開年飯

今晚又上攝影班, 阿 Sir.... 真係好唔掂....
完全唔跟 syllable 教, 鍾意講咩就講咩,
明明今堂話教鏡頭, 點知又冇o左件事, 無啦啦講黑房沖曬,
大佬, 呢個年代, 我諗除o左 LOMO 之外都冇咩人會用菲林影相,
而且我知 d 黑房原理o黎做咩..... 我唔會自己整間黑房o黎曬相喎....

成堂佢就係 demo o左點樣左加右加 d 藥水去沖菲林, sigh.....
超 hea 超 dum 波鐘 feel...

我下兩星期 weekend 都要去上 course, 我諗我唔會再去上呢個攝影班了,
勁廢....

上完堂, 去食我o地 Promoter 朋友的開年飯, 難得 jimmy 咁遠入o黎元朗 join 我o地!

吹水吹o左兩個鐘, 好開心~
Jimmy 為我o地帶來了唔少歡樂~
希望佢下次唔好再搭錯車!

收到 Ernie 送的生日禮物, 係會郁o既豬豬電話座, 好可愛!

台中最終回

好o野, upload 晒台中 d 相去 facebook 同 online album 喇!

Day 4 有呢幾張特別鍾意:

呢張有 d 似日本?

好鍾意呢條歐陸小街

我們到了美術館

麥嘜都話台中係好地方!

清境的天空

今晚獨個兒在家, 終於有時間又執執清境的相片

食早餐的地方

更多的相片在 facebook 啊!

一出去, 嘩~~~

新一年了!

咁快就 09 年了!
回顧 08年, 最大的衝擊算是轉o左一份我到今時今日都唔知適唔適合自己o既工,
雖然人人問我仲會唔會轉工, 我都答唔會,
但只係 by exclusion 後, 變質了的 NGO, special school, private 都唔係我想做的 setting,
於是就留低了, 但又完全說不上係太愛呢份工作,
沒有了以前好愛我的小朋友, 好想返工見o下佢o地o既感覺~

可能因為醫院工作實在太大壓力, 人事關係又非常複雜,
如果有一日我要離開, 相信就係到我太討厭呢度o既人和事, 非走不可的地步~

又或者, 09年開始我轉做好多 child cases, 感覺會好一點吧.... 唔知呢?

1月1日, 為慶祝新一年的來臨, 豬氏家庭又 plan 下一次的旅行了!
我o地打算 3 月尾去一次日本, 為的是慶祝我o地結婚 2 週年紀念!
睇返 Honeymoon 的相片, 好掛住日本的風景、食物同埋好乾淨所有o野都好靚o既感覺!

而家盤算緊去東京? 大阪? 定東京 + 大阪?

今次係想攞波比公司的 CX 機票去, $1000 張來回日本機票實在太吸引!
但係要去到機場等位, 有吉位先可以上到機o個 d~

去東京就好多機, 應該冇問題, 但東京最重點的旅遊區都去過了,
去大阪就得 3-4 班機, 搭唔到早機的話, 就完全冇o左一日的時間了.....
所以都未諗得通點算好~
仲有 d yen 又貴, d 酒店房租又相對好貴, 點攪....

我見萬福的印度航空去大阪機票做特價, $1470 咋!!
各位有興趣的朋友有買趁手了!

咁又一年了

近日超愛醫院 Canteen 的 cafe 的即磨咖啡,
飯後總要飲一杯先安樂, $11 的價錢勁抵,
下次你有機會o黎我醫院的話, 我請你飲呀!

今日又係冇生意, 好 crazy 呀!!!
於是睇o左幾份 Journal, 有一份係講 EBP of Non-speech oral motor treatment for children with speech sound disorders,
個 Author evaluate 唔同 Tx approach,
勁踩 Sara 套 oral motor training 完係唔 evidence-based, 一路睇真係好攪笑!

