當完美型遇上活潑型

今天不用上班, 去了上 training, 是關於 EQ 的 training
最有趣的部分, 是一個性格分析的環節, 原來我是一個十分完美型的人

理性、有條理的類型。有原則，有毅力，能夠自我控制，完美主義。完美型力圖保持高的標準和質量。他們總是注重細節，希望提高生產率。他們還慣於激勵他人提升自己，變得更加有效並且做正確的事情。由於他們有很強的條理性，他們對自己及他人會變得過於批判。他們不喜歡浪費和粗心，這一點可能會使他們變得無論大小巨細都去插手，而且沒完沒了，會做出令人喪氣的批評。在他們的最佳狀態，他們能夠做出正確的判斷，明智的決定，成為道德的模範，非常負責任。

回家同波比先生做測試, 他是個活潑型人

是一個很開朗的性格，喜歡玩，話特別多，有幽默感，很熱情。活潑型的另一面特點是：不注重細節、直率、喜歡陳列有説服力的物品。活潑型跟完美型是兩個極端的性格，這兩種性格是不可能同時在一個人身上看到的。因此這種類型的人社交容度很大，人情數量多，但人情的質量並不一定高。

測驗說的性格很中:
我很喜歡思考, 計劃很周詳(想好了一星期的菜單, 計劃旅行, 計劃去購物時如何最便捷地去五家商店買到十皮嘢), 想到很多細節 (老細俾文件我 comment, 總想到很多),
但壞處是有時想得太多, 杞人憂天, 很容易焦慮
所以, 我很頂唔順波比先生的粗心大意同沒安排

我對自己及對別人都很高要求, 這想來也是, 一係唔做, 一做我就要盡力做得最好!
對自己的工作高要求, 我接受唔到D hea 做害病人的害群之馬!
波比先生活在我的魔爪之下, 實在可憐! 哈哈!
怪他做事偏偏求求其其, 做完就算, 不理 quality~ 晾件衫啫, 話咗佢好多好多年, 都總是晾唔好, 皺起一舊晾三日都唔乾....
現在我明白了, 他是活潑型, 他的世界的 norm 就是這樣.....
我考試求高分, 佢考試求合格,
我對刮花了自己架車好在意, 佢就安慰我有乜緊要, 
我對影每一張相, 都總很有要求, 波比總沒法影到我心中的要求 (不過已進步很多)
我做事很講效率, 佢做事慢吞吞, 要催要話要鬧先做完少少事
我講效益 (計算過究竟兩個人揸車平D , 定搭車平D, 我才選擇), 波比就隨心而決,
我不喜歡浪費, 討厭浪費時間做一些無效益的事 (如打機), 很討厭浪費食物的人! 
波比先生就是天天在做這些事, 死未 *o*
我愛守規則, 波比愛挑戰規則, 質疑點解要守
我覺得他無聊, 他覺得我太認真!
我總是很緊張, 他總是很輕鬆~
這就是我們的分別

究竟兩個原來很極端性格的人, 點樣可以相處十年多??
哈哈, 這或許解釋了我們這十年很多時都有意見分歧, 很多吵吵鬧鬧, 我總覺波比很多事情做得唔好
現在我明白, 這是他的性格,
不過亦唔代表, 我會接受一些冇質素的事情,
我沒打算將他變成完美型, 不過希望他能有返正常的要求, 做事好一點囉~
呢世佢就冇得揀喇, 我 kindly advise 佢下世唔好再娶個完美型老婆咁慘囉~

課堂中, 還 group 了同一型格的人一起坐,
超有趣, 我同座上客的思想很的似得很! 大家也是實事求事的人, 唔接受到少少錯, 看見人就像看見自己~

哈哈, 這是有得著的一天, 而且暫時放低忙碌的工作 (係呀, 否則都唔會成星期冇 blog 出), 讓精神抖抖!
Lunch time 去了九龍城的大婆牛肉麵, 牛肉同雲吞都好食, 但個湯唔得啦, 做唔到台灣牛肉麵那種味道, 失望......



6pm 已返到元朗, 去街市買了超大隻的扇貝呀, 嘩嘩嘩!
加牛油、黑椒、檸檬汁炒炒炒, 好好味!



