[2013 北九州遊記] 夢想國度- 長崎豪斯登堡(玩樂靚景篇)

第二天的精彩旅程開始了!
話說本來今日應該係玩長崎的佐世保, 那裡有動物園, 可上山的展望台睇九十九島的景色,
點知尋晚睇天氣預測, 話第三天, 即是去豪斯登堡的那天會大雷雨,
如果去到落雨影唔到相, 真係好好好失望呀, 那是我期待以久的行程.....
於是臨時變陣, 先在第二天去豪斯登堡

我們第一次用 JR Pass 搭車, 將 pass 連同指定席的車票交給入閘口的職員看, 就可以入閘,
那些車票是不能過入閘機的

上到車, 再將指定席的車票插在椅套內, 稍後會有職員來查票
我們想起我們第一次去東京, 大鄉里出城, 唔知道 JR 有分咁多種類 (如急行, 特急), 同座位級數 (指定席, 自由席)
有一次上錯了架特急列車, 到有人查票先知擺烏龍...... 白白俾多了好多錢.......
而家終於明白晒分別了~



個幾鐘頭, 終於都到了佐世保站, 因為我們 book 了東横INN佐世保駅前,
上次神戶之後, 都好滿意住 東横INN, 又經濟又超近 JR 站, 又係一出就係, 感動!
而且因為豪斯登堡園區的酒店實在太貴了, 那裡距離佐世保其實只需 20 分鐘的車程, 所以我都好建議玩豪斯登堡時可住佐世保



Check in 超快, 我們就是搭了 20分鐘 JR 就去到豪斯登堡站,
今天超超超好的天氣, 非常之感恩啊!!!
落車, 落了一條橋, 見到園區的美景, 已非常興奮, 尖叫嘩嘩嘩!!!



十月份, 有萬聖節主題, 其實我最想是三月到訪, 因為會種滿了我最愛的鬰金香
不同的季節, 也會有不同的主題, 下個月開始就有燈影節, 晚上全個園區都亮了燈, 浪漫到死~~



未來過的朋友, 或者會問呢個園區有什麼特別?
http://chinese01.huistenbosch.co.jp/event/index.html
園區的中文網站, 其實頗簡單, 最有趣係「園內地圖」一頁根本冇園內地圖
我睇返日文版網站先有, 但有D 都唔明佢係乜...
我就翻譯了我去了的部份作介紹



其實呢個樂園, 我覺得較適合成年人去, 是一個很浪漫的地方,
小朋友的話, 除了拍照, 其實沒有太多適合他們玩的設施, 還是 Disneyland/ Universal Studio 較適合他們啦~



入場費 5900yen, 是很貴，不過物有所值，靚相無價

一入園區，先是風車區，幾個大風車，加上混色的花田，還有歐洲建築，太美了
可幸今天有帶腳架，拍了很多合照，超開心




旁邊有間小 cafe, 買了一杯雪糕咖啡，在花田旁坐坐，看著成群肥嘟嘟的蜜蜂採花蜜，很是寫意







園內有不同的交通工具可租用，見到公公婆婆踏單車遊園，多麽溫馨的場面







拍了很多照片後，進入噴水廣場，那裡一間間的屋子，其實是 attraction 的所在地，有 3D 電影同不同的 show 睇, 又有錯視世界拍照
我們看了幾個，不至於十分精彩，但也值得一看

也有些是手信店，有很多芝士，蛋糕，甜點賣






下一個園區是鬼屋大街，一間間屋子有不同的鬼怪體驗，哈囉畏時來，甚有氣氛
門口有所謂中英文的介紹，但你看完也不會明白內容是什麼
入了兩三間，可能是說日文的關係，不知在做什麼，有點無聊




再向前進，是歐陸大街，非常美的建築啊



有食店和手信店，見到整個糖蘋果在蛋糕內，有趣
還有香腸試吃，波比最喜歡





之後我們再上，是 one piece 船的地方，不過會另一篇 blog 作介紹
向下走，去到玫瑰園，園丁很努力地打理和種花，因為過幾日是大型花節的開始
很多開得燦爛的花啊

玫瑰園旁，就是摩天輪，不過要另外付費，沒坐呀











旁邊有個小馬場，真的有人在騎馬啊，你也可付費試玩







這麼走了一圈整個園區，已是四時多，我們回到噴水廣場，那裡正舉行德國啤酒節!
1000yen 就可任飲四款啤酒，不過適可而止，波比還是點了一杯過過癮便算





原來這杯是很有名的牌子，我飲了一啖，正!



