[愛美食] 再訪 Lam Tei Grill

今日約了波比阿姨姨丈表妹去食 Lam Tei Grill , 慶祝阿姨姨丈生日



超美味的烤豬手, 肉嫩又唔會過咸, good!



波比仲訂咗個巨形心太軟, 一切開真係好流心, 好得~
祝阿姨姨丈生日快樂, 時時都咁活力十足, 最緊要是健健康康啦~

感激好同事

今日終於都同老細攪掂了工作安排喇,

真係好開心, 5月開始有兩日返近好多的醫院,

過程中要多謝各個同事的配合, 因為調我的同時, 都會需要對調及影響其他同事,

亦多謝老細的體諒同為人著想, 我要求到的, 佢都盡量配合~

其實無啦啦調醫院, 都是開始想到人生的下一步, 

同老細傾開, 如果有需要, 之後佢都會盡量 facilitate ,

咁 supportive 的老細, 都真係算我好好彩了! 

[愛跑步 x 美食] 放工第二跑

今日放工又同同事去練跑, 正好再測試一下對腳的情況,
感恩的, 左腳前膝頭已沒有痛了!
右腳後膝都明顯比上星期好, 不過一跑得耐D快D, 就都有少少扯住咁, 希望下星期去旅行全休息後, 可以完全好返晒啦~

輕輕鬆鬆的跑了 8km, 幾個人一齊跑, 時間同距離真係過得好快,
快過我在元朗無聊的跑圈好多!

波比先生都有來會合我哋, 然後一齊去食大排檔,
嘩嘩嘩, 樣樣都超好味, 太愛呢D 地道美食了, 希望唔會在香港消失啦~

轉...

這幾天為了工作的安排很忐忑,
很猶豫應唔應該申請轉聯網, 返工近好多屋企, 但會是陌生的人陌生的環境, 要重新適應~
同老細傾完, 老細當然唔想我走, offer 調我去最近我屋企的醫院, 不過得兩日, 但有得泊車~
遲D 可能可以全部返晒呢間, 但一定 guarantee 唔到長遠到五年後會係點,
「有需要」時, 咪又係要調返我返去而家呢度..........

很迷茫~

今日放工, 泊咗個好肉酸的 S 位, 然後衝去惠康買豆腐, 勁驚! 下次都係泊返架車返屋企先出去買餸好了, 唔懶得!

這是從吉之島買的台式藥材羊肉湯, D 味都幾似喺台灣食的, 但成包得4 片羊肉, 如果唔係我自己加咗料落去, 真係冇嘢食.....



仲有孜然牛肉粒粒, 清晒上次去九哥買的存貨, 今個星期六又去了!

[愛美食] 佐敦 Ramen Champion

呢排好 hit 的佐敦 Ramen Champion, 今日放工終於有機會一試

選了這兩間



不過老實說, 唔覺得特別好食囉........
D 湯底有色冇味......... D 麵又硬, 兩碗都勁多芽菜, 多過D 麵.....
比起真係去日本食的差太遠.............
都係去返一風堂穩定D~

[愛住家菜] 辣辣重慶雞煲 (附食譜) x 藍莓芝士蛋糕

第二天的假期, 睇吓書, 上吓網

今日又煮咗好多嘢食呀, 焗咗八個麵包, 今次慢慢整, 發酵了足足三個鐘, 發得超好呀!!
原來用白神酵母, 真係要有D 耐性~
好耐未試過整到咁麵包店的鬆軟感, 但又完全沒有人工添加劑~



然後就整晚餐, 今個冬天最 hit 的食物, 莫過於係來來重慶雞煲喇!
七月時食過一次, 好鍾意, 不過之後都未有機會再食喇~
元朗而家開咗好多雞煲店呀, 周街都係滾滾滾~

我整呢, 參考了網上的食譜,
先用蒜頭起鑊, 加茄子爆香, 然後加入雞湯、花椒、八角、桂皮、麻辣醬、油膏、辣椒乾,
滾起後, 加入已醃好的雞件 (我還加了些打邊爐食剩的肉, 實行一鑊熟!)
煮5分鐘到, 加入青椒同唐芹, 再煮多兩分鐘即成~
嘩, 個味道都真係好似街的, 茄子吸了辣汁, 好惹味呀!



仲有呢, 整咗波比最愛的藍莓芝士蛋糕, 平時 weekend 佢總是心思思要去美心買,
而家整咗一大個, 佢星期六日自己一個在家, 都唔洗驚餓親啦~



用了 Oreo 餅做底, 原來要整碎晒D 餅都唔係容易事呀~
第一次煮藍莓醬, 原來很簡單, 加上新鮮的藍莓呢, 入口真係好食過美心雪到又稔又霉的~
食譜我是自己睇書, 不過 Christine 今期咁啱又係教, 藍莓醬我就係用了佢嘅食譜, 大家不妨參考一下~

[愛住家菜] 杏汁白肺湯 x 糯米釀雞

攞咗兩日大假, 因為今個 weekend 要上堂, 唔放吓假直踩 12 日會死

起身冇耐, 發現睡房D 牆又發晒霉, 鬼咩, 呢幾日咁潮濕, 我都估到就嚟又發霉, 係冇諗過咁快o者
唉...... 所以今日第一個活動就係抹牆同抽濕.........
都幾擔心去完旅行返嚟, 成間屋都發晒霉 >.<

喜歡一個人在家, 可以執執屋, 煮嘢食~
今日終於都 plan 晒北海道行程喇, 了咗件心事喇~

下午去買餸, 黐線的, 百佳真的如蘋果日報所講, 被強國人佔領了!
我買廿蚊嘢, 就因為佢哋個個都買十幾廿盒賀年糖果, 攪到大排長龍!
價真棧情況真係同樣嚴重呀.......