我還煮了之前從北海道買回來的拉麵呀, 有間叫一幻的, 勁多人排隊所以食唔到,
買了兩個佢出的麵回來, 真係好好食, 個湯底很特別, 是有點干貝味的, ichiban!

[愛美食] Happy Hour @ Outback Steak House

星期二晚, 約埋師弟妹去食 Outback, 慶祝師妹考完試~
4 個人來食好好呀, 因為可以叫多D 食物~

買一送一的啤酒, 男人們至愛~



師弟有高級版的 outback 卡 (我有的只是普通版), 都幾好啊, 有洋蔥花送, 仲全單 85 折~
至尊漢堡十分 juicy, 是近月來食到最好食的漢堡!
芝士薯條是波比最愛~ 甜薯就真係永遠都咁好食, 超滿足啊!

[愛美食] 現代自修室 Pacific Coffee

有一天, 我和波比先生晚飯後找地方歎杯咖啡,
走走走, 來到新世紀的 Pacific coffee, 入口細, 但內裡大, 環境舒適, 仲有唔少梳化椅~

最有趣的, 是有 4 張如自修室的枱櫈座位 (相片中間), 有電掣有 LAN 頭, 哈哈哈, 走苦讀學生路線很聰明啊~
我們這一代, 中學高考會考時, 就是每天七點幾去中央圖書館的自修室排定隊,
九點鐘開閘放豬入去, 一人一格, 唔郁得唔嘈得唔准食嘢, 努力的讀讀讀! 讀到夜晚食飯先走~

讀大學時每天埋首在大學圖書館, 好多時我都讀到 9pm 先離開~
烏燈黑火, 慢慢走落那長長的斜路, 再去上環搭巴士返屋企~
星期六, 也是要在圖書館先讀得專心~

而家的一代學生, 可以好有錢, 連鎖咖啡店裡, 一枱二枱都是攤開晒 pointpower handout 疑似讀書的學生,
不過其中又有好多人其實在 Whatsapp/ Candy Crush/ Facebook............
我一直都仍然覺得連鎖咖啡店很貴, $40 飲杯嘢, 其實夠我去食碟飯, 或者買一餐餸!
所以, 都是波比先生喜歡, 我才奉陪~
這些年輕人, 除非自己有做 part-time 養活自己, 否則就是用父母的錢, 去過一些有點過份奢侈的讀書生活,
這一代年青人, 吃好住好, 有幾多明白父母賺錢辛苦......



這天晚上, 我沒點咖啡, 反而是被這小兔蛋糕吸引,
是古力香蕉蛋糕 - 我最愛的 combination 啊!! 很多蕉, 唔太甜, 讚~



同場加映: 波比難得送花俾老婆, 有一日他在銅鑼灣工作, 放工後偷偷去了 Tony Wong 買的~
這黑古力的味道十分讚呀, 超濃呀, 唔捨得之下, 分了三日慢慢食

[愛美食] 自駕午餐@金壘餐廳

星期日, 膽粗粗學人揸車去食飯, 目的地是在錦田 (差不多是嘉道里農場)的金壘餐廳

睇了 Google street view, 見到餐廳有六個車位, 附近都有錶位,
一路揸去都順利, 但入到去, 啞咗.....
雖然仲有一個位, 但夾在兩架泊得衰衰的車中間, 根本唔夠闊入......

原來除了那六個位, 隔離的一個場都係佢, 有七八個位,
但 Shxt! 得返最入的兩個位, 窄到死, 架車埋到去, 根本好難轉到 90度再塞入去.....
波比扭了幾手軚, 根本前後都得好小位再扭, 條 bumper 一係摌上一級樓梯, 個尾又好驚撞到泊咗嘅車......
非常狼狽及不知所措之際, 有個好心人幫我哋咋!!!
佢好勁咁扭前拄後咗四次, 終於可以將架車扭到入去個位, thanks god!!!

唉..... 真係驚到個心都離埋, 都唔明點解食餐飯攪到咁驚嚇.....

