由酒店行過去, 幾分鐘就到
去到八點幾, 但竟然 95% 的檔口都收工了 "o"
見到有D 新鮮的水產賣, 同埋有魚生飯, 不過又不太吸引......
沿途見到此行唯一的紅葉, 太幸運, 想不到十月頭都見到少少!
返到東橫 Inn check out, 順便決定做埋會員!!
俾 1500 yen 入會, 好攪笑, 有個 web cam 即刻幫你影相, 唔洗一分鐘就印好埋張會員卡俾你~
做會員有咩好處?
哈哈, 其實多啲嚟都抵o架, 住十晚送一晚, 特快 check in, 提早 check in,
最好就是可以提早半年就 book 得酒店 (非會員要入住日期前三個月先開始 book 得)
哈哈, 多個藉口嚟多D 日本囉~ 而家千幾蚊可以買到 budget airline 嚟日本,
四五百蚊就住到東橫 inn, 真係 weekend 嚟食個魚生飯都 ok o架 XD (妄想中)
Bye bye 佐世保, 搭 JR 去鳥栖站,
之前過講今日會落雨, 真係好準, 上車就落出喇....... 因為有個颱風喺九州附近,
今日 book 了熊本的酒店, 熊本又其實冇咩行, 就將本來喺第六日的行 outlet 行程提前到今日
因為佐世保去熊本冇直車, 其實都要在鳥栖那邊轉車, 就順道去埋鳥栖 outlet~
不過之前 book 好晒的指定席車票咪唔啱用囉?!
上網研究過, 可以去 JR 綠色窗口退返俾佢, 然後用你的 JR Pass 再約埋你而家想搭的車次~
我們要做個負責任的旅客, 唔好白白浪費了預約了的指定席,
你退票後, 可讓另一個旅客預約到, 何樂而不為~
拎住件大行李, 好擔心冇 locker , 好彩一出站左手邊就有, 僅僅塞得落我們的大喼, 超感恩!
隨即搭巴士去鳥栖 Outlet, 可能早, 冇乜人
即時衝去 Nike, Adidas, Asics, 不過其實又唔算好多嘢啱, 有限度地出血 :P
然後我哋要去久留米站轉新幹線, 未夠鐘逛逛車站, 見到很可愛的旅遊介紹牌
買了好好飲但好肥的鮮奶
之後第一次搭新幹線列車, 九州的新幹線由博多去到鹿兒島, 很快就到!!
但好貴, 如我哋而家搭 20分鐘去熊本, 七十幾公里, 3790 yen~
如果唔係有 JR pass 可以免費搭, 真係好唔捨得自己俾錢搭!
入到去真係嘩嘩聲, 好高級的格局, 列車有時尚的外表, 但古典高雅的車箱,
同車箱的只有幾個人, 都是著晒西裝很高級行政人員 look 的~
座椅, 手墊都很舒適, 拿了本免費的旅遊雜誌, 介紹了仲有很多此行去不到的地方,
一兩年後, 又有藉口再來
這架燕子號, 真的很快很準時~
出了熊本站, 轉個彎就見到今晚住的東橫 inn, 用了會員的福利, 住房有95 折
用會員卡 check in 很方便, 因為佢已有晒你的個人資料, 唔洗次次由頭寫過D 資料卡,
唔洗五分鐘就攪掂~
酒店外就是熊本的地面電車站, 有D 似香港的輕鐵
去食 lunch 的地方叫黑亭, 酒店行去幾分鐘就到, 很偏僻, 唔係睇住 map 都唔會識得入去
時間不早, 仍好多人, 大家來其實就是為了佢
據聞這個豬肉飯很好吃, 點了一個
將隻蛋拌勻
橙色的蛋黃, 混和了充滿肉汁肉燥香的日本米飯, 超超超好吃!!!
再來就是這個蛋黃拌拉麵, 佢的拉麵標榜自家製, 仲有分銷到日本其他地方,
麵條是有點蛋香唔錯, 不過個湯底就麻麻, 唔....... 談不上有乜特別, 都係個飯好食好多!!!
