Coming back soon

we are in the Taichung airport right now, waiting for the flight

We have a very super nice trip here, we love the food, the blue sky, the white cloud, the huge mountain, the grassland, the sheep and cow, the maple, the night market, the coffee...... and many many things here.

Really want to stay longer here!!!
4 days is absolutely not enough!!!

Well, but I dreamed of my boss and my work last night, I know I must be back....
Well, we must revisit this place in our life.

恭喜恭喜

今晚同波比一家參加佢堂大佬的婚禮, 結婚咁耐, 我o地都係第一次一齊去飲宴

7pm 去到, 冇人o既~~~~?
跟住無啦啦同波比先生坐o左o係 reception 收賀禮!

擺酒的係某酒店, 地方好靚, 個場又好正!
堂大佬工作於某大機構, 今晚o黎飲的同平時去飲的人好唔同,
男的個個都西裝, 女的個個都打扮得好高貴好靚,
個個都拎個 LV 菇匙好似去 Annual Dinner o既 LOOK! 勁呀~~

今晚的婚宴, 冇咩才藝表演,
但其實真真正正想新娘子開心, 新郎哥的一個驚喜已經叫人感動得落淚~
完全感受到咩係婚姻的幸福,
希望堂大佬大嫂白頭到老~

今晚又見到呢個叫我做舅母的小朋友,
唉..... 見到波比一家對待佢的縱容, 難免又令我聯想到我o既小朋友會點樣俾人縱壞

Thank you~ ^3^

又老一歲了, 嘻嘻, 多謝大家不同方式的 Happy Birthday~

多謝波比老公的蛋糕, 超好味, 又唔會太甜唔會太漏, 又有蛋香, 好正啊~

我的慶生晚飯去了 Ruby Tuesday, 我o地都同過自己的朋友去,
但兩個人去還是第一次


先來超正的 Ribs 拼盤, 焗薯好粉, Rib 焗得好香口, 一切就開,
炸雞炸蝦更是高水準之作, 醃得好好味啊!

海鮮千層闊麵, 濃濃的芝士香, 上等的海鮮配料, 正呀
(呢個主菜因有 coupon, 原價 $198, 但而家唔洗錢! 呵呵呵)

洋蔥圈, 唔會好厚粉, 炸得o岩o岩好啊!

飯後還有我們的拍照活動, 嘻嘻, 巧開心!

返到屋企, 上o左港龍網站 網上 check in, 自己揀埋座位, 可以印埋登機證添!
仲有一日就出發喇, 好興奮呀!

Go Go Go!

今日巧忙啊, 同 Daddy 食飯, 去添置 d 禦寒衣物, 買o左衫買o左對 boot,
仲有返屋企執屋 (奶奶在我o地外遊期間隨時到訪), 同埋 finalize 我o地o既行程

全彩色印刷 11 頁紙的「豬生豬太台中親親大自然」旅行詳情出籠了!

愈來愈發現, 3 個 full day 真係唔夠玩.... 好想 stay 耐 d 呀~~

經過上次去北海道買桃食冇刀批皮事件後, 今次我連刀叉羹都帶埋去呀!

唉.... 夜媽媽收到老細電話, 聽日失驚無神又要去做替工....
成日走o左去, 咁我 d case 算點呀?

為出發作好準備

今日要開始執行李了, 因為星期四出發,
星期三晚仲要去飲, 星期二晚又出街食, 執唔切就大鑊~

看看天氣預報, 之前仲話會落雨, 而家陰陰天都算係咁咯!

景象網站有即時實景天氣相片,
我們會去的合歡山已經開始落雪了, 唔知道我o地星期六去到的時候,
仲見唔見到雪呢?

