到京都市中心再算~
落咗車, 又睇住 google map, 自己行寺動物園, 當是散散步



見到一隻隻好可愛的鴛鴦在游水水



經過了美術館



兜了個大圈終於去到動物園喇!
呢個京都動物園唔算大, 但我哋都幾鍾意, 因為可以同D 動物好迎咁接觸,
同D 獅子老虎, 就係一塊玻璃之隔





豹, 其實即是一隻大貓貓, 也有很可愛的一面



我要洗白白



公園的右方, 是兒童動物園區, 可以行入去, 摸摸動物仔!





唔知佢企到咁高做乜......



最開心的, 是見到黑豬仔 x 2



有個管理員嬸嬸對我們說, 他們一隻叫 Agi, 一隻叫 Nagi,
仲不停叫我哋摸摸佢哋, 哈哈, 波比先生最開心啦~




玩完動物園, 我哋返京都站的商場行街, 波比又買咖啡豆........... 其實屋企已經好多喇!!!



晚餐呢, 我們去了 10/F 的拉麵小路, 日本每一個大城市, 都必定有呢D 集著名拉麵店一起的地方
我們兜了個圈, 最終決定去博多一幸舍



呢間嘢而家喺香港佐敦的拉麵競技館都有分店呀, 不過人人都話係日本本土的好食D 啦~
試過後, 個豬骨湯底濃而不膩, 正呀~



食完之後, 仲買咗盒外賣裝返香港煮~

[2012 京阪神] 箕面公園行山去

第六日的行程, 編排了到一個叫比叡山的地方, 那是個在京都東北面的高山,
可俯瞰日本一大湖「琵琶湖」的景色, 又可欣賞山上的紅葉
http://www.wretch.cc/blog/vivi580421/6565333

不過呢幾日的旅程, 紅葉都真係看得非常夠了~
上比叡山的路途有點複雜及花時間, 同波比商量後, 決定不如改往大阪的箕面山好過~

在 2011 年的阪神之旅也到過箕面山, 可惜時間太早未見紅葉, 今年應該好合時宜吧!

再見了京都, 早知唔去比叡山就早一晚返大阪住啦, D 酒店平好多~



我們先去西梅田 Hearton 酒店放下行李 (係呀, 上次都係住呢間, 位置好方便又平)
就搭鐵路去箕面了!



出站見到好多人呀~ 大家都是上山的~



紫色的水果.......





這山中步道有唔少日式建築, 配上紅葉形成一幅美景~









除了好多老人家團, 仲有小朋友來旅行~



嘻嘻, 最開心的買嘢食時間!





大概半個鐘就行到去終點的瀑布喇, 好多人呀~~
有點陽光的天氣, 好溫暖, 好適合郊遊~



不絕的上山人龍



見到小食亭有燒魚賣, 好得意呀, 好似卡通片o個D 咁!!!



忍唔住買咗一條, 真係超超超好食, D 肉好滑好鮮呀!!



仲有頭先買的豆沙餅



自己帶咗個蘋果嚟, 還是第一次在日本買蘋果食, 原來真係又甜又多汁, 點解咁好味o架??



大家也在樹下野餐, 多享受~



跟住我們發掘新路線, 睇住 google map 行上山



同紅葉平排咁影, 好靚呀~~





跟住指示行, 來到一個很山路的地方, 不過覺得唔對路, D 路有D 難行,
怕危險會跣, 所以行咗少少就折返~



落山也要步步為營





我們回程時, 沒有行上山的大路, 行了架在山邊的小山路, 兩旁都是樹, 安全的行行山



黃色道路, 多美呀~~



還有小岩洞



從山上看, 又是另一番景致





這是一間咖啡館, 有時間的話, 坐下來喝杯咖啡看看紅葉, 是人生賞心樂事~



河邊還有搭建的座位, 品茶賞楓, 又是一大快事~