最好還是有不同的德國腸仔賣，送啤酒一流呀!!!



然後去了歷險活動區, 有得爬繩網呀, 玩迷宮呀



波比先生玩這個



就是空中繩索飛越 300米, 佢話好好玩, 哈~ 我冇玩了~

[愛住家菜] 蛋有蟹味, 蟹有蛋味

放完假, 收拾好心情返工了.......
下一個旅程, 仲要等兩個月~

去旅行後, 其實會好掛住香港的蛋撻同奶茶, 仲有自己煮的煮家菜
今晚煮了辣辣牛肉粉絲什菌花膠煲, 好刺激



在冰格找食材, 長腳蟹成了我們的晚餐,
蛋有蟹味, 蟹有蛋味, 不錯的配搭~
兩個人排排坐吃飯, 就是幸福呀~

[2013 北九州] Hakata Miyako Hotel x 北九州 JR Pass x 福岡 Marinoa City x 博多 一双拉麵

我們回來了, 一千分美滿及感恩的旅程, 開始我的遊記吧!!!

6/10 天晴, 乘搭 11:20 的港龍航班, 因為有上次去沖繩搭 HK Airline 的冇飯食經驗, 今次喺機場食個豐富的早餐先~
慢慢吃, 悠閒的看著機場的人來人往, 展開我們的旅程~



今天搭的是 3-3 的320 細機, 不過港龍在10月27日之後去福岡的都會轉晒 2-4-2 的大機了,
很驚喜的是, 竟然有 menu! 仲要都幾豐富啊.......  哎呀, 早知唔食咁飽.....
諗返都係, 今次係搭正正常常的港龍, 唔應該同上次搭 HK airline 得個麵包食相提並論~



三小時的旅程很快就過, 望見陸地, 倍感興奮~



到福岡市了, 機場在市區內, 總覺得很有趣~



在國際線 terminal 搭了 shuttle bus 去國內線 terminal,
買了地鐵一日任搭的乘車票, 500yen 咋, 搭三次已經抵返

兩個站就到了我們住的第一間酒店, Hakata Miyako Hotel
實在覺得今次行程的所有酒店都太正, 呢間好近 JR station, 一出就見到,
不過小問題係有幾級樓梯要行, 再搭扶手梯先上到 lobby, 拎住大型行李的人可能覺得有少少不便,
有個超貼心的設計, 就是 lobby 的電梯永遠開住門等你, 哈哈哈, 每次歸來直衝入去都覺得呢個 design 超棒!!!
五百幾蚊的價錢, 實在超值~

出發了, 先去 JR station 的綠免窗口買 JR Pass,
詳細的介紹超推看小氣少年的 blog
留意博多站有幾個綠色窗口, 只有中間最大的辦事處先有得賣, 唔好去了細嗰D~

大概這個pass 太受歡迎, 有專賣的櫃檯, 服務員的英文非常 ok,
填寫了些個人資料, 很快就買到了~



同時間, 把我 plan 好了的車程資料交給服務員, 例如

乗車日	：	2013/10/08 (火)
所要時間	：	1:54(乗車時間 1:28)
乗車距離	：	171.1Km        乗換：2回

通常のおねだん（指定席利用）

： 6,740円 （乗車券 3,150円　特急券 3,590円）

○：空席あり  △：残りわずか  ×：満席  -：設備なし

表單的頂端

発着駅	発着時刻	ご利用列車	所要時間	乗車距離	利用設備・空席状況
ハウステンボス
	19:49 発 19:54 着	快速シーサイドライナー	0:05	-	-	-	-	-
早岐			0:14
	20:08 発 21:09 着	特急みどり３０号	1:01	76.6Km	○	○	-	○
新鳥栖			0:12
	21:21 発 21:43 着	新幹線さくら５７３号	0:22	89.8Km	△	○	○	○
熊本

表單的底部

車次資料可在這個 website 查詢
http://train.yoyaku.jrkyushu.co.jp/jr/pc/consumer/route/TopAction.do#
遇上較長途的車次及新幹線列車, 持 JR Pass 者可免費預約指定席,
服務員可幫你約好所有車票, 憑票上車就一定有位坐又舒適~
預約了一大疊的車票, 好壯觀!!!