清境的天氣唔錯啊, 一層一層的山和雲, 等我呀~~

迫唔入之電腦節

今日行程豐富, 先去同奶奶飲茶, 本來我話今個 weekend 好多o野做唔返去食飯
點知佢係都話要見個面, 因為我生日要封返封利是俾我呢,
老人家好重視呢 d o野o架~

下午返 HKU 借書準備做 presentation,
之後想去電腦節啦, 我o地年年都有去睇o下o野,
點知搭 970 搭o左成個鐘, 過o左太子就係咁塞,
到深水埗落車喇, 嘩~ 實在太恐怖喇, 多人都黐線, 好似維園年宵咁呀! 又要封埋路!
好難想像點迫到入去......
最後我o地行o左一陣鴨寮街就走咯

想搭巴士返元朗, 但條隊有幾十人好誇張,
於是都係改搭西鐵返o黎穩陣 d!
返到o黎上攝影班, 我的同學仔 Willis 就係o係旺角返o黎, 等車都等o左半個鐘,
仲要去到深水埗塞到佢寧願落車,
最後得返我一個人上堂

今堂講外置閃光燈的應用, 開個閃光燈o者都要計晒數咁.... 唔係嘛....
愈上愈覺得 DSLR 太複雜了, 諗完一大輪 setting, 要影o既o野分分鐘都錯過晒~
更加覺得我呢 d 傻瓜 DC 仔最o岩我~

今堂阿 Sir 借我部機出閃光燈, 佢手上面o個兩個閃光燈感應到光就會自動閃,
又幾過癮!

晚餐於舊 B 仔後面的大排檔, 嘩, 成條街擺滿晒枱好壯觀!
枱枱都係打邊爐、豬骨煲、煲仔飯, 吹住西北風食先有風味

我o地叫o左....

仲有一個窩蛋牛飯, 好好味啊!!

見到隔離枱的豬骨煲好想食, 但係兩個人一定食唔到,
下次邊位好友入開o黎元朗, 可以搵埋我o地一齊去食啊!!!

返到屋企打開信箱, 收到一份好好的禮物,
就係舊公司寄o黎o既 cheque, 係政府加人工後, 至到我離職前的 backpay,
連換錢的年假都有得計數, 有成千幾蚊, 好開心, 因為從來都冇諗過佢會俾返 d 錢我o架~
12月係要洗好多錢的一個月, 幫補o下都好呀!

又食又影慶生辰

上年波比先生生日, Book o左 TODAI,
點知有人o個日腸胃炎去唔到食, 攪到要食茶餐廳, 老婆嬲爆爆o左幾日!

今年, 終於我o地都去到了~ 份外開心!

食完飽得捧著肚子走.....

之後我o地去o左海港城, 去o左海旁影相,

好開心的一晚~
波比生日快樂

生日快樂!

今日請o左假, 返兩日, 放假再返兩日感覺好 Happy~
不過其實又唔係咁 Happy, 因為有同事要 sick leave 成星期, 聽日後日我又要去做替工, sigh....

Anyway, 今日要 enjoy my holiday, 整理屋企的家務,
搵 presentation 的資料, 再問問保險的資料,
最重要的, 當然係夜晚同波比先生慶祝啦, 嘻嘻~

元朗泰菜推介

這一晚, 忽然想起未試過舊 B 仔隔離o個間泰菜,
於是同波比先生去了!

係街邊的大排檔 feel 座位, 一路食一路俾 d 路人望住...

但係 d 食物好掂! 價錢又唔貴, 好過好多咩咩泰菜館!
呢個海南雞真係冇得彈, d 汁係好正宗泰國o個 d 味道!
馬拉盞通菜好惹味!
串燒係佢另一主打, 呢個拼盤有雞翼、牛、豬頸肉,
d 沙爹汁好香花生味啊!!! 想起小時候o係安定輕鐵站夜晚的街邊串燒檔~
極力推介佢o既冬蔭公!!! 估唔到佢會用個爐上枱!!
用料十足, 味道真係o係泰國食咁, 正正正!!!
泰國咁多美食, 難怪咁多人唔理 d 警報, 點都要去泰國旅行.....

世紀聖誕

除了又一城. 又拍了新世紀廣場的聖誕主題佈置
一層層的甜品佈置, 女孩子至愛

四周的舖頭都熱賣緊聖誕 Box Set,
可愛的聖誕樹聖誕老人聖誕飾物啊~ 想通通都搬返屋企!!!

今晚同波比阿姨姨長食飯, 談到將來的好多問題,
想到家中長老第時的照顧, 想到經濟環境動盪失業裁員分分鐘發生,
萬一最壞的發生了應該點樣呢?
人生要 prepare for the worst, 要有好充足的 contingency plan,
好多將來的問題要想, 因為我o地大個仔大個女了~