今日大製作呀, 煲咗杏汁白肺雞腳湯
第一次整豬肺, 街市已啤水, 返嚟再洗洗洗, 飛水就煲
不過.............我煲燶咗........ 真係唔知點解, 細火煲一個鐘都會乾水..............真係有點欲哭無淚, 嘥咗咁多心機...........
好彩仲有D 湯料剩, 於是由頭再煲過..........
唉, 好彩最後都煲到似樣的, 波比話同出面的一樣呀~
我覺得自己煲好D, 飲過鴻福堂的, 總覺得有陣腥腥臭臭的味道~
這個湯補肺又補腳, 啱晒跑步人飲啦! :D



仲有炒咗臘味糯米飯, 本來想釀入隻雞度蒸, 但係見到D 冰鮮雞有個頭, 實在好恐怖......
終於改買了超巨的雞睥, 炒完飯釀入去再蒸半個鐘,
咁就D 糯米飯都有雞味同雞汁, 正呀~~

[京阪神 2012] 嵐山嵯峨野

行程的第五天, 第一次到訪嵐山嵯峨野, 在那裡有小火車坐, 可以穿越山谷欣賞紅葉
車票可在 JR 站預購, 但出發前已在新聞組得知預售票已售完,
所以今日要一早起身去排隊買票

售票處 8:30am 先開, 我們 7:30到達, 前面已排了很長龍, 還碰到醫院的同事!
我們買了來回票, 不過去程已經冇晒座位, 唔緊要啦, 我們買了企位~



之後逛逛, 見到呢部好攪笑嘅機, 幫你影張相, 印落個公仔頭度!
我見只係 200 Yen 就推咗波比先生去影, 影完先知原來得塊面, 個身要再俾 500 Yen 買, 安裝上去~



波比先生好專心的整, 整好了, 真係好攪笑!



9:10am 我們出發了, 其實如網友所說, 企位都唔係唔好呀, 因為我可以在車廂兩邊走動, 把兩邊的景色都攝入鏡頭~





穿過兩邊的紅葉通道, 好浪漫~~~ 這裡春天就會變了櫻花通道,
2015 年如果參加4月的京都馬拉松, 就可以遇上了!



大家也忙著不停的咔嚓咔嚓



有些人會坐小火車去, 坐船仔返, 但太貴了, 3000 Yen 呀, 慳家老婆沒興趣啦~









這種顏色的交錯, 美得令人讚嘆~



回程時, 我們在嵐山站落車, 一路行去渡月橋, 車站外有些小攤檔





這個行程, 波比先生不停的叫凍, 話我買俾佢的 Columbia 實在不夠暖,
鬼咩, 人哋係預你喺入面著 fleece 的, 不是就咁著一件........
所以行程中, 有人常常偷偷去買飲品, 美其名取暖, 實際是貪吃~

我們常常見到栗子攤檔, 究竟係咪咁好食呢?
免費試食後, 覺得係大大粒, 不過味道還是與香港的一樣~ 但暖笠笠已足夠~



我買了糯米餅, 新鮮整的! 讚!



之後向南, 行行行, 本想去大河內山莊, 但要入場費, 算吧, 還有很多很美的免費景點



這片竹林很壯觀呀!!



入到天龍寺, 處處是紅葉, 又嘩嘩嘩~~~















很好的天氣, 非常感恩~



多謝替我們拍合照的人



行完天龍寺, 我們去了一間叫中村屋的牛肉專賣店,
他們用牛肉做了薯餅同炸串



熱辣辣, 超美味呀!! 果然係 local 人推介呀~~



見到很可愛的屋子~



我們沿大路向南行, 很熱鬧呀, 現在是賞楓時節



人和車擠得水洩不通



路上有很多食店, 找一些我們這次旅程還未吃過的, 去了這間 めん処こばやし



要吃滑蛋吉豬飯, 日本的蛋品質好, 造出來的食物也特別好吃!!



波比常嚷著要食 soba, 又吃到了, 大滿足~



然後來手信店走走, 很哥愛的曲奇呀~



古老街道, 佩上七色的山巒, 很美呀~
遊人很多都是公公婆婆, 恩愛的拖著手慢慢行,
我發現日本老人家的生活質素比香港好好多, 我們去旅行, 想見到佢哋成團的出遊,
這是應有的退休生活啊~



這就是渡月橋了~






過橋後是嵐山岩田山猴子公園






本想上去餵馬騮, 但係又要入場費, 而且時候都唔早, 我們要去動物園, 所以冇上到去喇





等巴士時, 見到好多鴿子圍住個食緊雪糕的女士, 好攪笑....