哈哈, 好鍾意香港亂up 鵬哥的又一力作, 真係好抵死!
尋日收到大學的信件, 我的大學 e-mail account 啟動了,
十年前升大學, 有個 student number 99xxxxx,
十年後又重返校園, 又有個勁好記的 student number 09xxxxx,
Log in 到學校的網站, 感覺是好新奇好興奮好期待的,
就像是十年前入大學時, 什麼都是新奇有趣的一樣, 期待 orientation 期待返學呀~~
工作嘛, keep 住都 ok 啦~
見到好多老人家, 好想幫, 但唔知點幫.....
有一個伯伯, 八十幾歲, 冇親人, 獨居,
一隻眼盲咗, 聽得又唔清楚, 鼻咽癌醫好又復發, 今次仲懷疑唔知係中風定癌上腦入院,
我睇完 swallowing 唔多理想, urgent 叫耳鼻喉醫生見佢,
好彩有 early appointment, 一照內窺鏡先知由單邊聲帶痲痺變咗兩邊都痲痺,
即刻 emergency 喺條頸要開個窿幫佢抖氣.......
在病房見到佢, 真係好淒涼....
其實佢個人好精靈, 但而家開完窿食唔到又講唔到, likely 以後都係咁, 還好佢識寫字,
冇家人冇人嚟探佢, 見到呢D case, 我成日會諗我老咗會唔會係咁??
在外國有一樣嘢叫 living will, 還在你清醒可作理智決定時,
列明萬一你有咩咩咩病, 你仲想唔想人救,
自己會覺得, 去到某一些階段, 即使有人救到我, 活下去又有意思嘛?
或者只係痛苦的延續, 每一日在心跳呼吸在老人院等, 等什麼呀?
生存而沒人關心, 或生存而連累他人, 我覺得還是免喇......
可惜香港還未引入這些 living will
在忙碌的病房, 冇人會理呢個伯伯, 暫時我可以做的, 只係埋去同佢傾兩句, 睇吓佢有乜需要啦