不過都係o架, 我一路都好 query 佢套o野掂唔掂, 全部都係佢自己話掂喎,
咁就好多人信佢, 好多人跟佢做, 好多人買佢套o野......
其實唔係話俾幾千蚊上個 course, 個 speaker o係外國o黎, 佢講 d o野就一定o岩,
我覺得佢 d blowing tools 同 bite block 查實冇咩用囉....

放工即閃, 早放的波比先生o係 CitySuper 買o左好多o野食返o黎呀,
兩個人的大餐, o係屋企冇儀態地齒雞脾係最開心! 哈哈哈!

各位新年快樂呀!

團聚

今日返工, 冇生意!!! 清閒得啞o左.....
年尾俾返 d 好日子我過嘛?

今晚去o左 Laura 的婚宴, 世界就係咁奇妙~
Laura 係我中學的師妹兼 Red Cross 團友, 早已移居美國,
但透過 facebok, Blog, 我們就聯繫上了

今日我見返好多團友仔, 實在太難得有機會咁樣聚一聚了~
對好多學弟學妹, 我的印象仍是停留於初中那個好 cutie 的學生仔 look,
一轉眼, 個個都大學畢業, 個個都大個晒成熟晒,
好似變戲法一樣..... 我們也不得不承認我們老了.....

新娘了都係啦, 冇見十幾年了,
如今已經婷婷玉立, 仲做埋人老婆, 真係好鄧妳開心!

多謝 Laura 給我們一個相聚的機會, 成晚傾o下偈, 影o下相, 真係好開心啊!
多謝妳的豬豬小禮物, o岩晒我呢個豬豬迷啊!

Sleeeeeeeepy

飲o左兩晚, 好眼瞓.....
今日一路睇 case 一路打喊路.....
我要瞓覺呀~

估唔到今日比想像中少 case, 下晝冇o野做?!可以睇o下 presentation 的 reading 真好呀!

忙相聚

最後一日的假期, 節目仍然密密麻麻

去了師姐的家, 好大好靚o既屋啊~ 十年後我都可以住咁大間屋嘛?

仲有佢兩隻超可愛, 又乖又叻的小狗!

o係露台花園食我o地o既大餐, 悠悠閒閒咁吹o下水, 超寫意的感覺!

下一場係約o左 Cora 同阿靜傾 presentation o既o野, 又離不開飲返杯!

Last station was Teresa's Wedding Banquet!
估唔到得咁少同學仔添~
新娘子好靚好高貴啊, 做慣我o地呢行, 特別有司儀 feel~
開開心心, 同同學仔傾o下偈又一晚,
仲有要多謝青青的生日禮物啊! 粗麵正呀!

Happy Wedding

今日係中學好友小 V 的大日子, 亦是我第一次做姊妹!
多謝妳讓我一整日去分享妳的喜悅~

全日用o左 4 舊電, 拍了千二多張相片,
原來 d 人郁o黎郁去係好難影, 最好用係相機的閃光燈連拍 mode~
我會盡快整理好相片, 希望可以快 d 俾返隻 Photo CD 妳啦~

不忘再講多次恭喜恭喜, 見到妳結婚真係好開心~
所有兄弟姊妹都好叻好幫得手!
第一次做姊妹, 先發覺幫人攪一次婚禮好唔容易,
好想對我結婚時的兄弟姊妹再講多聲:「多謝你o地」

見到個 MUA 有部 D90, 影o左 d 相出o黎好正喎!
好吸引..... 嘻嘻....

Lovely Gift

我的 Boxing Day, 收到了 Ashley 的一份可愛禮物!

~就係自家製的肥皂~
等待佢可用的一日!
包得咁靚, 真係應該拎去賣呀~

咁o岩我就係o係台中買o左一本教整肥皂o既書送俾 Ashley,
嘻嘻, Eric 唔好意思, 要把你o既屋企變工場了!

俾 Eric 講中o左, 我o地六合彩中o左好多注 3 個字啊,
你o地有冇中呀?