我們在7天行程中的5天用北九州 JR Pass, 9000yen 的價錢, 但所有車程加起來值差不多 30000yen,
超推薦大家用來遊九州啊!!!



攪定了車票, 我們就去  Marinoa City Shopping 了!!!
可在博多站搭巴士, 但我們有地鐵一日票, 就搭地鐵去姪濱站, 再轉乘 100yen 的巴士去
Website 內有巴士時間表

到了到了!!!



先去波比最愛的 asics 掃貨, 有D 減價的衫真係好好好平呀!!



再去 ABC Mart 買波鞋, 一人買了一對,
我買了對 Mizuno 跑鞋, 2990 yen, 平都嚇死人!!!



波比買了對 Nike Free Run, 算平, 點知過幾日見到 3.0 仲平.....



仲有行埋 Sports Depo, 好多運動用品賣, 又買了帽、衫、褲, 短短一個鐘掃了好多袋衣服~
在 Mont Bell 看了很多很 cool 的行山用品, 估唔到行山的即食食物中, 竟然有 Risotto, O 咀!




回程又係搭返 100Yen 巴士去姪濱站, 見到好大間 Aeon 超級市場, 買了水果零食,
太好了, 因為博多站那邊沒有大型的平民超市啊, 阪急百貨有超市, 但始終較貴~



來日本, 其實有時都覺得吃得不夠健康, 因為我在香港每餐都必定有蔬菜, 晚上有水果,
在日本呢, 有時吃個拉麵, 有時吃個炸豬扒飯, 都是沒菜的......
所以我們都會買點生果晚上吃, 日本的水果, 普遍都好好吃, 又甜又多汁~ 不過記得自己帶把生果刀啊 :)



因為拿著太多戰利品, 先回酒店放下, 但已經是九時半, 本想去的一蘭拉麵也差不多關門了,
於是看看 tabelog 有什麼推薦的拉麵店在酒店附近, 找到一間叫博多 一双的,
酒店行過去幾分鐘就到, 時間已晚, 我們包了場,
肚子已很餓 (飛機餐後都沒吃過東西了), 先來了一客餃子, 那皮薄得像雲吞多過餃子,
鮮味又唔肥的肉餡, 好吃~



再來兩碗豬骨湯拉麵, 那豬骨湯唔咸得嚟味道濃郁, 很讚!



很幼很軟的拉麵, 我十分喜歡啊~~ 吃飽飽, 真是十分滿足, 第一天完了~

三年再來

星期五, 特別的開心!!!!! 因為完了工作之後, 我的十天假期終於都到了!!!
也感恩我的工作在放假前可以順利的完成, 不用心掛掛~

三年前我們到過日本九州的福岡, 不過是短短的四日三夜過客之旅, 未能盡興,
福岡仍然是我最喜歡的日本城市, 我想重遊好好好耐了!! 但一直都因為其他原因去了其他不同的城市而未有回來~

六月的時候, 有一次的國泰 fanfare 有福岡 $1590 的機票!!!!!
幸運地又夾到我放大假的時間 (需知道我放假其實好麻煩, 半年前要交定放假 plan 俾老細, 唔係話改就改, 真的不容易夾到 fanfare 的出發日期又是我想去的地方!!!)
又讚讚波比先生好叻, 搭住車都上網搶到機票, 我們就 6/10-12/10 的會去七日九州了~

這星期也忙於計劃行程, 上次去其實只是在福岡和去了門司 + 下関,
今次終於可以去多D 地方, 主要在北九州,
福岡出發, anticlockwise 的在北九州走一圈,
用 JR Pass 要夾準晒車次, 哈哈, 每一次這麼玩, 未搭車總是很擔心會走車, 搭到了又會很滿足!
當中有兩三日會揸車, 但我還是愛坐坐火車看風景, 所以有些日子還是愛用 JR Pass
好期待啊~ :)