終於都入到餐廳, 那裡有露天座位, 其實好好 feel, 有唔少外國人, 不過又有人食煙, 所以冇坐~

坐室內, 地方好寬敞, 兩個人坐超闊卡位, 十分舒適

點菜, 呢度原來冇 lunch set , 所有食物都係正價叫, 有D 貴~

湯很 creamy, 包就夠暖同軟綿綿



人人都讚呢度的豬手, 我們都是為了豬手而來~
波比選了焗的, 不過我其實有D 失望,
$188 的價錢, 所謂的焗只是稍稍焗返熱, 個皮一D 都唔脆, D 肉就 ok 嫩啦,
但真係冇咩特別, 絕對物非所值......



煙三文魚闊都就唔錯啦, 幾掛汁, 不過以百幾蚊的價錢, 又唔係有咩咁特別.....



呢度如果唔係食佢嘅露天環境, 其實真係名過其實......
揸車離開時, 要穿過一架法拉里......真係啞咗....... 過時真係勁驚囉.......
唉, 其實我又一次後悔, 買呢架車係咪真係太大架呢?
新手駕駛, 早知真係買架 March 先啦.............

[愛美食] 人氣爆燈 -金坊泰國菜

今晚慶祝朋友生日，約埋去了荃灣的金坊泰國菜食飯，
呢間舖頭好犀利，長期都幾十人喺門口等位，如果唔係朋友指定想食，都未必有機會特登走來試

我哋約 6:15pm， 希望早啲唔洗等，點知去到都幾多人，
6:30pm 入到去，叫了八餸一湯好快就上晒菜，我哋五個人迫喺張四人卡位，張枱擺到滿晒食物唔夠位。。。

味道方面，真係好正，全部都煮到真正的泰國風味
個冬蔭公湯好夠酸夠辣，夠晒多香料的味道, 南薑、香茅等等落得好足


泰式生蝦, 每人兩隻都唔夠喉



個芝士蝦丸，芝士流晒心，蝦丸彈牙又香脆， 開埋邊食得方便



海南雞, 雞夠滑, 個汁又係好正宗


串燒燒得好香口，沙嗲汁調得濃稠重花生味



燒鱔嘅肉竟然係爽爽彈彈的



個蒜蓉包又係好得呀，好脆超多蒜蓉, 點咖哩食一流

咖喱炒大蜆，個咖喱唔辣竟偏甜，哈，可能係個湯太辣了



之後有甜品送，個芒果糕幾好食




另外叫了千層糕就幾滯
個芒果黑白糯米好好食呀，啲椰漿好濃，芒果又甜，可惜食完咁多嘢，已經冇晒戰鬥力，否則真係好想 KO 埋佢


整體食物真係非常好，難怪長期長龍，但大家都甘心情願去等啦！

不離不棄

紅斑狼瘡症一發難收拾　
新婚妻走樣失禁　夫不離棄

【本報訊】「無論健康、疾病，我也支持你，愛護你」──這句結婚誓詞的重量，小文員阿傑深深感受到並且做到了。新婚兩個月，太太佩珊（36歲）因醫生誤診，令紅斑狼瘡症一發不可收拾，「（容貌）走晒樣，企唔到，仲失禁」，佩珊哭着說，但阿傑趕也不走，每天工作13小時後，回家仍對她體貼照顧。
記者：林賽香

晚上10時多，阿傑拖着疲倦的身軀趕回家。甫踏入家門，立即走近太太佩珊身邊，牽着她的手問：「今日點呀？食咗飯未？」再問家傭：「有冇幫太太沖涼？太太有冇食藥？」然後阿傑才安心吃飯，飯後已是11時半，仍幫佩珊按摩已變了形的關節，一按就是半個鐘。這樣的日子，他們已過了五年。
未患病前，佩珊是陽光女孩，熱愛戶外活動。她說：「嗰陣仲有三個男仔追我，佢哋又送花又送公仔，好識𠱁我；但佢（阿傑）就好悶蛋，成日粒聲唔出跟住我。」阿傑默默守護着佩珊，在她需要鼓勵時，給她勇氣和支持；在她失意時，給她溫暖的肩膊，「我覺得佢係真心，好快揀定佢，之後發生嘅嘢證明，我揀啱咗」。

醫生誤當皮膚敏感

2008年兩人結束10年愛情長跑，婚禮前兩個月，佩珊身體已有異樣，「兩邊面出紅疹，醫生當皮膚敏感咁醫，搽藥膏冇晒事，就冇再理」。但原來她患的，是會噬人的紅斑狼瘡，卻白白錯過了遏制它的良機。
新婚兩個月後的一晚，佩珊突然心跳加速，全身發熱，阿傑急忙抱她到醫院，經檢查證實，紅斑狼瘡已破壞了她的中樞神經系統，令下肢乏力，難以站立，「初時仲失禁，屙到全身（都是），我發脾氣趕佢（阿傑）走，佢冇理照樣幫我抹身，好感動！」
美麗的新娘子，一下子失去了光彩。雙腿關節扭曲，無法站立，不但要辭去會計文員的工作，更要聘請外傭照料起居。
阿傑為賺錢醫佩珊，天天加班，日做13小時，月薪只得8,000元，佩珊含淚說：「怕俾人炒，佢幾攰都唔敢唔加班。」聘請外傭，已花了阿傑一半工資，扣除公屋租金、藥費後，已所餘無幾，不得不省吃省用。
阿傑沒有視佩珊為包袱，佩珊卻很內疚，眼淚如決堤般流下：「有諗過做儍事，唔使負累佢，但又唔捨得佢同屋企人，所以冇做到。」
扛起一頭家和長期病患的太太，辛苦嗎？阿傑說：「慣咗，佢健康冇事就得。」兩口子對望而笑，然後翻看溫馨的結婚照，佩珊握着阿傑的手說：「嗰陣好開心，可以周圍去。𠵱家就最幸福，因為我有錫我嘅老公。」

欠萬餘元買運動儀

佩珊的物理治療師呂先生表示，她長期服用類固醇引致骨質疏鬆，骨折風險極高，「一撞親好易骨折，有可能壓到神經同器官，甚至會死」，建議佩珊添置27,500元的互動負重運動儀，以刺激骨質生長。
佩珊已獲仁濟永強全癱病人基金資助13,700元購買運動儀，但餘下13,800元則要自行籌措。讀者如欲捐助，可透過蘋果日報慈善基金捐款。
捐款編號：「佩珊」捐款編號：C3388
網上捐款：http://charity.appledaily.com.hk/donate 

她是我以前的病人,

在 2008 年, 我初踏足這家醫院, 對好多病症都一無所知,

她是我第一個接觸到的紅斑狼瘡症個案,

一個病, 無啦啦令到成個人動彈不得, 食不下嚥, 但腦筋是非常清晰的~

她走過了一段非常非常漫長的復康之路, 他從來不離不棄, 親力親為的照顧她,

從他們身上你會看到不可言喻的幸福~

記得見我的最後幾次中, 她也帶來了結婚相及結婚的 VIDEO 給我看,

從她的眼神, 我想她是響往發病前做個正常人的日子的, 不過她沒有怨天尤人, 還是積極地去做所有有可能幫到自己的復康訓練

她在我這邊已 case closed, 不過在醫院的長走廊上, 偶爾還會遇上回來覆診的她, 和陪著她的他,

我還會笑笑的點頭, 問問她的近況,

今次在蘋果日報見到她, 也盡了一點點的心意, 希望呢個 blog 的讀者也可以出一點點的力,

幫助一下這對積極人生的小夫妻~
可能是你出街食少餐飯, 飲少支紅酒的價錢, 就已經可以幫助到好多有需要嘅人~ :)

[2013 台北] 北投泡湯去

北投泡湯, 聽就聽得多, 還是第一次去~
之前一路以為北投在山上, 要去會好麻煩, 原來唔係喎,
先搭捷運到北投站



再轉新北投線



好可愛的列車, 粉飾成綠油油的樹林景, 另一卡仲有風呂木桶~



搭一個站就到新北投站了, 落車一直出, 沿路上山就係, 路牌十分清晰~
又見到櫻花了~



已是黃昏五點, 多數人都玩完落山



沿途有很多古色古香的建築物



有這個免費的足湯, 好熱鬧~



其實上山的路程好短, 15分鐘已經行到去一個叫地熱谷的地方, 有硫磺煙霧不停的冒出,
不過我們去到時, 沒開放啊~



於是回頭去了這間千禧湯浸溫泉~
呢度其實好多溫泉酒店, 但我始終覺得呢度有點偏遠, 住進來要去其他景點實在不便,
所以只是日歸之旅, 有得泡泡湯就已經好開心~

這裡是公營的溫泉公園, 只需 NT40 就可以入場, 入面有三個露天的溫泉,
一入到去, 嘩....... 人多到打咗個突.......
個個池都滿滿的, 八成是阿叔, 一成是阿嬤, 一成才是像我們的年輕人....... 有去錯地方嗎? 哈哈....
之前只是在韓國同日本浸過溫泉, 在台灣還是第一次!
呢度好在可以著泳衣浸, 記得帶毛巾~

浸完好多人會食返條雪條, 哈哈, 好 happy 咁喎~
今朝跑完步, 而家浸溫泉, 真係一大享受呀!
浸完真係有用, 雙腳冇咁攰了, 可以繼續去夜市博殺!!

[愛住家菜] 女人之補之八珍湯

台灣旅行時行經一超級市場, 聞到煲緊藥材湯, 味道就正是藥燉排骨的那種,
一問之下, 原來呢種味就係八珍湯

一路都聽聞過八珍湯對女人好, 所以買了一包湯料回港, NT200 都唔平呀~

八珍湯是由四君子湯和四物湯組合而成，即人參、白朮、茯苓、甘草、當歸、熟地黃、芍藥及川芎[1]。八珍湯能補氣益血，主治氣血兩虛，面色蒼白或萎黃，頭昏眼花，四肢倦怠，氣短懶言，食慾減退，瘡瘍潰後久不收口，心悸怔忡，婦女月經不調，崩漏不止等。廣泛用於各種慢性疾病、病後虛弱、貧血、手術後切口長期不癒合者；及月經不調、功能性子宮出血、頑固性潰瘍等，屬於氣血兩虛者。

返工前, 加埋雞腿豬骨放入真空煲內煲了~ 很香的藥味啊!
放工回家就有得飲, 不過第一次煲, 似乎太多水, 再煲乾D 會濃味D~
雞腿同豬骨可以點醬料食, 唔錯呀~

[愛住家菜] 德國咸豬手 x 雞粥

這個假期吃得太多..... 最後一日假, 當是清淡一點
在家自己焗了德國咸豬手, 不過可能督窿督得唔夠多, D 皮只有少部分有爆開的效果, 下次再督勁D 先得~



煲了木耳皮蛋粥, 因為見到有新鮮木耳賣啊, 木耳的營養價值很高, 宜多吃~

[愛跑步] LSD 荃灣西站跑到屯門元朗 x [愛美食] 自家 honey Toast

假期的最後一天，來個 LSD 約埋鄰居跑友加佢朋友，
一行五人一架單車，由荃灣西鐵站起步，我的目標是跑到屯門，波比就跑返元朗
 

今日係 orange team, 沒有約好，但大家都很橙

經過麗城，深井，青龍頭， 一邊跑，男人們一邊吹水，路程和時間都過得很快，
多人一齊跑，真係好開心
他們都是爸爸輩，晨早享受完自己的活動，還要趕回家陪老婆仔女，
鄰居跑完 30km ,下午還要陪阿仔去迪士尼，真係好爸爸

 


過了黃金海岸，有一朋友腳痛發作要退出了，剩下我們三人繼續跑
去到屯門西鐵站，20km, 之後我都開始有啲膝蓋痛，都係唔好咁博了，一陣又傷過的話就慘。。。
 

最後我跑到兆康就停，共 22km, 多得大家就住我跑慢啲先完成到
好開心，第一次達成了這個由荃灣跑入屯門的目標

 

老公就同鄰居真係跑到返元朗，共 28km,勁呀，係佢最長的練習紀錄啊 

下午茶要獎勵自己，整咗個自家 Honey Toast,出面食要成$80 架!
不過舊包太高了，頂到上焗爐頂，好難烘得全個都脆
又唔記得搽咗牛油先焗，失敗。。。
不過有蕉蕉，哈根大師雪糕，吉士，杏仁，脆米，整體都令人食得好開心
過幾日放假，要整個成功版先得